مرة الزفه وطلعت نور من بيت اهلها لبيت حسين النظرات جانت كفيله بانو تحجي وصلو للغرفه وهمس حسين باذنها
حسين : نورتي كلبي وغرفتي وحياتي
نور : رحم الله والديك
حسين : ههههه لا ياربي مو وكت جفصات طبي عمي طبي
نور : هااا
حسين : لا بس يكولون الدنيا مطرت مطايه
نور : عزااا
حسين : هاك استلم ياشماتت جعفر بيه
نور : اكلك صدك جعفر ماكو
حسين : ليش تريدي يبات وياي بالغرفه
نور : لا بس ما شفته بالزفه
حسين : جا ياهي المكبعه الركصت
نور : ياااا جا هذي مو خالتك
حسين : منو كلج خالتي
نور : فاطمه كالتلي هاي خالتنه خطيه عدها جنون وتحب حسين وركصت
حسين : هههههههه هلا هلا قبضنا طبي لا ادفرج
نور : طبيت للغرفه واني مسطوره منو يحجي صدك ما اعرف شفت حسين شمر الستره واخذ تراك وراح سبح اني جنت كلش جوعانه رحت على الثلاجه طلعت ككو اكلت واني من اكل ادمر الدنيا يوصل لخشمي طلع حسين وظل صافن بيه اني خجلت مسحت حلكي بيدي هو راح كعد على الجربايه وصافن بوجهي حسسني مسويه جريمه اني بدلتي واكفه يم الثلاجه ومدنكه
حسين : رحت اسبح طلعت لكيت نور بالبدله وجها عباره عن ككو بخدوده وحنجه وخشمه بيه واديها. جنه طفله ظليت اباوع مصدوم بالطفله الي بدلة العرس كدامي زين هاي شلون اقنعه كبرت وتزوجت وهي هيج تاكل الككو انوب حركاته ترفع راسه بسكته تلكاني ابواعلها دنك على السريع حتى حرت شكلها بس ما كدرت ما اظحك ظحكت بصوت هي فزت ودمعت عينه رحت الها والخاولي بيدي رطب لان نشفت بيه شعري تقربت منها هي حجت بتاتئته
نور : ججججعة ولكيت الككو الاحبه
حسين ببتسامه : يخسه الجوع
نور : اسفه
حسين. : عليمن يروحي اني جايبه تاكلي بس خلي امسح هذا مسحت وجها وعيونها عليه يلمعن والظوه عاكس عليها تجنن لو بيدي اكلها كملت كتله
... يله روحي بدلي هس اجيب العشه
نور : رحت ركض اخذت ملابسي بدلت وغسلت وكعدت على الجربايه انتظره شويه واجه بيده صينيه ريحتها تشهي كعد بالكاع.وكالي تعالي يله
رحت كعدت اكلنا وظحك وسوالف خلاني انسه التوتر والخجل لدرجة جفصت
.... اكلك انت ليش هيج مفحم
حسين :شنو
نور : امك جم شهر حملت بيك
حسين : ٩ ليش
نور : لا مستحيل انت مستوي زايد يجوز ١٢ شهر
حسين : مو فيل اني
نور : هههههههههه لا دينصور مشاء الله طولك ينقاس بالامتار
حسين : شتغلت بدينه نجفص
نور : ههههههه جنك باب تفصال
حسين : مو اكوم اخليك فوك الثلاجه
نور : لا بطلت بس سوال اخير
حسين : كولي
نور : انت دزاينك من زمان هيج لو اجاك تحديث وطولت
حسين : اجاني دماغج الفارغ
كمت عليها لفيتها بيدي ورفعتها وهي فظحتني تظحك وتصيح
نور :هههههههه لا بشرف جعفر
حسين : عود ليش شرف جعفر
نور : لان انت دوم تفشر عليه وتكله ك.....
حسين : لطمتها على حلكها على كيف ....لسانج ادب سزز
نور : هههههههه اكلك نزلني بروح هوايش. حبوبتك
حسين : منو كالج عدها هواي
نور : فاطمه كالتلي جانت عدها وانت تسرح بيهن وتحبهن ومن اندعمن كمت تبجي عليهن وهس من يردون شي منك بس يكلولك بروحهن تجيبه لان عزيزات عليك
حسين : ظليت صافن على فطارية هاي الثوله وعلى شيطنه فاطمه شلون مجذبه عليها نزلتها واخذت الصينيه للمطبخ لا كتني فاطمه تركص بحواجبه
فاطمه : اليوم يومك يا بطل
حسين : ذبيت الصينيه وسحلتها من اذنها واردفت
.... ولج يا هوايش السارح بيهن وبجيت من ادعمن
فاطمه : يمه اسم الله الرحمان الفرخ تسودن منين هاي السالفه
حسين : مو انتي كايله لهاي الثوله
فاطمه : يااا بدت مرتك بسوالف الحيايه
حسين : انجبي طايحة الحض تحلفني بيهن عود عزيزات عليه
فاطمه : ليش انت شسويت وحلفتك بيهن
حسين : انجبي ونظبطي السرسره بطليها لا اكل الامي شنو كالتلها على المكبعه التركص
فاطمه : كش الله يبعدني عن مرتك كلشي تنافق بيه وتوصله
حسين : يمه تعالي يمه
فاطمه : لا عليك الله والله ما عيده بس لا تكله تبيتني بالشارع وتظحك بنات اخواتها عليه ترظاها
حسين : بس تظحكين على الفطيره الا اخليها تادبج يمه تعالي
فاطمه : لا بطلت بعد حتى ما احجي وياه بس هدني خلي اشرد
حسين : هل مره ما راح احجي بس عيديها وشوفي شسوي
فاطمه : ههههههه يااا بعدك ما شفت شي بالي سوالف بس الله يعلم بيهن
حسين : عفتها اظحك على سوالفها ما تعقل رجعت للفطيره لكيتها نايمه
.... نور كومي احاجيج
نور : نعسانه انام اريد
حسين : كومي ولج تنام
نور : ها كول
حسين : شو طالعه حلوه
نور بخجل : شكرا
. .........
ثاني يوم الصبح كعدت لكيتها نايمه وتجنن بشعرها الياخذ الكلب اردفت
نويره كومي ولج
نور : امم
: ولج كومي الوادم راح تجينه
:: فدوه بس شويه
: دنكت عليها عظيتها من خدها كعدت منزعجه وشويه وتبجي ..... يله كومي بدلي خلي نطلع اني اسبح واجي
نور : اي بس خلصني حسره واحد ينام
حسين : لا دردمين لا اجيج
نور : اوووف واحد باقي عد اهله احسن
حسين : اي وتفرخين من الحايط
نور : تبقى ما تستحي .... كمت غسلت وبدلت وتمكيجت بين ما هو رجع من الحمام هم بدل وتعطر لزم ايدي واردف
حسين : اووف يا نور حياتي كلها
نور : طلعنه من الغرفه ولاكونه هلاهل وجكليت يطشون شويه وجابو الريوك تريكنه وبدت الناس تجي تبارك مرت الايام وتعودت علهم جانو ناس حبابين بس الي قهرني بت خالته عينه منه وين ما يروح حسين عينه وراه لحد ما وره اسبوع جنت رايحه للمطبخ وسمعتها تسولف على اختها
: لج شفتي الحض حسين يروح لهاي شفتي شكد حلو طالع بالدشداشه مالت اكل
:: انجبي ولج لا يسمعون
: او ف لو اني مزوجني جا ما خليته يطلع من باب الغرفه
:: عزاا بعينج. ههههههه ولا تستحين
: دسكتي هي احلام قابل صدك بس هو خبيث كتله احبك وما عبرني ولا عبر مصارحتي
:: شوكت ولج كتيله
: كبل الحنه بيوم كتله احبك وما اكدر اشوفك وي غيري بس هو زحلكني
:: اشو ما مقهوره ما مبين تحبينه
: يمعوده قابل صدك بس فلوسه وشكله احبهن
:: دسكتي لا احد يسمعج امشينه نروح يم امي احسن
نور : طلعن صرت بوجهن ولا جنهن باوعلي وابتسمن ومشن شكد قليلات ذوق .. السالفه ظلت تحوس بكلبي ومن يومها اني ما طقت هاي ورده رجعت للغرفه لكيت حسين ممطول مكنك بعالم ثاني تذكرت حجيها ورحت ودفرته بدون سابق انذار وهو عاط بصوت عالي
حسين : اااخ شبيج استنطحتي
نور : واعض وازكط بعد شتريد
حسين : سكنهم مساكنهم اهدئي بابا شبيج
نور : شعدها ورده وياك
:: هيج السالفه ما عده شي ليش شصاير
: كل لروحك مصارحات وكذا
:: امم
: لا تقهرني احجي
:: رجال حلو وكلها تحبني شسوي
: اي حلو لان امك ناسيتك ١١شهر يله جابتك حتى مستوي
:: غير ادرع درع من جمالي
: لا تنرفزني وتستفزني
:: هههههههه تره هن واحد
: حسيننننننننننننن
:: روحه وكلبه وكلشي بيه
: صبرك ربي ... كمت ابجي هو عاف الظحك واجه حظني واردف ... ليش الدموع هيج تغارين عليه
... مو قصد اغار بس لا تظم عليه شي وتستفزني
: صار يعمري هي اجت كالت احبك واني مو غشيم وثاني شي عندي انتي شسوي بنات الكون كلهن وعندي مثلج
:: يعني انت تحبني
: اموت عليج روحي بيج شنو احبج
:: عفيه لا تظم عليه شي وهاي ورده لا تحاجيها بعد
: هو اني من كبل ما احاجيها مو هس فدوه رحت لهاي العيون كهرب يربي مو عيون
:: ههه احبك
: واني همين تعالي اسولفلج قصه
.. جذب سوالفك فاسقه كلهن
.. ههههههههه جعفر علمني اني تدرين بيه فقير
: صدك شوكت يخطب فاطمه
أنت تقرأ
نور وسط الظلمات
Romansaبالمستشفى ... فدوه خلوني بس اشوفه والكم اموت اموت بدونه ولكم هذا طلعني من الموت ولكم انطاني الامل والفرحه والنور بايامي الظلمه ولكم هذا سندي لا تكلولي مات لا تكولوها اسكتووو سجدة ابجي وادعي ربي لا تسويه بيه والله ما اكدر بدونه والله اموت بدونه ربي...
