في ڤيلا محمد تستيقظ ريتاچ وتلاحظ خاتم خطبتها من امير في اصبعها فتتذكر تفاصيل هذا اليوم..... تتذكر حينما رأته امامها علي حين غرة لم تكن تتوقع قدومه وايضا في هذه المناسبة.....حقا اشتاقت له كثيرا ولكنها تحمل الكثير من العتاب واللوم ايضا تنهدت بثقل وقامت من مكانها لتغتسل وتذهب لعملها وبالفعل فعلت هذا وحين نزلت لاسفل وجدت امير يجلس مع والدها ووالدتها
ريتاچ وهي تجلس بجانب امير:انت مش كنت لسة عندنا امبارح اى اللي جابك تانى انهاردة
الهام:تاج عيب كدة
امير:سبيها يا طنط انا عارف انها بتهزر دة العادي بتاعها مش حاجة جديدة عليها
ريتاچ:شوفتي مش مضايق اهو
محمد:ريتاچ بعد مانخلص فطار هتخرجي انتي وامير هو كان جاي عشان يستأذني انكوا تخرجوا سوا
ريتاچ:بس يا بابا انت عارف انه عندى شغل ومش هينفع اسيبه
الهام:لي ماينفعش في كذا حد موجود ممكن يسد مكانك ف المصنع
امير:اطمنى يا تاج انا كمان عندى شغل ف مش هعطلك ارتاحى
ريتاچ بغيظ:ماشي.....بس عارف لو اتأخرت هعمل من كرامتك اسفلت يلا
محمد:تاج عيب كدة في اى
ريتاچ:يا حودة فكك احنا متعودين علي كدة صح يا امير
امير بأبتسامة:صح يا ام لسان طويل
اخرجت له لسانها لتغيظه فضحك عليها فأغتاظت كثيرا فظلوا يتشاجروا ويمرحون تحت انظار محمد والهام الفرحين بسعادة ابنتهم.....وحين انتهوا من تناول افطارهم ذهب محمد الي شركته واخذ امير ريتاچ وذهب بها الي كافيه ليتحدث معها
ريتاچ:قولي بقي جايبنى لي ولا انت صدقت حوار اننا مخطوبين والجو دة
امير:بقولك اى مش عايز طولة لسان المفروض تحترمينى عن كدة شوية علي الاقل عشان محدش يفتكر انك مغصوبة عليا وانتى عارفة قصدى مين طبعا وبعدين هما كلمتين هقولهم وعايز منك رد وخلاص
ريتاچ:الله الله طلعلك صوت
امير بجدية:ريتاچ انا مش بهزر وبتكلم جد
ريتاچ بخفوت:في اى يا امير انا عملت اى ضايقك كدة
امير:ماعملتيش يا تاج الفكرة انى مش عارف اتكلم معاكى جد ابدا.....وفي كذا حاجة المفروض نتكلم فيها عشان نعرف الفترة الجاية هنعمل اى
ريتاچ:مش فاهمة نتكلم ف اى هنتخطب فترة ونقول ماتفقناش وخلاص خلصنا
امير:واحمد
ريتاچ بأستغراب:احمد؟! ماله احمد مش فاهمة
امير:تاج انتي لسة بتحبيه.....ومش عايز كذب عايز الحقيقة وبس فاهمة
ريتاچ:ايوة يا امير لانه مش سهل عليا انسي كل حاجة كانت بينا بسهولة كدة وبرضه مش سهل عليا انسي انه راح خطب واحدة تانية غيرى
امير:يعني لسة بتحبيه بس كرامتك وجعاكي مش كدة يا ام كرامة
ريتاچ:ايوة
امير بأبتسامة:خلاص وليكي عليا هرجعلك كرامتك وهمسحلك بكرامته هو اسفلت مصر كلها
ريتاچ بفرحة:بجد يا امير؟ طب ازاي؟!
امير:مالكيش دعوة بأزاى دى بتاعتي انتي بس كل اللي عليكي تمثلي انك خطيبتي وبتموتي فيا لا اكتر ولا اقل ماشي
ريتاچ:ماشي يا ميرو يا جااااامد
امير بقرف:وطي صوتك اى قاعد مع واحد صاحبي
ريتاچ:مش عاجبك شد ف حواجبك انت هتقرفني
امير بقرف اكبر:ممكن قدام سي احمد ماتعاملنيش كدة يعني اتعاملي برقة شوية عشان يصدق وكمان عشان يغير برضه ممكن
ريتاچ:امير انا اللي عايزاه ارد كرامتي لكن مش فارقلي يغير او لا....صحيح انا لسة بحبه لكن برضه يستحيل اوافق اني اكمل معاه
امير:لي العناد دة يا تاج محدش بيدفع تمن عنادك وغباوته غيرك انتي وهو صدقيني
ريتاچ:امير لو سمحت دة قرارى وانا مرتاحة كدة
امير:خلاص يا تاج سيبي كل حاجة للوقت هو اللي هيحدد اهم حاجة ان احنا متفقين اننا نمسح بكرامته الارض تمام
ريتاچ بأبتسامة:تمام
أنت تقرأ
فتاتى المسترجلة
Diversosهو شاب وسيم ولطيف وذو جسد رياضى اى لا يشوبه شائبه اكمل دراسته فى الخارج وعمل بجد واجتهاد حتى اصبح رجل اعمال ناجح ومشهور رغم صغر سنه.لا توجد فتاه لا تتمنى ان تصبح زوجته ف هو شاب لا يعوض اما هو لا يقبل الا بفتاة واحدة اختارها قلبه ترى من هى؟! هى فتاة...
