-هو الحب حرام ؟👀
=لا الحب مش حرام ولا عمره هيكون حرام ﻷن الحب هو أساس الرحمة وأساس التفاهم والتناغم بين العالم♥️♥️🥺
و أجمل شعور بيحس الأنسان بيه هو الحب ...♥️😌
ولو كان حرام مكنش التاريخ نقل لينا حب النبي ﷺ لما قال عن السيدة خديجة " *اني رزقت حبها* "♥️♥️♥️♥️♥️♥️♥️♥️♥️♥️♥️♥️♥️♥️♥️♥️🥺🥺
ولا لمّا قال عن السيدة عائشة " *لا تُؤذونى فى عائِشــة*"♥️♥️♥️🥀.
لكن تفرق انت سلكت انهي طريق في الحب ده الحلال ولا الحرام ؟
في ناس بتعمل حاجات حرام بـ اسم الحب للأسف🤦🏻♀️
زى أنها تكلم ولد مش من محارمها باسم
"بحبه وعادي ...وبنتعرف عـ بعض...وهو هيجي يخطبني ...وأموت لو سبته"💔😅
غير الشات وسهر الليالي وكلام بيكسر الحواجز ومقابلات وهدايا🙂🙂
ونسيت ان ده حرام وأن ربنا قال " *ولا متخذات أخدان*"
يعني ولا حبيبي ولا صحبي مينفعش اصلاً وده مش حب ده أختلاط ومخالفة ﻷوامر الله وكده بنشوِّه صورة الحب 🙂.
وهو لو كان بيحبك بجد كان أتقدملك فوراً ويدخل بيتك من بابه مش يبعدك عن ربك ورضاه ويرميكي ف جهنم🤷🏻♀️
ومش مبرر كمان انه لسه مش جاهز عشان يتقدم دلوقتي 🙄🙂
وبعدين هتيجي تقولي علاقتنا مبنية عـ اﻷحترام تمام ، هي فـ اﻷول بتبقي كدا ،
بعد كدا كلمة حلوة فـ خروجة فـ مسكة ايد لحد ما ممكن تقعوا فـ الزنا والعياذ بالله وممكن متقعوش فيه بس في النهاية هيعود عليكم بالأذية يعني لما هو يسيبك وانتي متعلقه بيه شوفي انتي هتتعبي نفسيا ازاي وفي ناس بتحتاج لسنين علشان تتعافي من الحب الباطل ده 🤦🏻♀️.
ربنا قال " *ولا تقربوا الزنا*" مش "ولا تزنوا"
يعني ابعدوا عن اي حاجة تكون السبب في وقوعكم في الزنا
وكمان قال ولا تتبعوا خطوات الشيطان والخطوات دي بتبقي متمثلة في مكالمة بينك وبينه سواء شات او تليفون مثلا او مقابلة او او ..
يبقي نبعد عن العلاقات دي ونقرب من ربنا ونستني الحلال أفضل♥️🥀
خلى مبدأك: لان الحلال افضل سأنتظر 😂😁🖤🥀.
هتيجي واحدة تقولي طيب لو أنا بحب واحد ومش بكلمه ولا هو يعرف ده حرام؟؟
أجي أقولك
لا مش حرام ﻷن قلبك مش بأيدك ده بأيد ربك♥️
بس لازم تعفي نفسك وتغضي بصرك عنه واكتفى بالدعاء ان ربنا يقدملك الخير عشان منعرفش اذا كان هو دا الخير لينا ولا ♥️♥️
انما مش تقعدي تبحلقي فيه وهيمانة وأيموشنات بعيون فيها قلوب وتجيبي الاكونت بتاعه وتراقبيه في صمت وتحاولي تعرفي عنه كل حاجة حتي مقاس شراباته وتحاولي تفتحي معاه كلام 😁
طب واحدة تانية تقولي انها بتحب واحد وهو بيحبها بس امكانياته مش سامحه انه يتقدم في الوقت الحالي تعمل ايه ؟
اقولك متكلموش بعض ولا تتقابلوا لحد لما يدخل البيت من بابه ويبقي حلالك انما جو الارتباط علي امل انه هيجي يتقدملك وكدة احب اقولك ان ده مش بيحصل نادر لما يحصل وكمان بعد الجواز الخناقات بتكتر وهتندمى، مافيش طريق بدايته غلط بيكمل ف علشان تحافظي علي نفسك♥️👌🏻 ومتغضبيش ربنا ابعدي تماما وهو لما يكون نفسه يبقي يجي يتقدملك ..♥️
بس انا كدة هتعذب ببعده عني ؟
لاحظي ان قلب اللي انتي بتحبيه في ايد اللي انتي بتعصيه ، فلو انتي بتقربي وتتكلمي علشان خايفة ليضيع منك
احب اقولك ان طريقك غلط وربنا مش هيوفقك في الطريق ده ابدا لكن لما تسيبي الطريق ده علشان ترضي ربنا معقولة هو مش هيكافئك علي جهاد نفسك ده ؟
اكيد لا انتي سيبتي الطريق ده علشان ربنا فربنا هيجمعك بيه في الحلال لو هو خير ليكي♥️♥️🥀.
طب لو انا كلمت شاب قبل كدة هل ده معناه اني مش عفيفة ومستاهلش الزوج الصالح ؟ 👀
انتي لو فكرتي كدة يبقي انتي مش عارفة قيمة نفسك عند ربنا
احنا بشر وبنغلط كلنا خطائون بس خير الخطائين التوابون♥️♥️♥️♥️🥀.
يعني مطلوب منك توبة صادقة ووعد منك لربنا انك مش هترجعي للطريق ده تاني وتقفلي علي قلبك ومتفتحيش قلبك لحد تاني الا في الحلال واعتبري اللي فات ده درس ليكي تتعلمي منه ..♥️
ده ربنا قال
*قل يا عبادي الذين أسرفوا علي أنفسهم لا تقنطوا من رحمة الله ان الله يغفر الذنوب جميعا*♥️♥️🥺
وربنا يعفنا عن الحرام والعلاقات المشبوهة♥️🥀.
ويجمع المتحابين في حلاله ويرزقكم بمن أحببتم 😊♥️🥀.
♥♥♥♥♥"""""
ــــ
