س/ إزاي أستغل العشر الأواخر من رمضان ؟عاوز خطة عمليه أطبقها ؟
ج/ العشر الأواخر من رمضان دول افضل عشر ليالي في السنة ..فمهما كان حالك في اللي فات شغال كويس أو مقصر لازم تستغلهم..ركز معايا :
خطة عملية للـعشر الاواخر من رمضان :
١-الـ ٥ صلاوات في وقتهم بدون تأخير
٢- السُنن الراتبه ( عندك ١٢ ركعه لازم تداوم عليهم يومياً .... ٢ قبل الفجر ... ٤ قبل الظهر و ٢ بعده .... ٢ بعد المغرب ... ٢ بعد العشاء )
٣- صلاة الضحي ( بتبدأ من بعد شروق الشمس بـ ربع ساعه ... لحد قبيل أذان الظهر بـ ربع ساعه ..... أقلّها ركعتين لحد ٨ ركعات ..إنت وهمّتك )
٤- الاستغفار وأذكار الصباح والمساء ( أذكار الصباح بعد الفجر .... وأذكار المساء بعد العصر )
٥- صلاة التراويح
- للشباب .... في المسجد مع الإمام واختار إمام يكون صوته حلو علشان تحسّ بالصلاه
_للبنات ..لو هتصليها في بيتك ده الأفضل ولو هتنزلي المسجد يبقى بكامل حجابك
٦- الصدقه ( يوميا ....ولو بمبلغ بسيط ولو ربنا موسّعها عليك تصدّق بما يليقُ بك ...وافتكر في النهايه ان انت احوج للصدقه وأجرها من الففير )
٧- عمره و حج يوميا .. ( بعد ما تصلي الفجر متطلعش من المسجد ... خلّيك في المسجد لحد الشروق ... قول الاذكار واقرأ قرآن ... لك بذلك أجر حجه وعمره تامه تامه تامه ..)
٨- قراءة القرآن
- لأصحاب الهمم المتوسطه مش أقل من ٣ أجزاء يوميا .... يعني هتختم مره في العشر الاواخر
- للمبتدئين وأصحاب المشاغل ... مش أقل من جزء يوميا
٩- الدعاء خاصة دعاء "اللهم إنك عفو تحب العفو فاعف عني"
( عندك ٣ أوقات مافيش فيهم كلام )
- النص ساعه قبل الفطار
- الساعه اللي قبل الفجر
- اخر ساعه بعد العصر من كل جمعه
١٠- التهجد والصلاة في جوف الليل يوميا طول العشر ليالي ( في وقت النزول الالهي ... علشان تدعي بكل اللي نفسك فيه وتبقى ممن قام ليلة القدر ايمانا واحتسابا) ....
دول ١٠ خطوات ..... لو داومت عليهم....في العشر الاواخر من رمضان..هيقلبوا كفة الميزان ..هيعوضوا كل التقصير اللي فات وهتخرج من العشرة دول إنسان تاني وتبدأ بقى طريقك للانطلاق في العبادة
