السلام عليكم ورحمة اللّٰه وبركاته.
- جرب مرة تشرب على 3 مرات بنية إنك بتحيي سنة النبي صلى اللّٰه عليه وسلم ، هتاخد أجر.
- أما تيجي تلبس الحذاء مثلًا البس اليمين الأول بنية السُنّة تاخد أجر ، أو هدومك كمان ابدأ فيها باليمين.
- قبل ما تنام صلي ركعة واحدة بنية الوتر وإنها سنة هتاخد أجر.
- جرب تنفض السرير بطرف هدومك كده بنية السنة هتاخد أجر.
- نام على جنبك اليمين بنية السنة هتاخد الأجر.
- اقرأ المعوذتين والإخلاص 3 مرات بنية السنة هتاخد أجر ، أو آية الكرسي بنية السنة ، ويا سلام لو الاتنين مع بعض.
- جرب تبتسم في وش اللي تقابله بس بنية السنة هتاخد أجر.
- جرب تستغفر وانت ماشي أو تسبح أو تصلي علىٰ النبي صلى اللّٰه عليه وسلم بنية السنة ، هتاخد أجر.
- لو حافظ حديث أو آية قوله لحد بتحبه بنية نشر السنة هتاخد أجر.
- وانت بتقرأ الكلام ده انوي انك هتطبقه عشان الاجر وعشان السنة هتاخد أجر النية وأجر السنة ..
"مش لازم تعمل كل ده ومش لازم تعمله كل يوم
بس علىٰ الاقل نبقى بنحيي السنة ولو بشئ بسيط".
أجر جايلنا من غير أي تعب أو مجهود ، بلاش نفرط فيه !
- جزاكم اللّٰه خيرًا.❤🌾
