"أستراتيجية المذاكرة" 📚🌸
ازاي تذاكر وتظبط وقتك وتحب المذاكرة أكتر وتذاكر في وقت قد ايه ؟!😍
اولا كده ببساطة لازم يكون عندك 4 مهارات مهمين جدا عشان دي اساس الاستراتيجية 💥
الثقة وحسن الظن بالله والتقرب اليه :
خليك واثق جدا جدا في ربنا سبحانه وتعالى انه قادر ينجحك وتحقق كل اللي نفسك فيه لما تقرب منه وتثق فيه انه هيحققلك المعجزات بقدرته هو سبحانه وتعالي حسن علاقتك بربنا وادعي كتير جدا لما تقرب من ربنا هيقربلك كل حلم نفسك يتحقق
ثقتك في نفسك:-
خليك واثق و واثقة في نفسك وفي قدراتك وفرحتك وفرحه اهلك وحبايبك في لحظة نجاحك كل تعبك ومجهودك هيصغر اووي في عينك قدام لحظة وصولك لحلمك 😍💪🏻🔥
النية والحافز والهدف:-
نيتك ايه في دراستك! ايه الحافز القوي اللي انت بتدرس عشانه! هدفك ايه!
لازم يكون عندك النية والحافز اللي بيخلوك تشتغل وتتتعب وتذاكر عشان توصل لهدفك، اعزم النية وتكون خالصة لله سبحانه وتعالي واكتب الحافز القوي اللي دايما بيشدك انك تتعب وتذاكر وتشتغل علي نفسك كل ما تحبط او تيأس لازم تكون عارف نيتك وحافزك في كل حاجه بتعملها والاهم من ده هدفك اللي انت بتسعي عشانه بكل مافيك ♥
الإصرار والعزيمة:-
الإصرار دايما بييجي من هدفك والعزيمة والقوة فيك انت اللي بتخلقها من نفسك عشان توصل لهدفك خليك شخص متميز بأصرارك وعزيمتك لأن ده سر النجاح.🔥♥💪🏻
____________________🌸🌸🌸🌸🌸🌸______________________________________________
ايه هي استراتيجيه المذاكرة دي يا إيمان!
دي عبارة عن "بيزنيس المذاكرة" هدفها انك تتعلم وتفهم وتستمتع بالمذاكرة وكمان تحب تذاكر في وقت اكبر.
خطة الأستراتيجية المذاكرة:
🌻 أحسن وقت تبدا فيه "بيزنيس المذاكرة" بعد صلاة الفجر لأن الرسول عليه افضل الصلاة والسلام قال (" بورك لأمتي في بكورها ") 🏵
ده احسن وقت ليك فيه بركه هتحس براحه نفسية وطاقة ونشاط وانك مش قلقان وبتذاكر بروقان.
🌻مكان مذاكرتك يكون هادي ونضيف والجو مناسب ليك وكل ادواتك جاهزة في مكانها عشان تبدأ من غير تشتت وتضييع وقت: انت معاك بيزنيس مهم اووي.
🌻اولا: نبدأ نقول اذكار المذاكرة و نعمل دراسة علي المنهج في كل المواد اللي معاك مثلا انت معاك 7 مواد كل مادة فيها 7 فصول وانت قدامك 3 شهور بالضبط تخلص فيه "بيزنيس المذاكرة"
هتعمل ايه: هتذاكر كل يوم مادتين او تلاته _ كل مادة هنخلص فيهم فصلين كل اسبوع ).
يوم واحد في الاسبوع هنراجع علي القديم قبل ما نذاكر الجديد
هنتعلم ونفهم كويس وتخلص البيزنيس بتاعك في شهرين والشهر التالت تختبر نفسك وتحل أسئلة كتيرة اووي.
🌻عملت دراسة وعرفت تقسم المنهج بتاعك يلا بقا اعمل جدول اسبوعي بالوقت عشان تعرف كل يوم عليك ايه وانت مرتاح مش لسه هتشوف هتذاكر ايه!🙄
🌻هتقولي نذاكر في وقت قد ايه يا إيمان!🤔
دي بقا علي حسب قدراتك ووقتك فيه ناس قدراتها 4 ساعات وبتخلص تلات مواد في اليوم وفيه ناس قدراتها 7 و 10 ساعات وبتخلص تلات مواد في اليوم بردو مفيش واحد اشطر من التاني ولكن دي قدرات ،فأنت شوف قدراتك وقسم وقتك صح وملكش دعوه بحد .
🌻اتعلم وافهم 50 دقيقة وخد بريك 10 دقايق اعمل حاجه بتحبها واتحرك شوية.
🌻انت وبتذاكر عندك مصادر كتيرة اووي مش هتخليك معتمد علي مدرس زي:
اليوتيوب _ البحث علي جوجل _ Applications تعليمية وهكذا دي هتخليك معتمد علي نفسك وتعرف معلومات اكتر عن اللي بتذاكره وكمان لو فاتت منك حاجه هترجعلها اكتر من مرة وهتتعلم بسهولة اكتر.
🌻انت وبتذاكر دايما يكون معاك كشكول كبير واقلام ملونة عشان تكتب اسئلتك وملاحظاتك واي حاجه حابب تبحث عنها
🌻انت وبتذاكر اعمل منبه عشان تعرف وقتك خلصته في قد ايه.
🌻فكرة حلوة:بعد ما تخلص مذاكرة جمع أسئلة واكتبها في بطاقات ملونة واكتب كل سؤال في بطاقة وطبقه وهكذا ولخبطهم في بعض وابدا اختار بطاقة والسؤال اللي يطلعلك جاوب عليه لو كان صح كافأة نفسك لو كان اجابتك غلط هتعاقب نفسك في حاجه تعملها اجباري
فكرة حلوة جدا هتخليك مستمتع ومتشجع انك كل يوم تذاكر وتتعلم ودي من اساسيات الاستراتيجية
🌻ضبط نومك، اصحي بدري ونام كويس من 7 ل 8 ساعات عشان البيزنيس بتاعك يا بطل.
🌻اكلك الصحي والفواكه والخضروات مهمين جدا لصحتك وتركيزك 🥗🥗
🌻اهم حاجه متزاكرش انت ومرهق وتعبان خد يوم واحد راحه وارجع كمل واستمر مفيش حاجه هتوقفك.
🌻 كل التزام وانجاز حققته وتعبت فيه كافئ نفسك عشان ده اللي هيحفزك وهيشجعك انك تكمل وتستمر عشان توصل لهدفك ودي من اساسيات " بيزنيس المذاكرة "
"استراتيجيه المذاكرة مبنية علي الفهم والتعلم وده هدفك الأساسي اللي هيشجعك انك تكمل وتستمر مش هدفك الأمتحان وانك تذاكر كلمتين وخلاص عشان الامتحان ، وكمان مش هتحس انك قلقان ولا متوتر لانك اتعلمت وفهمت كويس جدا كل المواد اللي اشتغلت عليها بتعبك و مجهودك.💜🌸
حابه اختم بجملة حلوة اووي
" إن الله اذا وضع في قلبك حب الوصول إلي شئ فلأنه يعلم انك ستصل اليه تفائل فإن ما طلبته قريب "♥😍
موافقين بإذن الله ويارب تعجبكم الأستراتيجية دي وطبقوها 🔥💪🏻😍
# ♥
