Unicode;
ဂျာမနီမှာဆို နှစ်စဉ်ဝင်ငွေကို high-net-worth ဘယ်လောက်ရှိလဲ ကြည့်ပြီးမှ Black card ကိုင်ဖို့ ကမ်းလှမ်းတာလေ.. Grazie အနေနဲ့တောင် လုပ်ငန်းခွင်ထဲ ဝင်ပြီး ရှစ်နှစ်ကျော်မှ Black Card ကိုင်ဖို့ ကမ်းလှမ်းခံခဲ့ရတာ... Jungkook လို အစိုးရဝန်ထမ်း အနေနဲ့ လစာနည်းနည်းပဲ ရတဲ့သူက Black card ရှိနေစရာ နည်းနည်းမှ အကြောင်းမရှိ။ တောင်ကိုရီးယား နိုင်ငံက Black Card ကို လွယ်လွယ်ကူကူ လူတကာကို ထုတ်ပေးနေပြီလား...။
"မင်းမှာ Black card ရှိလား"
Taehyung အနား တိုးတိုး ကပ်မေးလိုက်တဲ့ Jimin မေးခွန်းကြောင့် Taehyung က မျက်မှောင်ကြုံလျက်
"ဘယ်ရှိမလဲ.."
"မင်းက ပြိုင်ကားတောင် စီးပြီး.."
"အဲ့တာ အဖေဝယ်ပေးတာပါဆို.. Black Card ဆိုတာက လုံးဝ ချမ်းသာတဲ့ သူတွေ တစ်နှစ်ကို ဒေါ်လာ တစ်သိန်းကျော်လောက် သုံးနိုင်တဲ့ သူတွေမှ ရှိမှာ.. ဥပမာ စီးပွါးရေး လုပ်ငန်းရှင် အကြီးကြီးတို့ Idol တွေတို့ပေါ့.. ငါက အဖေ့လုပ်စာ ထိုင်စားနေရတာ ဘယ်သူက လာလုပ်ပေးမှာလဲ"
Taehyung အဖြေကြောင့် Jimin ဘာမှ ဆက်မပြောတော့ပဲ ငြိမ်သက်နေမိသည်။ ဘယ်လိုပဲ စဉ်းစား စဉ်းစား Jeon Jungkook လို လူမျိုးမှာ Black Card ရှိနေစရာ အကြောင်း တစ်စက်လေးတောင် မရှိ။ ခိုးလာတယ်လို့ တွေးရအောင်လည်း Card ပေါ်က နာမည်ကြီးကတော့ ထွင်းထားစရာ အကြောင်းမှ မရှိတာ..။
"မင်းက ငါ့သူငယ်ချင်းမလား.. အဲ့တော့ ငါနဲ့ Jungkook အကြောင်း ဘယ်လောက်သိလဲ"
Jimin မေးခွန်းကို Taehyung က စိတ်မရှည်သလို သက်ပြင်းချရင်း
"မင်းတို့က လက်ထပ်ထားတယ် Jungkook က အခွန်ရုံးမှာ အလုပ်လုပ်တယ် မင်းက ဒီဆိုင်ကို ငါ့ထက် အရင် လုပ်တယ် မင်းနဲ့ ငါက ရွယ်တူ Jungkook က မင်းထက် နှစ်နှစ် ငယ်တယ်"
"Ya! အဲ့လောက်တော့ ငါလည်း သိတာပေါ့ ကြွက်စုတ်ရဲ့ ငွေကြေးဘာညာ အဆင်ပြေကြလား သိချင်တာ"
Taehyung က ဂရုမစိုက်သလို Jimin အနားက ထလာပြီး ကြက်မွှေးလေးယူကာ မှန်တင်ခုံဘေးတွေ ဖုန်သုတ်ရင်း
"ငွေရေးကြေးရေးဆို.. အင်း.. အဆင်ပြေလှတယ်တော့ မဟုတ်ပေမယ့် မင်းတို့ လည်ပတ်ရုံပဲပေါ့.. အိမ်ထောင်ရေးအရဆိုရင်တော့ များသောအားဖြင့် အဆင်ပြေပါတယ်"
YOU ARE READING
Amor is so Dumm
FanfictionAmor {proper noun} god of love, son of Venus, Cupid. (Unicode +Zawgyi) Unicode; ငါရှိရမယ့် နေရာအမှန်က ဂျာမနီမှာလည်း မဟုတ်ဘူး တောင်ကိုရီးယားမှာလည်း မဟုတ်ဘူး... မင်းရဲ့ဘေးမှာ...။ Zawgyi; ငါရွိရမယ့္ ေနရာအမ...
