နတ္​ဆိုးCEOႏွင့္​ ခ်စ္​မိ​ေသာအခါ..(Myanmar Tran)

Ch-2

Unicode

Ch-2-စာချူပ်
.......

ယန့်ကျီတစ်ယောက် သူမတွဲဖက်ထံဖိုင်တို့ကိုမြန်မြန်လွှဲပေးလိုက်ပြီး လုံခြုံရေးတို့တစ်ချက်ကြည့်ရုံနဲ့မမြင်နိုင်တဲ့နေရာကို အြွပာပြေင်းလိုက်တယ်။

တွက်ဆမထားတဲ့အခြေအနေရှိလာရင် ဖြေရှင်းနိုင်ဖို့သူမရဲ့ဓါးမြှောင်ကိုထုတ်၍တင်းကျပ်စွာဆုပ်ကိုင်ထားလျက် ။ လုံခြုံရေးအစောင့်တွေ ထောင့်ချိုးနားမရောက်ခင်မှာပဲ သူမဟာအခန်းအပြင်ကိုရောက်သွားပြီး ရုတ်တရက်ဖြစ်လာတဲ့အန္တရာယ်ကိုဖြေရှင်းလိုက်နိုင်တယ်။

ကင်းလှည့်နေတာကိုသာ သူ့တွဲဖက်ကသတိမပေးခဲ့ရင်ဒီလိုအန္တရာယ်ကင်းတဲ့ အထွက်လမ်းတောင်သူမ ရှာတွေ့လိုက်မှာမဟုတ်။ပြီးတော့ရုံးခန်းထဲကိုမကြည့်မိပဲ သူမအသာလျှိုဝင်လိုက်တယ်။စားပွဲပေါ်ကနာမည်ကတ်ပြားကိုတွေ့မှပဲ သူမဘယ်ရုံးခန်းကိုဝင်လာမိလဲ ဆိုတာသတိထားမိတော့တယ်။

"ဟေး အမျိုးသမီးလေး ဗီဒီယိုဖိုင်ကိုငါစစ်ဆေးပြီးသွားပြီ ထူးဆန်းတဲ့ရူးကြောင်ကြောင်လူကြီးတစ်ယောက်က ကြည့်ရတာတော်တော်လေးအရေးကြီးပုံပဲ၊လက်စားချေအဆင့်လည်းပိုအရေးကြီးလာပြီထင်တယ်၊

မင်းဆန္ဒကို ပြင်းပြင်းထန်ထန်ချုပ်တည်းထားရတာ ငါသိနေတော့ကျေးဇူးတင်စရာမလိုဘူးသိလား၊ ရတယ်အချစ်လေး ပေးလိုက်တော့"သူမတွဲဖက်ရဲ့တော်တော်လေးဂုဏ်ဆာနေတဲ့အသံကြောင့်သူမတခစ်ခစ်တောင်ရယ်မိသွားသေး။

"မင်းဘာသာမင်းတောင်ပြည့်လျှံနေတာကို"ယန့်ကျီခပ်တိုးတိုးပြန်ပြောရင်းသူမအလုပ်ကိုပဲ အာရုံပြန်စိုက်လိုက်တယ်။

"စောင့်ကြည့်ပေးထားအုံး"အပြာရောင်စာအိတ်ရှိနိုင်တဲ့ရုံးခန်းရဲ့လျှို့ဝှက်နေရာတိုင်းကို သူမလိုက်ရှာလိုက်တယ်။သူ့မီးခံသေတ္တာထဲမှာအဲ့ဒါကိုရှာတွေ့ဖို့ သူမသိပ်အချိန်မယူလိုက်ရဘူး။ဖောက်ထွင်းဝင်ရောက်တာမျိုး လုပ်တာကြာနေတဲ့သူမအတွက်တော့မီးခံသေတ္တာကို ဖွင့်ဖို့ငါးမိနစ်ပဲအချိန်ယူလိုက်ရတယ်။သူမစာရွက်စာတမ်းတို့ကို တစ်ချက်ကြည့်ပြီးကျေနပ်သွားတယ်။