بوست تشجيعي علشان الناس اللي نفسها تواظب على الفجر في وقته 💛
الناس الـ ربنا " بيصحيها للفجر كل يوم " الناس الصفوه
هما صفوه ليه ، يمكن تقرأ الكلام ده لأول مره و يمكن يغير فيك و يخليك حتى لو أنت مش منهم تحاول تكون منهم 💛
من ضمن مليارات البشر تلاقي دول بس الـ بيصحوا للفجر كل ليله أو يمكن قبل الفجر ، بشويه يصلوا كم ركعة قيام ، غيرهم بيكون في نفس الوقت يا نايم يا لاهي في الدنيا ،
هما بالذات بقى تلاقيهم أختاروا يكونوا من الصفوه ، أصل الحياه أختيارات ، كل ليلة يقوموا في السر ، كأنهم مستنين معاد مع ربنا في الوقت العظيم ده اللي الدعوات فيه مستجابه وبتحقق المعجزات 💛
مشهورين أوي ، أكتر من أي حد مشهور ، مشهورين بشكل مُختلف شويه ، مشهورين في السماء ، إزاي !
مشهورين بين الملايكه ، كل أهل السماء عارفينهم ، حتى سيدنا جبريل أمين الوحي عارفهم ، مفيش حد هناك مش عارفهم ، أخبارهم هناك مُنتشره جداً ، و الكل بيتابعهم 💛
متصدقش المنبه اللي بيتظبط على صلاة الفجر ، ده مُجرد أخذ بالاسباب ، ومتصدقش الـ يقولك تعود ، و اتعود ازاي لو مكنش ربنا اللي عوده اللي بيوقظهم الله ، عرف جواهم ايه ، عرف الخير اللي في القلوب ، شاف ان القلوب دي تستحق تكون من النخبه والصفوه فوفقهم للمعاد الليلي المتأخر 💛
اهل الفجر فئة موفقة ، وجوههم مسفرة ، وجباههم مشرقة ، وأوقاتهم مباركة ، فإن كنت منهم فاحمد الله على فضله ، وإن لم تكن منهم فادعو الله أن يجعلك منهم 💛
ما أجمل الفجر 💛
( فريضته ) تجعلك في ذمة الله 💛
( سنته ) خير من الدنيا ومافيها 💛
( قرآنه ) مشهود 💛
( إِنَّ قُرْآنَ الْفَجْرِ كَانَ مَشْهُودًا ) 💛
#أسانسير إلي الجنة
