حسين : صعدت السياره وبكلبي حسره بس الله يعلم شكبرها .. شويه وحسيت على نور نامت خلت راسها على متني بعدت ايدي عنها وخليتها بحظني جان كل همي اشبع من حظنه مرت ربع ساعه نعست كلش نمت واني حاظنها مر الوكت كعدت واصلين بغداد باوعت عليها بعدهي نايمه شميت راسه بسكته خاف واحد يلاحظ وقويت حظنتي الها سمعت ظحك مكتوم باوعت جعفر خانك ظحكته جنت كاعد بنص وهو كاعد وره السايق وهي من الجه الثانيه دفرته بعكسي وهو طكاها ظحكه
وحجه
جعفر : اااخ بويه وينك سيد تعال شوف ابنك. كلب جلب يشمشم
حسين : جعفر مو راح نوصل وكل حركه تنحسب عليك
جعفر : لا عمي بطلت كاعد مؤدب ههههه
حسين : رجعت راسي على راسه مر الوكت حسيتها تحركة باوعت الها تفتح عيونها وتغمضهن حجيت بهمس
... نوره بيج شي
نور : امم
حسين : يوجعج شي .. بعدني ما مكمل وسمعت الظحكه بصوت عالي باوعت لكيت جعفر عيونه تصب وصاير احمر وميت ظحك خزرته وردفت .... وحمس شكد تافه على شنو تظحك
جعفر : ههههههه جا اشوف حسين كيوت اول مره اشوفه
حسين : جعفر والقران هس اوكف السياره ونزلك
جعفر : هههههه لا بطلت بس كمل المشهد بوسه
حسين: لطمته على حلكه خاف احد سمع صح جان يحجي همس بس السياره صنطه كلها ساكته .... ومرض بكلبك
جعفر : لا فدوه الا كلبي بيه العزاز
حسين : الا اخليك تتحسر عليهم بسيطه
جعفر رمش بعيونه برائة مصطنعه : يهون عليك تكسر كلبي
حسين : انعل ابو كلبك ... درت على نور صافنه وساعه تبتسم ساعه تسكت ... هيج فرحانه
نور ببتسامه .. هزيت راسي
حسين : هنيال الناصرية هيج فرحانه بيها
نور : سكتت ادركة شكد هو ظايج كل ما نتقدم لمحافظتي او محافظتنه اثنينه مر الوكت وقريت ذي قار ترحب بيكم حسيت ايدي نلزمت حيل التفتت لكيت حسين عيونه بيهن دمع حاجيته همس خاف احد يسمع ... اذا مكتوبين لبعض محد يوكف بوجهنا
جانت هاي الكلمه كفيله بانو تحي حسين وتفرحه وصلت نور الاهلها وسط الدموع والفرحه جان هناك شخص يراقبهم من بعيد بسيارته شخص غيرت الايام ملامحه والسهر والقهر رغم اصابته ما حب يفوت هاي لحظه ويكتفي يراقب محبوبته من بعيد
نور : وصلت لبيت اهلي نزلت دكيت الجرس طلع ابوي بلهفه جان عنده خبر بانو اليوم ارجع لاكاني بدون ما احجي حرف حظنته وبدت دموعي تجري كانو اليوم طب داعش كانو اليوم انسبت كدامي البنات كانو اليوم تعذبت وتغربت وعشت الخوف والجوع والعطش والهروب كل تعب بكلبي وكل كتمان هاي المده فرغته واني اشهك بحظن ابوي الي ما اسمع منه بس شهكته وهمسه رجعتي نورتي رجعتي بنيتي رجعتي شمعت بيتي رجعتي ظوه ايامي واحنه بهذا الوظع سمعت صوته ورانه ومبينه العبره بلعومه
حسين : يابه طبو جوه بالبيت لا الناس تسمع
ابو احمد : تفظلو طبو اعذروني
حسين : معذور عمي طب انت والمحروسه جوه خلي تشوف امها .... نور انتي لا تظلين بس تبجين هاي رجعناج لهلج لا تشلعين كلبهم وتتخربطين
نور : بس هزيت راسي واني اشهك من البجي طبو هم واني رحت لامي طبيت لكيتها كاعده بالمطبخ وكل شويه تباوع للباب بس شافتني شهكت
ام احمد : يمه بنيتي
نور : رحت لحظنه مابيه حيل حتى تكوم ظليت ابجي بصوت عالي وهي كذلك وتحجي
ام احمد : يمه متت بدونج يمه احسب ليل ساعه ساعه بلكي يجي الصبح واشوفج ولج راحت روحي وراج
أنت تقرأ
نور وسط الظلمات
Romanceبالمستشفى ... فدوه خلوني بس اشوفه والكم اموت اموت بدونه ولكم هذا طلعني من الموت ولكم انطاني الامل والفرحه والنور بايامي الظلمه ولكم هذا سندي لا تكلولي مات لا تكولوها اسكتووو سجدة ابجي وادعي ربي لا تسويه بيه والله ما اكدر بدونه والله اموت بدونه ربي...
