انصدمت بالي كدامي شفته صافنه وتمشط بشعرها الي واصل لحد عظلتها ولونه عسلي اول مره بحياتي اشوف هيج شعر صحتني من صفنتي من دارت وجها وشافتني وعاطت جفلتني ركظت عليه
حسين : الله الله شبيچ
نور بتاتاه : انتتتته ششششلون طبببب عليه انني ما لابسسسه
حسين : طاح حظ جعفر . طفرتيني عبالي شو شبيج يابه دكيت الباب بس انتي صافنه عبالي هبط عندج الظغط صار عندج اغماء متي شدراني بربانزن تمشط
نور :دووور وجهك اللبس حجابي
حسين : باوعتلها بطرف عيني يله عيني البسي ولعلمج راح اشوفه هواي منا وغاد
نور :اانت شتكول ... سويت روحي ما سمعت حجيه وي شيخ محمد
حسين : درت وجهي بين ما تكمل لبس حجابه وظليت اسولف وياها نصدمت من كتلها اخر يوم تلبسين حجاب كدامي .. يله ما كملتي اريد احجي وياج بموظوع
نور :لفيت حجابي ولبست صايه عندي دوم البسها مثل العبايه تقريبا كملت كالي عنده موظوع وياي واني اعرف الموظوع بس سويت روحي كلشي ما اعرف ... اااي احججي
حسين : شوفي يا بنت الناس احنه ما نگدر هس نرجعج لهلج والوضع تعبان لازم محرم يديرباله عليج ويعلمج على السلاح علمود تحمين نفسج خاف الله يكتب النا الشهاده بيوم وترجعين تتحاصرين من هذوله النجسين عاد على الاقل تكدرين دافعين عن نفسج الوضع هذا مجبورين عليه كلنا ولازم تتقبلي اما بالنسبه لاهلج اني وشيخ محمد نكلهم . واني راح اعقد عليج لحد ما ارجعج لهلج وطلكج
نور : ظليت حايره بين اوافق لو لا ولو هو بكل الاحوال اوافق لان اني اغلب الاحيان يغمى عليه بسبب هبوط الظغط واخاف احد يتكشف عليه ويشوفني بدون حجاب وسيد حسين جان اقرب شخص واكثر شخص ساعدني هزيت راسي مايده كلامه واردفت .... سيددد كككل الابوي اني ما عندييي جرئه اكككله كافي حجيي الناس عليه هس
حسين : اني اكله وسالفت الناس انسيها واهلج اني اتفق وياهم يكولون انتي عد اقاربكم عد اخوالج اي شي وسالفت داعش ما يحجيها
نور :شكراا الك
حسين:هزيت راسي الها وطلعت والهموم على كلبي هواي ما اعرف وين تصفه بيه وهاي المسكينه الي تورطت
رحت لشيخ محمد وكتله موافقين وتصلت بابوها بالاول فهمته الوظع وراها حاجاه شيخ محمد وقنعه . صار عقدي بساحة الحرب بنص الدم وصوت المدافع بنص القناص واثنينه مجبورين عليه جبرتنه الحياة وقساوتها
شيخ محمد : فان قبلتي قولي نعم وانت وكيلي
نور : نعم وانت وكيلي
شيخ محمد : عقد مبارك ولدي احياننا الحياة تختار النا بقساوه بس ما نعرف الخير الي يجي وره هاي القساوه اتمنى منكم تكونون سند لبعض لحد ما نطلع من هذا البلاء الي نزل على وطنا
حسين : الله يبارك بيك شيخنه صح الحلم مو هيج بس الحمد لله على كل حال
شيخ محمد : الله اختارلك هيج ابني
حسين : هزيت راسي التزمت الصمت بعد ما حجيت كال
شيخ محمد : ابني انت بعد تباشر بحتياجات زوجتك وتنام يمها خاف البنيه تحتاج شي
حسين : هاااا
شيخ محمد : هاا بويه جنك ستغربت طبعا تبات يمها جا ياهو يحميها
حسين : نصدمت من كال تبات يمها انوب خجلني من كمل كلامه اردفت. . لا بس نصدمت تمشيت اني والشيخ مسافه ونسولف
شيخ محمد : لا تنصدم يله اروح اشوف الولد اني وانت ديربالك على مرتك
حسين : مستغرب الوظع كل ما يكلي مرتك اطفر . انوب كملها جعفر
جعفر : عريسنه جكليته وحماض حلو باكيته
حسين : جعفر اسكت وعلي لا عريس ولاشي كلها يومين ونطلك
جعفر : شوف اني ايست من حاطه على ظهرك وتركض وتصيح مصاب وهي كلشي مابيه
حسين : جعفر مو بديت
جعفر : اي سلام وجان يسحلون هذاك الولد ويزوجونه بالحرب ولا يكعد راحه يريد يسوي روحه عريس المعارك وينزل بالفيس هههههه
: والك يدور شوهره وباجر تشوفه الفتى الجنوبي الذي تزوج في رمال الصحاري وتحت هاونات الحروب
جعفر : سيد تريدها بصمه لو كتابه
حسين : شنيه
جعفر: العفطه ههههههههه
:كومو منا لا انعل والديكم تظحكون عليه
سلام : حشى سيدنه
حسين : تكومون لو اكوم اني
جعفر : وداعت فطيم ما اكوم
حسين : كمت عليه وكتلته دفرات وبوكسيات
جعفر : اااخ ولك شبيك فوك ما احلف بغلات اختك
حسين : جعفر وعلي اموتك بطل سوالفك المسربته
جعفر : هلا يرمانه منهيه الزعلانه حسوني زعلان منو يراضيه
حسين : كمت لان مبين جعفر ناوي عليه اليله عفته امشي وهو يظحك وي سلام ويذب حجي
جعفر : سيد اعرف عريس بس لتاذيني
سلام : فوك ما تزوجتج بالمعركه
جعفر بصوت انثوي : سيد احوووبك
سلام : اموت عليج مريتي
حسين بصوت عالي : وعلي اجي انعل جلاب اهلكم بطلو مصاخه
الولد :ههههههههه اوووووي قيووور ديغار
حسين : تعبت منهم ظحكت ومشيت لمصيبتي انوب يكلولي نام يمها بالكرفان
وصلت يم الكرفان دكيت الباب .. اجاني صوته الهادء تفضل
نور : بعد العقد واصانه شيخ محمد وراحو يتمشون هو وحسين اني رجعت لمكاني افكر بمصيري وره تقريبا ساعه اندك الباب عرفته هو لان بس هو يجيني. كتله تفضل اشو طب وسحل مخده وتمدد باوعتله بعد رظى
نور : سسسالمين المن ننايم ههههنا
حسين : نمطلت وانطيتها ظهري وجاوبتها .. شيخ محمد كال مرتك لازم تنام يمها وتحميها من كلشي
نور: بسس ما اااخذ راحتي شلوون انام وانت هنا
حسين : حطي راسج على المخده وغمضي هيج وتنامين
نور : انت تظحك عليه
حسين : لا والله بس انتي ما تعرفين شلون تنامين وجاي اعلمج
نور: كلش حرك كلبي اسلوبه مستفز بشكل ويقهرني ..انت مستفز
حسين : امم
نور : احجي وياك
حسين : بدينه بنك النسوان اني ما اريد اتزوجج بس شسوي
نور: قهرني من كال هيج سكتت ونزلن دموعي حسيت روحي ثكيله عليه ورطته وياي بس مو بيدي الحياة جبرتني عليه وجبرته عليه
حسين : من حجيت اشو سكتت ظلينه سكته دقايق رفعت راسي من المخده اشوفها اشو هاي كاعده بالزاويه ومخليه راسها على ركبها وصافنه ودموعها ينزلن سره وجها احمر . صدك منظرها قهرني طفرت فاز الها
.. شبيج نور ليش تبجين يوجعج شي احجي
نور : لا
حسين : نور لا تشلعين كلبي شبيج ابويه انتي احجي حجي غثج
نور : لا
حسين : نور اسف والله مو قصدي
نور : نزلن دموعي اكثر
حسين : مديت ايدي امسح دموعها صح قبل اني لامسه بس بحكم الطب وبدون اي مشاعر بس هلمره حسيت شعور مختلف من لمست بشرته ناعمه كلش وعيونها دايرهن احمر متروسات دمع هي بس لمسته طفرت وحجت
نور : لا تلمسني
حسين : ماشي اسف بس لا تبجين
نور : درت وجهي للجه الثانيه وظليت ابجي بحركه مالت هذنيج الايام كلهن
حسين : زادت بالبجي والشهكات حسيت روحي شخص حقير لان بجيته وهي ما كالت شي وحقها ما متعوده على الوظع حاولت اسكتها ماكو اخر شي كتله ... نور شوفي اني اسف حجيت هيج مو قصدي اظوجج انتي خوش بنيه وتنحطين على الراس والف واحد يتمنى اظفرج بس اني مشكلتي بالظرف الجمعنه تحمليني بس هاي الايام بين ما لو الله ياخذ امانته واستشهد لو ارجعج سالمه لهلج
نور : من حجه هيج شبه قنعني بانو لازم اتحمل وما عندي غير حل اردفت. .. اني اتحمل بس لا تحسسني ثكيله عليك ومتورط بيه بيه اني ما ردت منكم شي بس توصلوني لاهلي
حسين : من عيوني واخليج بيد ابوج بس لا يبجن عيونج اسف وتقربت عليها وبستها من راسه. وهاي هم بستج خاف تكولين ما باسني بعقدي
نور : حجيه طمني ومن باسني صدمني ولازم يخرب اللحظه بحجايته لا اراديا ظربته على جتفه وهو صاح بصوت مايع عود بنيه
حسين : ااااه اذيتيني شكد قاسيه
نور : ظحكني من كال هيج
حسين : ااام هس تصاحبنه صدك تقبلين اصير صديقج المقرب بما انو راح نشارك الغرفه وتحجيلي عن حياتج واحجيلج عن حياتي وهي ظوجه هم نغير جو وهم نتعرف على بعض يجوز ارظى بيج وخطبج من اهلج
نور :بعدني اظحك على سوالفه شو هذا طكاني صفح بحجايته ... اني ما ارظى بيك .. ورفعت حاجبي اله
حسين : انتي خسرانه شاب حلو وسيم مثلي متدين واخلاق عاليه ودكتور وين تلكين مثلي
نور : ما اريد مثلك اصلا
حسين : اممم خاف اكو احسن وغمزت الها
نور: صدمني باخر حجايتين خفت خاف قاري دفتر ذكرياتي وحجي عن استاذ ليث . ... لا ماكو
حسين : تغير لون وجها صار احمر مبين عليها تذكرت شي حجت بتاتاه لا ماكو هنا نفجرت بالظحك ...
ااخ بويه كلبي هههههههه .. يله نامي تره حلال تنامين هنا وعادي ذبي الحجاب
نور : هاا لا ما اذبه
حسين :بكيفج اني شويه انام وروح عندي واجب بالطبابه
نور : هزيت راسي اله هو رجع لمكانه ونام واني ظليت افكر بحياتي شلون تغيرت شويه تعبت من الكعده تمددت وره شويه غمضت من التعب بين النايمه والكاعده حسيت غطه صار عليه جريته ورحت بنومه
حسين : نمت كعدت لكيته مكرفصه بردانه عليها صايره المروحه اخذت الغطه غطيتها وطلعت للطبابه لمكانه المعتاد كاعدين نشوف الجرحه واجونه الولد ركض جايبين جريح ..
: دكتور الحك راح يموت
حسين : بس سوو مجال .. جبت المگص گصيت البدله طلعت مكان المصوب بيها .. جعفر على السريع مغذي شدله وخليله مهداء
جعفر : ماشي
حسين : عقمت مكان الجرح وخدرته وطلعت الرصاصه سيطرت على النزف الحمد لله .. جعفر ظل يمه من يصحه صيحلي خلي اشوف البقيه
جعفر : سيد بس اكو ولد رجله احتمال بتر شوفه
حسين : هزيت راسي باسا .رحت شفت الولد عنده كسر مظاعف الحمد لله ما يحتاج بتر جبست رجله مؤقت بين ما ينقلوهم للمستشفى وي الرتل
جانت ليلة متعبه مثل بقيت الليالي كملت كل شغلي وطمنت على الشباب اجه الدكتور الثاني
: كواهم الله الابطال
حسين : يكوي حيلك دكتور هذوله المرضى بس معاينه وكل ساعتين ابره بالمغذي
: تمام دكتور ارتاح
حسين : طلعت اني وجعفر لمكانه نام وصلت ودفعني جعفر: روح لمرتك .
حسين : جعفر اسكت رحمه الاهلك تره تعبان
جعفر : لازم تروح يمها شيخ محمد كال
حسين : اهووو شلون مصيبه
جعفر : خطيه لا تكول هيج البنيه شنو ذنبها
حسين : مو قصدي عليه بس ما متعود .. يله اروح انام
جعفر طب لمكانه واني رحت للكرفان مالته اشتميت ريحه طيبه الي دوم بكرفانه طبيت لكيته نايمه بس بدون شال مبينه امنت ما اجي بعد واخذت راحته اني هم خليت مخدتي ونمطلت متعلم انام على جهتي اليمنه كلبت صارت هي كدامي اباوع شعرها كصيبه مادتها مسافه عنها جبيره تجنن وهي نايمه ظليت اباوع الها لحد ما غفيت كعدت على صوت قوي طاح يمي فتحت عيني مفزوع وشوف .......
أنت تقرأ
نور وسط الظلمات
Romanceبالمستشفى ... فدوه خلوني بس اشوفه والكم اموت اموت بدونه ولكم هذا طلعني من الموت ولكم انطاني الامل والفرحه والنور بايامي الظلمه ولكم هذا سندي لا تكلولي مات لا تكولوها اسكتووو سجدة ابجي وادعي ربي لا تسويه بيه والله ما اكدر بدونه والله اموت بدونه ربي...
