فى صباح اليوم التالى كان الجميع يجتمعون فى منزل محمود يمرحون ويمزحون معا ويتذكرون الماضي كيف كان لا يفصلهم سوا ساعات النوم فقط
امير: بس ماقولتليش يا بابا انتوا اتعرفتوا على بعض ازاى انتوا الستة
جمال: انا ومحمد ومحمود كنا صحاب من ايام ابتدائى ونفس الكلام غادة والهام ورانيا بس الفرق ان انا وغادة كنا قرايب
احمد بصدمة: نعم!!!!! حضرتك وماما قرايب
جمال بأبتسامة: اة احنا ولاد خالة
ريتاچ: طب وهو عمو محمود عرف طنط غادة ازاى
محمود: ف مرة كنا احنا التلاتة متجمعين عند جمال ف بيته وكانت غادة ومامتها عندهم بيزورهم ف شفتها وحبيتها واتجوزتها
غادة بخبث: لا يشيخ بالسهولة دى مش فاكرة انا
محمود بأحراج: خلاص بقي يا غادة عديها مش قدام الولاد
امير: لالالا انا محبش جو شوق ولا تدوق دة مياكلش معايا احكى يطنط عشان خاطرى
ريتاچ بترجى: ايوة يطنط بليز احكى
جمال: استنوا انا هحكيلكوا.......زمان كنت انا ومحمود شقاى شوية غير محمد كان محترم زيادة عن اللزوم ومعروف عننا اننا بتوع بنات وطبعا غادة كانت عارفة من كلام ماما مع خالتى ف لما محمود شاف غادة وعجبته وراح اعترفلها طبعا مريحتوش لانها عارفة انه بتاع بنات وطلعت عينه لغاية ما وافقت عليه حتى ف الخطوبة مريحتوش ومبلتش ريقه بكلمه واحدة حلوة
احمد بصدمة: معقول يا ماما عملتى كل دة ف بابا
جمال بضحك: واكتر يحبيبي دة انا كدة اختصرت دى ف مرة كانت هتخليه يتجنن
ريتاچ: ازاى يعمو
جمال: بعد كتب الكتاب........
Flash back
محمود: بحبك يا غادة
غادة: حبتك العافية يا محمود
محمود بصدمة وعدم تصديق: انتى قولتى اى؟
غادة ببراءة مزيفة: بقولك حبتك العافية يا محمود مالك
محمود بصدمة اكبر: انتى بتعديها تانى يا غادة حرام عليكى يعنى سنتين خطوبة مطلعة عينى وساكت وكمان يوم كتب الكتاب تعملى فيا كدة حرام عليكى يا غادة مش اسلوب والله
محمد بضحك: تعيش وتاخد غيرها يكبير
جمال بضحك: قولتلك دى مش وش رومانسية مصدقتنيش.... يعوض عليك ربنا بقي
محمود بغضب: تلاتة بالله العظيم ماهتحرك من هنا غير لما تقولى انك بتحبينى ها
Back
جمال: وفعلا متحركش من مكانه ولا خلى حد يمشي غير لما قالتله بحبك
امير بضحك: مش قادر ههههههه والله براڤو عليكى يطنط
محمود بسخرية: متضحكش اوى كدة ما انت ابوك حصل فيه نفس اللى حصل معايا
امير بصدمة: دة بجد يا بابا؟!!
جمال بأبتسامة: بصراحة اة.....بس انا ارحم منه سيكا لينت دماغها ف فترة الخطوبة
رانيا: بعد ما طلعت عينك يعنى يعتبر زيك زيه طبعا
امير بصدمة: مش مصدق عملتى اى يا ماما
محمود بضحك: دى كل يوم والتانى كانت تديله حتة مقلب ياض يا امير كان يطلع من نفوخه.....لا وكله كوم ومقلب الواد اللى قالتله انها بتحبه دة كوم تانى كان هيتجنن ساعتها وكان ناوى يقتله
احمد بضحك: على كدة امى كانت ارحم بقي
جمال بأبتسامة: حصل.....بس بالرغم من كل دة الا انى كنت مبسوط
امير بغمزة: ايوة يحج يا جامد
ريتاچ: انت اللى فلت يا بابا يعنى
محمد: لانى كنت محترم وغلبان ومش صايع زيهم وامك اطيب منها مافيش كمان
غادة: مين دى..... دى هى صاحبة الافكار دى كلها اساسا
جمال: ايوة ومحمد هو اللى قالنا نهدكوا ازاى ونلين دماغكوا ازاى اصلا
ريتاچ بضحك: انا كدة عرفت انا طالعة سوسة وخبيثة لمين
الهام: طب يسوسة اديكوا عرفتوا حكايتنا كلنا ممكن بقي تطلعوا تقعدوا قعدة شباب مع بعض وتسبونا وحدنا بقي
ريتاچ: لا مش ممكن انا لسة مسمعتش حكايتك انتى وبابا
الهام: مش وقته بقي تاج بعدين
محمد: لى يعنى يا الهام هى جت علينا.... تعالى اما احكيلك..... بصي يستى اول مرة شوفت الهام فيها كان عند جمال ف البيت وقتها كانت جاية تزور غادة هى ورانيا انا اول ما شوفتها سرحت فيها ومقدرتش اشيل عينى من عليها ومن وقتها مافرقتش خيالى لحظة واحدة..... دورت وراها وعرفت عنها كل حاجة وفضلت اراقبها من غير ماتحس سنتين بحالهم
الهام: ف السنتين دول كنت انا كمان شوفته واعجبت بيه وبدأت اراقبه لغاية ما اتخرجت.... وروحت اشتغل ف شركته سيكرتيره وانا معرفش انها شركته اصلا
محمد: اشتغلت عندى سنة وبعدها رفدتها
ريتاچ بصدمة: لى كدة يا بابا
محمد بضحك وغمزة: عشان اشغلها عندى ف بيت العدل بقي كفاية عليها كدة ف الشركة
محمود: اة انت اللى فلت يبن اللذينة
جمال: اة والله معاك حق يا محمود
محمد: عشان محترم مش زيكوا
الهام: اظن انكوا عرفتوا اللى عايزينه مش كدة يست تاج..... يلا بقي اتفضلوا برة
امير: الله فى اى يا لولو مش طايقانا لى من الصبح وعايزة تمشينا
ريتاچ: اة صحيح لى يا ماما
الهام: ابدا بس احنا هنتكلم كلام يخصنا دلوقتى ف ممكن حبة خصوصية بقي
غادة: وكمان اعتقد ان انتوا التلاتة عايزين تتكلموا برضوا
رانيا:اكيد طبعا انتوا بقالكوا سنين ماشوفتوش بعض ف روحوا اتكلموا شوية مع بعض
احمد: خلاص خلاص هنريحكوا ونخرج اهو.... يلا بينا يا شباب
أنت تقرأ
فتاتى المسترجلة
Randomهو شاب وسيم ولطيف وذو جسد رياضى اى لا يشوبه شائبه اكمل دراسته فى الخارج وعمل بجد واجتهاد حتى اصبح رجل اعمال ناجح ومشهور رغم صغر سنه.لا توجد فتاه لا تتمنى ان تصبح زوجته ف هو شاب لا يعوض اما هو لا يقبل الا بفتاة واحدة اختارها قلبه ترى من هى؟! هى فتاة...
