نور وسط الظلمات

البارت الرابع

في زمان ومكان اخر ....
: اكلك انت مو تعينت ماتزوج
:: اسكت من الگه الشخص الصح اتزوج
: چا زوجني فطومه مادام انت ما تزوج
:: جعفر وحق الله اجي  ادوس بطنك  وانعل ابو الصحبة تره هاي اختي الي  تحجي بيها
جعفر : اووووو واني شكلت اريد اخطبها وانت ما تقبل
حسين: تره بعدهي ما متخرجه هي الك بس خلي تتخرج
جعفر : اني متخرج ومتعين اخطبها ومن تتخرج اتزوجها لا السيد ينطيها لغير واحد
حسين : يابه الك لو تنگلب الدنيا
جعفر :خوش نشوف شلون تصفه وياك
حسين : اگلك اريد اروح اسجل طبابه عسكرية وي حسن
جعفر : هاي طيحت الحض مو كافي اخوك رايح لو تردون تجلطون امكم
حسين : لا تنگ راح اسجل باجر
جعفر : الله يطيح حظك اخذني وياك شسوي الله بلاني بحبك ما اگدر حتى افارگك
حسين : ظحكت على سوالفه جعفر اخوي الي ما جابته امي من الزغر وياي سوه درسنه وسوه تخرجنه وسوه تعينه يريد اختي الزغيره بس اني ما راضي لحد ما تتخرج  ... نبذه تعرفيه .. اسمي حسين سيد من الجنوب خريج معاون دكتور ومتعين عمري ٢٦سنة اني وجعفر نفس التخصص ونفس العمر عندي اخو واحد اسمه حسن ظابط متزوج وزوجته اسمها احلام  وعندي اخت وحده اسمها فاطمة سنه اخيره قسم صيدله عاىلتنه زغيره امي وابوي ساده .نرجع نكمل قصتنه
حسين : رجعت للبيت وگلت لاهلي عن قراري ما قابلين وبين هذا الشي عليهم بس من شافوني مصر ما حجو التزمو الصمت صعدت انام بغرفتي .. ظلمه ونار داير مداري امشي سريع اريد اوصل لمكان ما اعرف شي عنه لحد ما شفت نور من بعيد ركظت اله لگيته رجال گاعد باوعلي وابتسم من ابتسم الي حسيت راحه وطمئنينه نزلت على گلبي اردف بصوته الجوهري ... هاك هاي ولا تظيعها  ولا تفرط بيها تره نظيفه محد لامسه بس انت .. مد ايده بيها حجر كرستال يلمع ما اعرف الماس او حجر كريم بس كلش حلو شكله .جاوبته
: خاف تنكسر مبينه غاليه عليك شلون تنطيها الي
:: عندك ما تنكسر  ديربالك عليه

خلاها بيدي وتلاشه ظلت هذي الحجره بيدي تظوي
كعدت من النوم مختنگ ما اعرف ليش هيج حلمت سمعت صوت الاذان نزلت توضيت وصليت شفت العلويه تتوظع ومدت مصلايته بالصاله صلة وكملت رحت خليت راسي بحظنها
:: شبي شمعتي
: مدري حلمت حلم غريب
:: خير انشاء الله احچي افسره الك
:چن .... وسولفت الها الحلم كله
:: خير يمه لا تخاف دربك دوم ظاوي بارادت ربك وراح تجيك الي تظوي حياتك
: انشاء الله يله اروح اني انام شويه وراي فره اكمل التسجيل
:: الله يحفظك وليدي
حسين : مرت الايام وسجلت ونقل دوامي لطراف بغداد وي اخوي حسن تازم وظع البلد كلش وطبو داعش تكريت واجانه امر نروح وي الجيش علمود نداوي الجرحه وبيوم من الايام چان عدنه واجب وقل عدد الجنود هواي استشهدو وتقريبا تحاصرنا واثناء الهجوم دخلت بخرابه جانت ب١٢الظهر سمعت صوت وراي بالخرابه رئسن التفتت وجهة عليه السلاح ارفع ايدك

في مكان اخر . نور
دك التلفون اثنينهم فزوا گلت خلص لگوني بس شمرته على الخفيف جوه السرير الثاني هم التهو يدورون عليه لگوه جوه السرير الثاني حمدت ربي خلصني جانت لحظات تحبس الانفاس جاوبو وجاني صوت ابوي
: ها باباتي وينچ گلبي خلص من الخوف ولچ نور دخلو لتكريت داعش انتي وين
:: الزم الصمت ايها الجبان ابنتك العاهره قد سبيت واصبحت هدية للامير
: ولك شجاي تحچي وين بنتي ....
قفلو الجهاز بوجه وهو يفرفح دك التلفون مره وثنين هم قفلو وشمرو من الشباك هنا نزلت دموعي خوف على ابوي واهلي شنو صار بيهم خوف من المستقبل المجهول ومن هذوله الوحوش البشريه طلع الصبح وهمه نزلو من الغرفه عدا اليوم واني جوه السرير ما اكدر اطلع لان اصواتهم بالمومر قريبه مني .لل ليل هداء القسم تشاهدت وطلعت متسحبه من جوه السرير فتحت الباب ماچان اكو احد نزلت على السريع وصلت لباب القسم هنا چانت الصدمة ..شفت دم بكل مكان  طلعت من الشباك الخلفي لاحد الغرف جان يطل على مكان فارغ طلعت منه و ظليت اركض الى مصيري المجهول كظيت ليل امشي سمعت اصوات طلق قريب وتكبير ركظت ختلت وره اكياس زباله . شفت اجو مجموعه مسلحين لحاياهم طويله ملابسهم مو عراقيه اشكولهم مو واظحه بسبب الظلام بيدهم رجال واحد يدفره على الثاني اخر شي واحد منهم حچه
: يول اكظبو لبين اجيب السچين تااذبحو بيدي هلنجس الرافضي
::هههههه بس تذبحو يولي مثل بيه هلنجس اكطع ايدو خلينه نشوف عذابو
من كلامهم حسيت راح يغمه عليه راح واحد منهم وجاب سجينه ولزمو هذولاك وبده يكطع بايده وهذا يصرخ من الوجع بعدها كطم اصابع رجلو ويجبره يسب المذهب الشيعي واهل بيت النبوه لاكن چان رافض ينطق بحرف لحد ما واحد دفعه وبده يكص براسه هنا اني ما حسيت على روحي فقدت الوعي بعد فتره سمعت اصوات ظحكاتهم تعالت رجعلي وعي شفتهم لازمين راسه واحد يذب  على الثاني غمضت عيوني بشده من هول الموقف وظليت اتوسل بالامام الحجه عليه السلام
نور : يابو صالح ساعدني ما اگدر بعد ياسيدي راح اموت ما تحمل بعد اسندني وبعدهم عن طريقي
غمضت عيوني ونمت  ما اعرف فقدت من هول الصدمة كعدت راسي يوجعني من حرارة الشمس باوعت مكان ذبح الرجال كله دم (لليسئل شلون ما شافوها وما حسو عليها جان المكان عباره عن حايط نص مهدم وبيه اكياس زباله عاليه وهواي وهي وراهن وهي لابسه اسود فما مبين هي من الاكياس بالاظاف الى المكان الي هي بيه جان اشبه بالخرابه ومكب النفايات وظلم   بحيث هي تكدر تشوفهم من خلال الاكياس وهم لا لان هي مغطايه بيهن اما بشئن ريحت الزباله الخوف خلاها ما تحس بشي غير تريد اي طريق للنجاة ) وماكو احد المكان خالي غيرت مكاني وقررت بليل اتحرك بالضلام وبالنهار اختل مر اليوم ما يخلو من كلامهم المقرف وصوت صرخات البنات وبكاء الي يتعذبون
اجه ليل وقررت اتحرك . تحركت وكملت طريقي من يقتربون مني  اختل ومن يرحون اتحرك مرن يومين واني هذا حالي كل انواع القتل والتعذيب  شفت .اكل من الزباله واشرب ماي من البقايا الي يشمرونه البطاله
باليوم الثالث انحلت كل قواي استسلمت وما اكدر حتى امشي ظليت بخرابه نايمه مثل الجثه سمعت صوتهم قريبه اتشاهدت واستسلمة رحت بفقدان الوعي صحيت على صوات طلق رجف گلبي سمعت واحد منهم يگول
: ولك اجونه دخلو من اربع محاور
:: وين القناص مابيهم كل خير ملتهين بالسبايا والماعشره انذال
: راح نموت ولك الجيش بعد بيتين عنه
::اني راح البس حزام ناسف عادين من اموت اكتول مجموعه وتغده وي النبي
هذا چان حديثم زاد الهجوم وتعالت الاصوات والدبابات حسيت بطمانينه وراحه وراها سمعت صوت بالخرابه شفته جندي اجتني طاقه اگوم گمت وهو دار وجه سلاحه عليه هنا اني تشاهدت لان مبين راح يكتلني صاح ارفع ايدك اني رفعت ايدي وبعد ما دريت خلصت قوتي هنا
حسين : تعلمنه بانو الدواعش اذا تحاصرو يلبسون ملابس نسوان من شفت عبايه ونقاب وحجاب كلت داعشي بعدني اهدد بيه وگع ركظت افتشه خاف لابس حزام . وخرت نقاب الشكل بنيه ماشاء الله على خلقته جريت الشال طلع شعرها العسلي استغفرت ربي بس لازم افتشه مديت ايدي من جهت بطنه فتحت العبايه شفته لابسه تراك بيتي  خفيف اسود مبين كل تقاسيم جسمها تعوذت من الشيطان مديت ايدي تجاه بطنه اتاكد لزمتها كلشي ما لابسه هنا تقربت قست نبضها كلش ظعيف لفيت الشال على شعرها الي ظل طالع ... بت المسموط شطوله شلون اظمه . شفت جنطه لابستها فتحتها لكيتها صور وهويات اخذت الجنطه لبستها وشلت البنيه على ظهري وركظت بيها الشباب من شافوني اجو كتلهم مصابه مجهولة الهوية الاسعاف وين ..
جعفر : شفت صوحبي شايل بت ويركض بيها ويصيح مصابه اسعاف اباوع لا دم منه يطلع لا شي شلون مصابه ركظت اله ها سيد خيرك
حسين : ما اعرف لگته بالخرابه اتوقع من الدواعش لو الاسرا نبضه ظعيف احتاج جهاز سكر
جعفر : ركظت جبتله جهاز القياس قاسه
حسين : سكر منخفض كلش والظغط كذلك مغذيات تلاحگلي جعفر ..
جعفر :جبت المغذي شدينا الها وره ساعتين يله استقرت حالها جانت تعاني من جفاف وسوء تغذيه وهبوط ليل صحت باوعت بوجوهنا ورجعت نامت .اكلك حسين اني رايح بعد انت ديربالك عليها
حسين :ماشي
ظليت كاعد اباوع الها تذكرت الجنطه رحت فتحتها قريت الهويات وشفت الصور ظليت اكلب بيهن كلش حلوات لكيت كتاب زغير فتحته چانت مذكراته من عنده عرفت هي طالبه وشنو عائلتها  وعرفت الاستاذ الي متقدملها هواي اشياء عرفتهن بيها خلني افرح لان اكو بنات هيچ بعيدات عن اهلهن ومحافظات على شرفهن واخلاقهن بعدني اكلب بالصور وسمعت ونينها
نور : ما اعرف اني وين شنو صار بس احس وجع بجسمي واريد ماي چنت خايفه من الدواعش وهس ما اعرف اني عدهم لو عد الجيش لو وين ما اكدر احچي كل الي اگدر اسوي اون باوعت شفت شخص گاعد على كرسي وما منتبه الي يگلب باغراضي هنا ونيت حيل عسى ينتبه الي
حسين باوعت لگيتها گاعده وتاشر .......