မောင့်အရိုင်းပန်းကလေး ပီယက်နီ [Completed]

7 。

// Unicode //

" ဘယ်ကို သွားမယ်ဆိုတာ ပီယက်နီ ကို မပြောတော့ဘူးလား "

ဘေးခုံကနေ ဘောက်ဆတ်ဆတ် ထွက်လာတဲ့ ပီယက်နီ အသံကလေးကြောင့် ရှောင်းကျန့် နှုတ်ခမ်းလေး လှစ်ခနဲ ကွေးတက်သွားရသည်။

လက်တစ်ဖက်တည်းနှင့် စတီယာရင်ကို ကျွမ်းကျွမ်းကျင်ကျင် မောင်းနှင်နေတဲ့ ရှောင်းကျန့် သည်  လွတ်တဲ့ လက်တစ်ဖက်နှင့် ဖြူနုသွယ်လျတဲ့ ကြင်နာသူ၏ လက်ချောင်းလေးများကို ထွေးဆုပ်ကိုင်ထားသည်။

" ရောက်ရင် သိရမှာပေါ့ မောင့်အချစ်ရယ် "

" ရောင်းစားဖို့များ ဒီလူကြီး ကြံနေတာလား "

" ဖွဟဲ့  လွဲပါစေ ဖယ်ပါစေ...
မပြောမကောင်း မဆိုကောင်းကွာ...
ဒီလူ့က မင်းလေးကို ချစ်လို့တောင် မဝသေးတာ တစ်ပါးသူထံ ပေးဖို့ဆို စိတ်ကူးတောင် မထားဖူးဘူး "

" ချစ်လို့ဝရင် ရောင်းမယ်လို့ ဆိုလိုချင်တာလား "

ရှောင်းကျန့် မနိုင်တော့ ။ တမင်တကာ ရစ်နေမှန်း သိသည်။ သူ့ အချစ်ကလေးက အဲ့သလိုပဲ တစ်ခါတစ်ခါ ရွှတ်နောက်နောက် ထထဖောက်သည်။

" မောင် အရှုံးပေးပါတယ်ကွာ...
ပီယက်နီ ကို လုံးဝ မနိုင်ဘူး "

ရိပေါ် ထိုစကားလေးကြောင့် ခပ်လွန့်လွန့် ရယ်မောလိုက်သည်။ မနက်အစောကြီးကတည်းက အိမ်ထိလိုက်လာပြီး ဆွဲခေါ်လာတာ ဘယ်ကို သွားနေမှန်းလဲ မသိရပါ။ လူပျိုကြီး တို့ လုပ်လိုက်ရင် လူပျိုလေး လိုက်မမှီတော့ဘူး။

" ခဏလောက် အိပ်ဦးမယ် မောင် "

" အိပ်လိုက်ဦး... ရောက်ရင် မောင်နှိုးမယ် "

ရိပေါ် ပုတ်သင်ညို လေးလို ခေါင်းလေး တဆတ်ဆတ် ညိတ်ပြပြီး ကားကူရှင်ကို မှီကာ မျက်လုံးလေး မှိတ်လိုက်သည်။

မနေ့ညက အက လေ့ကျင့်တာ ညည့်နက်သွားတာမို့ ကောင်းကောင်း အနားမယူရသေး။ ဒီကြားထဲ ရှောင်းကျန့် မာမီက သူ့ဆီကို ဇာတ်လမ်းတွေထဲကလိုမျိုး ငွေပေးလာဖြတ်ခိုင်းနေကြသေးတယ်။ ရိပေါ်ကလည်း ခက်ခဲတာကိုမှ လိုချင်တဲ့သူမို့ မတော်ရသေးတဲ့ ယောက္ခမကို အရွဲ့တိုက်လိုဇောနှင့် ဆက်တွဲသည်။