انا بعتذر جدا لانى ماقدرتش انزل البارت امبارح بس النت كان فاصل ولسة شغال انهاردة
فى الصباح كانت الهام تحاول ان تهدئ محمد قليلا قبل نزول ريتاچ فهو لا يزال غاضب منها منذ أمس
الهام: يا محمد خلاص ارجع عن اللى فى دماغك دة بقي ريتاچ مش هتستحمل
محمد: لا يا الهام لازم اخليها تاخد بالها من كلامها بعد كدة معايا او معاكى او مع اى حد فى الدنيا انتى كنتى صح انا اللى عملت فيها كدة ودى غلطتي بس انا بقي هعرف اصلحها
الهام: يا محمد بس...
قاطعها محمد: الهام انتهينا خلاص وياريت تسمعى كلامى وتعملى زى ما بقولك
اتت ريتاچ: صباح الفل عليكوا
الهام دون النظر اليها: صباح النور
ريتاچ: مالك يا لولو مش بتبصيلى لى وانت يا حودا مش بترد عليا يعنى
محمد: بعد كدة لما تيجى تندهيلى تقوليلى بابا والهام ماما عشان واضح ان من كتر ما بنعاملك على اننا اصحابك نسيتى كمان ان احنا ابوكى وامك اللى لازم تحترميهم ولا نسيتى انتى عملتى اى امبارح
ريتاچ: مانستش وناوية اعتذر والله بس قولت اصبح عليكوا الاول
محمد: وانتى مين قالك انى هقبل اعتذارك اصلا يا ريتاچ
ريتاچ بصدمة: ريتاچ؟ بابا انت دايما تقولى تاج اى ريتاچ دى..... الهام قولى حاجة
محمد بزعيق: انا قولت اسمها ماما مش الهام ولا لولو وايوة من هنا ورايح مافيش تاج انتى ريتاچ عشان شكلى خليتك تاخدى عليا زيادة عن اللزوم... انا رايح الشركة وانتى روحى المصنع خلصي شغلك زى ما قولتلك امبارح عشان الاجازة اللى هناخدها وانتى جاية معانا فيها
الهام: محمد استنى كمل فطارك انت مأكلتش
محمد: شبعت يا الهام يلا سلام
ذهب محمد فقالت الهام: اى ساكتة لى كملى اكلك ولا مش هتاكلى انتى كمام
ريتاچ: ماما انا اسفة عشان خاطرى سامحينى وكلمى بابا كمان خليه يسامحنى انا مقدرش على زعلكوا دة والله انتى عارفة
الهام: المرة دى غلطتى جامد يا ريتاچ وانا مش هعرف اعملك حاجة عن اذنك انا طالعة اوضتى
صعدت الهام الى غرفتها وتركت ريتاچ فى حزنها على ما فعلته هى تعلم انها اخطأت وتلك ليست المرة الاولى التى تخطأ بها هذا الخطأ ولكن في كل مرة كانت تعتذر كان والديها يغفروا لها وينسوا ما صدر منها على عكس هذه المرة فهم غير مستعدين لسماع اعتذارها حتى.... ظلت تفكر الى ان احست بخنقة من كثرة التفكير فى هذا الموضوع لذلك قررت ان تذهب للمصنع وتباشر عملها
•~•~•~•~•~•~•~•~•~•~•~•~•~•~•~•~•~•~•~•
عند احمد كان قد وصل المصنع فوجد العمال فى حالة من التوتر
احمد: عم رضا
رضا: افندم يا احمد بيه
احمد: تانى بيه دى ماشي نشوف الحوار دة بعدين.. انتوا مالكوا فى ايه حاسسكوا متكهربين كدة
رضا: الست ريتاچ جاية ومش طايقة حد وطايحة فى الكل واى حد بيغلط بتشوط فيه ومابترحموش
احمد: انتوا حد عصبها
رضا: يبنى بقولك جاية مش طايقة نفسها يعنى متعصبة جاهزة
احمد: خلاص روح انت وانا هدخلها اشوف فى اى
رضا: ماشي
ذهب احمد الى مكتب ريتاچ: بيقولوا انك مش طايقة نفسك
ريتاچ: احمد لو سمحت اطلع برا وتجنبنى خالص انهاردة تمام
احمد: يا سلام ولو حبيت اتكلم معاكى فى حاجة بخصوص الشغل اعمل اى ابعتلك رسالة ولا اكلمك بالاشارة
ريتاچ: انت هتهزر يا احمد ما انت عارف لو فى حاحة فى الشغل مش هقولك لا
احمد: والله انتى اللى بتهزرى يا تاج المفروض مشاكلك تبعديها عن جو الشغل خالص مش تجيبيها معاكى لهنا العمال مالهمش ذنب ولا مضطرين يستحملوا عصبيتك الغير مبررة دى ماعتقدش ان انا اللى هقولك كدة يعنى عن اذنك
أنت تقرأ
فتاتى المسترجلة
Randomهو شاب وسيم ولطيف وذو جسد رياضى اى لا يشوبه شائبه اكمل دراسته فى الخارج وعمل بجد واجتهاد حتى اصبح رجل اعمال ناجح ومشهور رغم صغر سنه.لا توجد فتاه لا تتمنى ان تصبح زوجته ف هو شاب لا يعوض اما هو لا يقبل الا بفتاة واحدة اختارها قلبه ترى من هى؟! هى فتاة...
