مرء اسبوع على ابطالنا لم يحدث به اى شئ سوى ان احمد يحاول ان ينتهى من تصفية اعماله لكى يعود الى مصر هو واهله مرة اخرى......واليوم هو خطوبة ريتاچ وامير
ريتاچ:الحمار دة متصلش لى لغاية دلوقتى هقابل البنت ازاى دلوقتى
وجدت هاتفها يرن وكان المتصل هو امير فردت عليه فورا وقالت:انت يحمار فينك من الصبح هاااا
امير:من غير شتيمة طيب عشان مغلطش فيكى
ريتاچ بسخرية:لا وانت تقدر الصراحة
امير:يبنتى احترمينى سيكا حتى
ريتاچ:اخلص بقي انا هستناك ف كافيه(.....)هات البنت وتعالى
امير:تمام عارفه روحى وهحصلك على هناك
ريتاچ:تمام....ولو حد سألك من عيلتك قولهم انك جاى تشوفنى عشان حاجة بينى وبينك لانى هقولهم كدة عندى وعشان محدش يشك فينا
امير:تحت امرك يا هانم اقفلى بقي خلينى اتصل بيها واجيلك
ريتاچ:اوك باى
بالفعل اقفلت معه الخط وارتدت ملابسها على عجل ونزلت لاسفل حتى تذهب ولكن اوقفها صوت والدتها المتعجب
الهام بتعجب:تاج انتى رايحة فين دلوقتى المفروض تقعدى تجهزى
ريتاچ:انا رايحة اقابل امير يا ماما...عايزنى ف حاجة مهمة
الهام بأستغراب:امير وحاجة مهمة؟! اى هى الحاجة دى اللي متتأجلش لبعد الخطوبة ولازم تتقال انهاردة دى
محمد:فى اى يا الهام.....وانتى ياتاج رايحة فين دلوقتى
ريتاچ:رايحة اقابل امير يا بابا
محمد:امير دلوقتى؟! لى فى اى
الهام:بتقول انه عاوزها ف حاجة مهمة ولازم يقولها انهاردة
محمد:حاجة اى دى
ريتاچ بسرعة:معرفش يا حودا والله ممكن بقى اروح كدة اتأخرت عليه والنبى
الهام بأبتسامة:خلاص يقلبى روحى قابليه بس متتأخريش عشان تلحقى تجهزى نفسك
ريتاچ:فوريرة
ذهبت ريتاچ فقال محمد:ازاى تخليها تروح يا الهام
الهام بسعادة:جرى اى يا محمد انت مش شايف هتتهبل ازاى عشان تقابله لا وكمان خايفة على زعله تاج اللى عمرها ما اهتمت بزعل حد غيرنا بقت مهتمة بزعل امير....مش يمكن يكون هو السبب ان تاج تتغير
محمد بحيرة:وهو دة اللى محيرنى يا الهام ومخلينى حاسس ان فى حاجة مش مظبوطة.....اى سر الاهتمام المفاجئ دة
الهام:الله مش كانوا اصحاب من وهما صغيرين انت ناسى ولا اى يا محمد
محمد:بالظبط يعنى ممكن تكون هى بتهتم كدة لانه صديقها وبس و وافقت على الخطوبة دى عشانا احنا
الهام:وممكن اهتمام الصداقة دة يتحول حب بس يقضوا وقت مع بعضهم شوية وهما تلقائيا هتلاقيهم قربوا من بعض
محمد ببعض الاقتناع:ممكن برضه......على العموم انا هروح اشوف بقية التحضيرات
الهام بأبتسامة:وانا هروح اشوف المطبخ والميكب ارتست لبنتك
محمد بتوتر:الهام.......محمود وعيلته راجعين انهاردة وانا عزمتهم على خطوبة تاج
اختفت ابتسامة الهام ثم قالت:مقدرش اقولك متعزموش يا محمد دة صديق عمرك انت وجمال وانا متأكدة كمان ان جمال عزمه برضه.....انا كل دة مش فارق معايا بس يا محمد لو بنتى نزلت من عينها دمعة واحدة انا مش هعمل اعتبار لحد
وتركته وذهبت فتنهد هو تنهيدة طويلة تعبر عن ضيقة وتعبه فقال محمد بضيق:كله بسببك يا احمد الكلب انا هربيك من اول وجديد ومش انا بس انا وابوك وعمك جمال انتوا التلاتة فعلا مكنش ينفع معاكوا غير كدة
•~•~•~•~•~•~•~•~•~•
اما فى امريكا كانت والدة احمد غادة تجمع اخر اغراضها بفرحة كبيرة لانها ستعود اخيرا لوطنها واهلها الذين لطاما اشتاقت لهم كثيرا وتمنت ان تعود لهم والان ها هو يتحقق هذا الحلم
محمود:يلا بقى يا غادة هنتأخر على الطيارة..... بتعملى اى كل دة
غادة:حاضر حاضر جاية اهو
احمد:انا مش عارف انت حجزت طيارة بدرى اوى كدة لى
غادة:عشان نلحق نجهز نفسنا لخطوبة تاج يا احمد انت نسيت ولا اى
احمد بغضب وغيظ:لا منستش ومش لازم كل شوية تفكرينى وبعدين اى يعنى خطوبة تاج ما ننزل من الطيارة على هناك على طول لازم يعنى نكون على سنجة عشرة
محمود بخبث:وانت متضايق لى يعنى....وبعدين المفروض ايوة تكون على سنجة عشرة ولا عايز تروح وانت مبهدل وحالتك حالة....اى لتكون بتحبها وعايز تعرفها انك بتموت من غيرها
احمد:لا طبعا احب مين
محمود ببرود:خلاص يبقى تعمل اللى بنقولك عليه من غير كلام كتير انت مبقتش عيل صغير هفضل اقولك اعمل اى ومتعملش اى
احمد بحنق:حاضر يلا بينا
أنت تقرأ
فتاتى المسترجلة
Randomهو شاب وسيم ولطيف وذو جسد رياضى اى لا يشوبه شائبه اكمل دراسته فى الخارج وعمل بجد واجتهاد حتى اصبح رجل اعمال ناجح ومشهور رغم صغر سنه.لا توجد فتاه لا تتمنى ان تصبح زوجته ف هو شاب لا يعوض اما هو لا يقبل الا بفتاة واحدة اختارها قلبه ترى من هى؟! هى فتاة...
