في منزل ريتاچ استيقظت وارتدت ملابسها واتجهت لاسفل لتتناول الطعام وتذهب لعملها.....عندما هبطت لاسفل وجدت اباها وامها يتناولون افطارهم
ريتاچ بمرح:اي يست الكل مصحتنيش انهاردة يعني زي كل يوم لي
الهام:عشان انتي انهاردة مش هتروحي الشغل
ريتاچ بأستغراب:نعم؟! ودة لي بقي انشاء الله
الهام بحدة خفيفة:بنت اتكلمي معايا كويس انا امك ولا نسيتي
ريتاچ:انا اسفة مقصدش بس استغربت من اللي قولتيه دلوقتي....انتي كنتي بتهزرى صح
محمد:لا الهام مش بتهزر يا تاج
ريتاچ:حتي انت يا بابا
محمد:ريتاچ اسمعي فى واحد جاى يتقدملك انهاردة.....احنا كل اللي طالبينه منك انك تشوفيه وتقعدي معاه لو ارتحتيله تمام لكن لو مارتحتيش خلاص محدش هيغصبك علي حاجة
ريتاچ:يا بابا ولازمتها اي من الاول ما انا كدة كدة عارفة اني مش هارتحله اصلا
الهام:وانتي عرفتي منين بس......هو انتي كنتي تعرفيه قبل كدة اقعدى معاه مش يمكن ترتحيله ويخيب توقعاتك يبنتي
ريتاچ:يعني انتوا مصرين علي كلامكم
محمد/الهام:ايوة
ريتاچ بتحدي:تمااااام اوي بس ماتبقوش تزعلوا بقي من اللي هعمله فيه
وذهبت ولكن وقفت علي صوت محمد القوى وهو يقول:ريتاااااچ مش عايز مقالبك وعقل العيال بتاعك يخسرني اعز اصحابي فاهمة
ريتاچ:عقلي انا عقل عيال يا بابا؟!
محمد بزعيق:اه عقل عيال اوعي تكوني فاكرة اني معرفش اللي عملتيه ف العرسان اللي قبل كدة بس انا كنت بعدي بمزاجي واقول معلش دي عيلة وبكرة تعقل......بس شكلي كنت غلطان لما سيبتلك الحرية ودلعتك زيادة عن اللزوم......الناس جاية انهاردة عشان تشوفك وانا قولت اني مش هغصبك علي حاجة بس متصغرنيش وتخسريني اعز اصحابي ومافيش مصنع انهاردة وعالله اعرف انك روحتي هناك......انا طالع اوضتي
صعد محمد لغرفته فقالت الهام بعتاب:لي كدة يا ريتاچ......هو باباكي عمل اي لكل دة يعني
ريتاچ:يا ماما انتوا عارفين رأيي ف الموضوع دة
الهام بحنان:طب يحببتي قوليلي اي سبب رأيك دة يعني في حد تانى مثلا انتي معجبة بيه او حاجة زى كدة
ريتاچ:يا ماما بتقولى اى بس لا طبعا مافيش
الهام:طب كويس طالاما مافيش يبقى نشوف العريس اللى جاى ده عجبك كان بها معجبكيش يبقى خلاص بلاها يروحى
ريتاچ بتأفأف:خلاص ماشى يا ماما اللى تشوفوه
الهام بسعادة:حبيبة ماما.....يلا بقى روحى صالحى حودا مينفعش يفضل زعلان منك
ريتاچ بتردد:ططب ما تيجى معايا يا الهام الله يسترك
الهام:لا مش جاية.......اة وقدام الناس تبطلى كلامك السوقي والبيئة دة فاهمة انتي المفروض داموزيل محترمة وبنت ناس
ريتاچ بملل:يعني اللي بيقولوا الكلام دة ولاد كلب مثلا ماهم ولاد ناس برضه
الهام بضيق:بقولك اي.......انتي الكلام معاكي مامنوش فايدة انا رايحة المطبخ اشوف نعمل اي انهاردة
ذهبت الهام للمطبخ وصعدت ريتاچ لغرفة ابيها وعندما وصلت ظلت تقدم قدم وتؤخر الاخرى الى ان انتهى بها المطاف فى النهاية الى الداخل......دخلت وجدت اباها يجلس علي كرسى هزاز ويتأرجح فوقفت بجانبه قليلا ثم تنحنحت
محمد:نعم
ريتاچ ببعض المرح:اي نعم دى يا حودة
ادرك محمد محاولتها لمصالحته فقال:عايزة اى يا تاج
ريتاچ بخجل:انا اسفة اني ضايقتك يا بابا انا مكنتش اقصد.....انا بس مش عارفة لى اول ما بسمع كلمة عريس عفاريت الدنيا بتركبني وبتحول و بتجنن .....حقك عليا متزعلش ولو علي العريس انا هقابله عشان خاطرك انت والهام
محمد ببعض المرح:اولا انتي مجنونة خلقة ماتجبيش اللوم علي كلمة عريس
ريتاچ:كدة يا حودة طب زعلانة منك
محمد بضحك:اكدب يعني.....ثم اكمل بجدية....ثانيا انا عارف ان شخصيتك وردود افعالك انا مسئول عنها بسبب تربيتى ليكى ويمكن دى غلطتى عشان كدة انا بتغاضى عن افعال كتير انتي بتعمليها بس دة مينمعش انى زى اى اب نفسه يفرح ببنته
ريتاچ:اولا انا مش زعلانة ابدا انك ربتنى كدة بالعكس انا فرحانة جدا ثانيا بقي لو على تفرح بيا دى انا هشوف عريس الغفلة واقعد معاه كمان ومش هعمل اى مقالب
محمد:طب مش عايزة تعرفى مين عريس الغفلة
ريتاچ:لا مش مهم ابقي اعرف لما يجى انهاردة
محمد:على راحتك.......اومال الهام فين
الهام:انا هنا اهو
ريتاچ بضحك:بتيجى علي السيرة يا لولو يقمر انت
الهام:شايف بنتك يا محمد
محمد:انا مش شايف غيرك انتي يقلب محمد
الهام بكسوف:بس البنت قاعدة
ريتاچ بمشاكسة:اتثبتي يا لولو😂😂اعتبريني مش موجودة يقمر خدوا راحتكوا سلامووز انا😉
الهام بصرامة:تاااااج انا قولت اي
ريتاچ بصدمة:يلهوى علي التغير المفاجأ دة انتي مش كنتى متثبتة من شوية......وبعدين الضيوف لسة ماجوش سبينى براحتى بقي.....سلام يا موزة😘😂
أنت تقرأ
فتاتى المسترجلة
Randomهو شاب وسيم ولطيف وذو جسد رياضى اى لا يشوبه شائبه اكمل دراسته فى الخارج وعمل بجد واجتهاد حتى اصبح رجل اعمال ناجح ومشهور رغم صغر سنه.لا توجد فتاه لا تتمنى ان تصبح زوجته ف هو شاب لا يعوض اما هو لا يقبل الا بفتاة واحدة اختارها قلبه ترى من هى؟! هى فتاة...
