The Apocalypse (Completed)

-3-

Unicode

ဒီ liveကနေ ထွက်မသွားနဲ့ဦးနော်...
ကျွန်တော်ဘာတွေ့ထားလဲဆိုတာ အားလုံးကိုပြောပြမယ်

"ဟမ်းး ငကြောင်ကောင်"

ယွင်ဖေးသည် ဖုန်းမျက်နှာပြင်ဆီကြည့်ရင်းဖြင့် တိုးလျလျ ရေရွတ်လိုက်သည်။ သူမ၏မျက်နှာပေါ်တွင် အထင်အမြင်သေးသည့် အမူအရာတို့က အထင်းသား။

ခဏလေး...အာ...ဟုတ်ပြီ ဒီဟာ

ပုံတုံးတုံးနှင့် အမျိုးသားတစ်ဦးသည် liveမှတစ်ဆင့် အကြောင်းအရာတစ်ခုကို မျှဝေရန်ကြိုးစားနေ၏။ သူသည် နီးစပ်ရာ ပန်းအိုးငယ်တစ်ခုကို ဆွဲယူလိုက်ပြီးနောက် သူ၏အိမ်တံခါးအား အသာဖွင့်ဟလိုက်သည်။

*သေချင်နေတာလား

*မင်းသေတာကြီးကို ငါတို့liveထိုင်မကြည့်နိုင်ဘူးနော်

*အတန်ရှည်ရှာမနေနဲ့

*ငါဆက်မကြည့်ရဲတော့ဘူး outပြီ

comment sessionသည်ကား commentပေါင်းစုံဖြင့် စည်ကားလျက်။

live၏ hostဖြစ်သူအမျိုးသားသည် အိမ်အပြင်သို့ရောက်ရှိသွားပြီဖြစ်ပြီး ၊ လမ်းမပေါ်တွင် တုံဏှိဘာဝေဖြင့် သွားလာနေကြသည့် zombieများအား အခြားသူများ မြင်ရစေရန် ဖုန်းဖြင့် ဝေ့ယမ်းရိုက်ကူးပြနေ၏။

ထို့နောက် ထိုအမျိုးသားသည် မတိုင်မီက ယူဆောင်လာသည့် ပန်းအိုးငယ်အား သူ၏အရှေ့ဘက် ၁၀ပေကျော်ကျော်မျှ အကွာအဝေးသို့ ပစ်ပေါက်ချခွဲပစ်လိုက်တော့သည်။

ခွမ်း! !

*အိုးမိုင်ဂေါ့ အဲ့ကောင်ရူးသွားပြီလား?

*ငါ့ရဲ့နေ့လည်စာကို ကောင်းကောင်းဆက်စားချင်သေးတယ်...outပြီ သောက်ရူးကောင်ရေ

*မင်းမေ

*RIP bro

ခွမ်းခနဲအသံ၏ နောက်တွင်တော့ အရွယ်စုံ ၊ ပုံပန်းစုံသည့် zombieတို့သည် ကျယ်လောင်စွာ မာန်ဖီအော်ဟစ်ရင်းဖြင့် ထိုအမျိုးသား၏ တည့်တည့်ဆီသို့ ဒုန်းစိုင်းကာ ပြေးလွှားလာကြတော့သည်။ အမျိုးသားသည်ကား တုန်လှုပ်ထိတ်လန့်နေသည့်တိုင် ဖုန်းကိုကိုင်ရင်းဖြင့် ထိုနေရာတွင်ပင် မလှုပ်မယှက် ကျောက်ချကာ ရပ်နေဆဲ။