الشيخ حازم شومان بيقول عن ذنوب شهر #رجب 🚫:
- أجرأ عاصي في الدنيا اللي بيعصي ربنا في الأشهر الحرم زي شهر رجب اللي احنا داخلين عليه
- اللي بيعصي ربنا في الأشهر الحرم ده مسجل خطر
- لإنه لو فهم الفرق بين المعصية في الأشهر الحرم وباقي الأشهر عمره ما هيعمل في نفسه كده
- المعصية في شهر رجب وفي باقي الأشهر الحرم بتغلظ العقوبة فيها
- لدرجة أن ابن عباس وابن مسعود وابن عمر روي عنهم أن المعصية في مكة بتغلظ ١٠٠ ألف زي الحسنة
- ومكة دي الحرم المكاني والحرم الزماني هو الأشهر الحرم من بينهم رجب
- لدرجة أن كثير من العلماء لم يريدوا السكنة في مكة بسبب أن السيئة ب١٠٠ ألف ضعف
- المعصية في الأشهر الحرم هي اعتداء على حرمة ملك الملك مباشرة
- سيدنا عمر كان بيقول( لأن أعصي الله سبعين معصية خارج مكة أحب إلي من أن أعصيه معصية واحدة داخل مكة)
- في الأشهر الحرم الصغيرة بتكون عقوبتها كل الكبائر والكبائر بتكون عقوبتها مشددة
- فكل صاحب معصية ازاي ازاي في رجب بتعصي ازاي في رجب كاشفة شعرك وازاي بتحكي برفان و ازاي بتعمل شات مع بنت أو بتعملى شات مع ولد ازاي كل المعاصي دي وأكتر بتحصل
- احنا لسه في اول ليلة في رجب توب إلى الله جددوا التوبة وأكثروا من الاستغفار عدل سلوكك في رجب
- قال رسول الله(مَن أَحَبَّ أن تَسُرَّه صحيفتُه ، فَلْيُكْثِرْ فيها من الاستغفارِ)
- قانون العقوبة الرباني بيشدد في رجب
- قال رسول الله (مَا مِنْ رَجُلٍ يُذْنِبُ ذَنْبًا فَيَتَوَضَّأُ فَيُحْسِنُ الْوُضُوءَ ثُمَّ يُصَلِّي رَكْعَتَيْنِ - وَقَالَ مِسْعَرٌ ثُمَّ يُصَلِّي - وَيَسْتَغْفِرُ اللَّهَ إِلَّا غَفَرَ اللَّهُ لَهُ)
- ننتبه يا جماعة رفع الأعمال بتاعت السنة كلها الشهر الجاي في شعبان
-ازاي ترفع صحيفتك وهي مليانة ذنوب وخاصة ذنوب في شهر من أشهر الله الحرم
- اتقوا الله خدو كل الاحتياطات اللي ممكن تمنعكم من الوقوع في الذنوب
- أكثروا من التوبة ومن الاستغفار ومن الطاعات ومن كل شيء صالح
- ذَكِّرْ فَإِنَّ الذِّكْرَىٰ تَنفَعُ الْمُؤْمِنِينَ
♥♥♥♥♥"""""
ــــ
