شباب مواعيد الرواية هتبقي كل تلات
•~•~•~•~•~•~•~•~•~•~•~•~•~•~•~•~•~•~•~•كانت ريتاچ تجلس فى مكتبها مع احمد يتناقشون فى عدة امور تتعلق بالعمل
ريتاچ: يا احمد افهمنى اننا نجيب المكن من غير ما نجيب مدربين زى ما اتفاقنا عشان يدربوا عمال المصنع الاول عليه هيبقي مالوش لازمة لان المكن هيتركن اصلا
احمد: يبنتى ما انا قولتلك انى اتفقت معاهم وهما هيجيوا انهاردة وهيبدأوا التدريب على طول
ريتاچ: اولا انا مش بقتنع بالكلام دة اللى هو هما قالوا انهم جايين انهاردة وكدة ما هما يقولوا براحتهم انا مش هصدق غير اما اشوفهم
ثانيا بقي ولنفرض ان كلامك صح فعلا وجم يا سيدى انهاردة زى ما بتقول ما كدة كدة لسة هيبدأوا معاهم فترة تدريب يعنى برضه المكن هيتركن يبقي هى هى ماستفدناش حاجة
احمد: يا تاج فترة التدريب مش هتاخد وقت دة هما كلهم تلت شهور اصلا واحنا لسة هنتفق وندفع ولغاية ما المكن يجي من بلده ويعدى على الجمرك والشحن والحاجات دى كلها مش هتبقي اقل من شهرين يعنى لو اتركن دة هيبقي شهر واحد بس مش اكتر واعتقد انه مش هيجراله حاجة يعنى يا تاج
ريتاچ: لا برضه مش مقتنعه
احمد بنفاذ صبر: لا بقي كدة كتير انا تعبت يا تاج مش معقول كدة
ريتاچ: طب بص انا عندى حل وسط
احمد: قولى اى هو
ريتاچ: احنا نجيب المكن بعد شهر من التدريب
احمد: مع انى مش فاهم بصراحة اى الفرق بس ماشي اهو حل يرضينا احنا الاتنين وخلاص
ريتاچ: تمام كدة اتفقنا..... يلا بقي على شغلك انت هتفضل قاعد ولا اى يلا يابا ورانا مصالح
احمد بقرف مصطنع: والله الواد امير جبل انه مستحمل البلوة دى
ريتاچ بغضب: انا بلوة يا عرة العرر
احمد بغمزة: احلى بلوة سلاموز
رحل وهو يضحك على منظرها فبعدما القي كلمته هذه ظلت تنظر فى اثره بصدمة وفاتحة فاهها كالبلهاء الى ان افاقت من صدمتها هذه بعد رحيله
ريتاچ بتنهيدة: مش هيحصل اللى انت عايزة يا احمد
•~•~•~•~•~•~•~•~•~•~•~•~•
اما عند امير فى مكتبه كان يعمل هو وميريت على بعض الملفات المهمة فهو اهمل عمله ليومين متتاليين وهذا اتى عليه بالضرر فهذا العمل قد تراكم عليه
امير بتعب: لا كدة كتير اى الشغل دة كله يا ميريت حرااااااااام
ميريت: يفندم دة شغل يومين مش ساعتين
امير: ولما هو شغل يومين مش ساعتين مارنتيش عليا لي تقوليلى طيب
ميريت: حضرتك انا طلبتك اكتر من مرة بس انت مكنتش بترد عليا اعمل اى
امير ببكاء مصطنع: ماتعمليش يختى انا اللى بعمل اهو عشان انا حيوان واستاهل
ميريت وهى تحاول كبت ضحكاتها: طب حضرتك ممكن تريح شوية لغاية ما اروح اجبلك عصير تشربه
امير وقد لمعت عينيه: اة ياريت كمان تجيبيلنا فطار ونفطر سوا الواحد واقع من الجوع
ميريت بصدمة: حضرتك لسة فاطر من ساعتين
امير بلامبالاه: وفطرت ف بيتنا كمان.... انا بفطر تلت اربع مرات عادى
ميريت بصدمة اكبر: ماشاءالله مش باين على حضرتك خالص
امير: قرى قرى يختى
ميريت بأبتسامة: لا هقر ولا غيره انا هقوم اجيب لحضرتك العصير والفطار التالت
امير: ماشي بس ماتعديش عليا
ميريت: حاضر
أنت تقرأ
فتاتى المسترجلة
Randomهو شاب وسيم ولطيف وذو جسد رياضى اى لا يشوبه شائبه اكمل دراسته فى الخارج وعمل بجد واجتهاد حتى اصبح رجل اعمال ناجح ومشهور رغم صغر سنه.لا توجد فتاه لا تتمنى ان تصبح زوجته ف هو شاب لا يعوض اما هو لا يقبل الا بفتاة واحدة اختارها قلبه ترى من هى؟! هى فتاة...
