نور : باوعتله .... كبل غمزلي ......ظليت احجي وي روحي يبووو عرفني عرفني يبووو
حسين : وره عركتنه بعد ماشفتها والاكل بيد جعفر ادزه حيل حزت بنفسي اخر عركه وياها بتعدت .. وبيوم جان عدنه هجوم وكالو اكو ولد جديد قناص صدك بدينه نتقدم وهو شتغلهم ياهو يمد راسه يكتله جان اله دور قوي بتقدمنه اجه الدعم ولازم مجموعه ترجع للمقر هنا شفت شيخ محمد وياه القناص من هيئته عرفتها هي ظجت بداخلي لان ما كالتلي بس جان فعله صدك مشرف وصلت يمها وسمعت هي ولد اسمها قناص واخرس ظحكت على سوالفها ... جانت مغطيه روحه كلش بس عيونها طالعه صار لازم نرجع وتفقت وي شيخ محمد ارجعها وياي هو امن وياي لان بحساب مرتي هي رفعت عينها عبالها ما عرفته بس من غمزت الها حسيتها رجفت اخذت ايدها كايدها ومشينه دنكت اشاورها
:: لايكلج النقاب والبدلة
: شسمه هذا
:: اششش نوصل ويصير خير
نور : بعد ما حجيت شكول عرفني والله يعلم شراح يسوي .. وصلنا للمقر اني تسحبت رجعت لمكاني بعدني افتح بالقميص ما حسيت الا الباب انشلع مو انفتح التفتت وشوفه عيونه يطلع منهن جمر من العصبيه كبل حجيت
نور : شوف خلي نتفاهم بروح الحسين
حسين : صارت نتفاهم ما كلتي نتفاهم من طلعين بنص الزلم وتحاربين
نور : شوف مو الحياة الزوجيه مشاركه كلت اشاركك حتى بالحرب لحد ما نتطلك
حسين : هس صرنا متزوجين وكبل اسبوع طلعتيني مغ.... واني ما ادري بروحي ومستغلج وراح شرفج بسببي
نور : اني كلت هيج سمعتني كتلك هيج لا فخلي نحلها وديه
تقدم عليها واردف
حسين : انتي تعرفين الوديه تعرفين التفاهم شنو بهذا اسلوبج ... ظربه باصابعه على راسها
نور : لا تظربني لا اسويها قظيت رئي عام وذبك بالسجن
حسين : اباوع عليه شلون تحجي ميت ظحك بداخلي حتى العصبيه طيرتها بس استمريت امثل دور العصبيه علمود ما تكررها ......هس اذا اشرب من دمج هم واحد يكلي ليش
نور : ادري دمي عسل بس مو تشربه
حسين :: نووووووور اجرم بيج والله
نور : شبيك غير الطف الجو صدك شلونك احوالك مشتاقتلك تعال اكعد خلي نسولف ... سحلته من ايده علمود يكعد بلكي ما يسوي شي لان مبين كلش عصبي
حسين : سحلتني كعدتني وتطمن عليه حرت بيها لا هي جاهل ولا هي فطير ولا هي ذكيه عود عباله من تسوي هيج تسلم من العقاب ... اي ست نور تعالي سولفيلي طلعين وتمشين وتحاربين صاير
نور : شوف هو اني شالتني الغيره على وطني فكلت احارب بس بعد اذنك يعني
حسين : مبين اخذتي اذني
نور: لا والحسين هاياها موجوده شو طولانه
حسين : جريتها من شعرها .... شنو قصدج مطي اني
نور : يااا منو كال لا حشاك سيد حشاك
بس هدني
حسين ,: اهدج مو ... قربتها اكثر الي صار وجهي بوجها .. حجيت بهمس .. شلون العقاب تريدي
نور : قربني اله ومحكم قبظته على شعري ما اكدر اتحرك وسئلني بنوع العقاب هنا روحي راحت من الخوف جاوبته بتوسل
... يهون عليك تعاقب هيج وحده بريئه مثلي وحبابه وبرطمت
حسين : من حجت بتوسل وبرطمنت منا اني مشتاقلها ومنا هي وحركاتها كلت استغلها فرصه عود اعاقبها .... اي ست نور عقابج خاص ... تقربت وبستها كل قوتي دفعت رادت ما تحركت لحد ما عظيتها حيل ونت ودفعتني .. وخرت عنها هذا ابسط شي اسوي الج وبعد كل ما تتحركين بدون علمي الج اقوى وعظه من مكان مختلف وغمزت الها وكمت طلعت
نور : عبالي اكسر خاطره بهاي الحركات ما ادري عميت على روحي .. عافني وطلع واني متوجعه واحجي عليه بكلبي ..خبيث هس ادعي عليك خاف تجيك رصاصه تايه واتندم اااخ سهله اني اعلمك الا يوميه اروح لو مو تعاقب لو تعدمني الا اجلطك سهله ... كمل اليوم وثاني يوم الفجر كذلك تسحبت ورحت شيخ محمد وهم مر اليوم واني احارب ومن رجعت نفس العركه اني وحسين لحد ماكال
حسين : هي عناد عناااااااد .انت شبيج
نور : مابيه شي اريد احارب حالي حالكم انت ما جاي تقتنع وجبرتني هيج اسوي
حسين : اخاف عليج لو لزموج تعرفين شيسون
نور : خلي يسون الي يردونه المهم اروح شهيده ولا ابقى خاتله
حسين : يارب صبرني.... ولجج دمرتي اعصابي السبوع الجاي اوديج لهلج كافي بعد ما تحمل
نور : هذا السبوع احارب وعود السبوع الجاي سوي الي تريده ولا تخزر ما يرفلي جفن تره وشاريه الموت بروح
حسين : عفيه عفيه صايره صلفه وتراددين
نور : ما راددت هذا قرار ونحسم الموضوع ... درت وجهي ومشيت لمكاني وهو ظل يعيط وراي
حسين : كلش نرفزتني واعرف مادام قررت هيج شي ما تتراجع . قررت ارجعها لاهلها ما مستعد اخسرها .. مشت الايام وهي من احسن القناصين واني رغم زعلي عيها بس ما عفتها ظهر بظهر وياها اخاف عليها من الهوه مو يله حرب ..
نور : جنت مصره على قراري وكمت يوميه اطلع وظل وياهم للعصر لحد ما يجي البديل وبيوم من الايام كالو راح يجيكم دعم من حشد المحافظات .. جانت المعركه مشتده ورمي قوي نزلت وياهم حرب شوارع وندمجنه وي القواة الثانيه جنت ارمي عبرت الشارع وصلت للجيش وحسين وياي ما مفاركني رغم ما يحاجيني بس بقى يحميني .. وصلنا الهم تسترنا بيت كعدت اتنفس خنكني النقاب كلش. ومااكدر اوخره استاريحت شويه وسمعت صوت مو غريب عليه يصيح يله يولد همتكم مابقى شي التفتت عليه اباوعله .. اي هو ما مشتبه نفس تفاصيله هو و .. وصل يمنه يركض هنا اني تجمعت الدموع بعيني وصحت بصوت ستاذ ليث ....
أنت تقرأ
نور وسط الظلمات
Romanceبالمستشفى ... فدوه خلوني بس اشوفه والكم اموت اموت بدونه ولكم هذا طلعني من الموت ولكم انطاني الامل والفرحه والنور بايامي الظلمه ولكم هذا سندي لا تكلولي مات لا تكولوها اسكتووو سجدة ابجي وادعي ربي لا تسويه بيه والله ما اكدر بدونه والله اموت بدونه ربي...
