فى منزل ريتاچ نجدها استيقظت وادت روتينها اليومي ونزلت لاسفل وجلست علي طاولة الافطار ولكن دون ان تتفوه بكلمة واحدة حتى ان والديها استغربوا كثيرا
محمد:مالك يا تاج يحببتى مش بعادة تبقي هادية كدة وكمان مصبحتنيش علينا فى اى؟!
ريتاچ:دة اللي انا عايزة اعرفه هو فى اى يا بابا
محمد:مش فاهم قصدك اى بالظبط وعلى اى
ريتاچ:احمد يا بابا وصلت المصنع امبارح لاقيته قاعد ف المكتب ولما سألته بيعمل اى هنا قالى انه شاركك ف المصنع وانت وافقت....هو الكلام دة صح؟
محمد بهدوء:ايوة صح يا تاج.....هو جالى يوم خطوبتك وعرض عليا الموضوع وانل وافقت ومضينا العقود امبارح
ريتاچ:ولى وافقت يا بابا لى
محمد:اى يتاج انتى هتقوليلى اعمل اى ومعملش اى دة شغلى وانا ادرى بمصلحته.....وبعدين انتي اى مشكلتك مع احمد
ريتاچ:انا معنديش اى مشكلة مع احمد وهو ولا فارق معايا اصلا انت ممكن تشاركه ف اى شغل من شغلك يا بابا ومش هيبقي فارقلي ف حاجة انا اللي فارق معايا هو المصنع انت عارف يا بابا انا بحب المصنع وشغله قد اى ومحبش حد يبقي شريكي فيه
محمد: اولا اسلوبك يكون احسن من كدة فاهمة ثانيا انا عارف يتاج اهمية المصنع بالنسبالك بس صدقينى شراكة احمد لينا ف المصنع مهمة....احمد شاطر ويقدر يطور المصنع ويخليه اكبر مصنع سيارات ف العالم صدقينى دة شغلى وانا ادرى بمصلحته زى ما قولتلك
ريتاچ:تمام يا والدى زي ماتحب دة مصنعك وانت حر فيه عن اذنك انا رايحة اشوف شغلى ف المصنع
محمد:اى اللي بتقوليه دة يا تاج اى مصنعى دى انتى عارفه انه مصنعك انتي
ريتاچ:دة اللي كنت فاكراه قبل ماتعمل اللي حضرتك عملته لكن دلوقتي هو مصنعك انت وانا ماليش حق اتدخل ف اى امر يخص المصنع دة....عن اذنك
ذهبت ريتاچ للمصنع فقال محمد بغضب:شايفة عمايل بنتك يا الهام
الهام:انا بنتي مغلطتش يا محمد انا مش فاهمة اى لازمة انك تشارك احمد وكمان ف المصنع....كان ممكن فعلا تشاركه ف اى حاجة لكن المصنع انت عارف ان ريتاچ روحها فيه ومستحيل تقبل ان اى حد يشاركها ف المصنع.....انت بعملتك دى حسستها انها غريبة ومالهاش اهمية عندك عن اذنك انا شبعت
ظفر محمد بضيق وقال:اهدا يمحمد هما ميعرفوش حاجة وطبيعي تكون دى ردة فعلهم لما يعرفوا الحقيقة بعدين هيفهموا انا عملت كدة لى
ثم صعد للأعلى ليجلب بعض الملفات التى يحتاجها واخذها وذهب الى عمله بينما الهام كانت تحدث صديقتها رانيا وغادة محادثة جماعية
رانيا: ماتيجى معانا يا الهام هننبسط مع بعض ونفك عن نفسنا شوية الله
غادة: ايوة يا الهام احنا بقالنا فترة ماتجمعناش مع بعض
الهام:طب خلاص هشوف محمد وارد عليكم...تمام سلام
وبالفعل اتصلت الهام بمحمد كى تخبره انها ستخرج مع اصدقائها
محمد:الو يقلبي فى حاجة ولا اى انا كنت لسة معاكي
الهام:مافيش بس غادة ورانيا اتصلوا بيا وقالولى تعالى نخرج سوا ف كنت بتصل بيك عشان اقولك واخد رأيك
محمد:ماشي يحببتى اكيد ماعنديش مانع روحي فكى عن نفسك بس ابقي طمنيني عليكي
الهام:حاضر...يلا باى
محمد:باى
وذهبت الهام لكى تقابل صديقاتها وظل محمد يكمل بعض اعماله على جهازة الى ان يصل الى شركته
•~•~•~•~•~•~•~•~•~•
اما فى المصنع عند ريتاچ كانت قد وصلت قبل احمد وظلت تعمل فى مكتبها الى ان أتى
احمد:صباح الخير يا تاجى
ريتاچ بصرامة:اولا تشيل ياء الملكية دى من اسمى ثانيا حتى تاج ماتقولهاش انا اسمى ريتاچ وبس ثالثا ياريت ماتكنش معايا ف مكان واحد انا خليتهم يعملولك مكتب ليك وبعد كدة كلامنا هيبقي ف الشغل وبس تمام يا باشمهندش
احمد:اى يستى حيلك حيلك كل دة عشان قولت صباح الخير.....الحق عليا اني عايز اصبح عليكي يعني
ريتاچ:وانت مين قالك اصلا اني عايزاك تصبح عليا ولا عايزة اشوف وشك اصلا
احمد بغضب:ريتاچ انتي اتعديتي حدودك اوي على فكرة اى الاسلوب دة اوعي تكوني فاكرة انى جاى فعلا عشان اصبح عليكي الصباح دة انا قولته كدة من باب الذوق والادب وبعدها كنت هقولك على الشغل اللي عايزك فيه
ريتاچ:يسلام واى لازمة "تاجي" اللى اتقالت ف وسط الكلام دى
احمد: خرجت مني كدة تلقائى بحكم التعود ولا نسيتى
ريتاچ: اة نسيت وياريت انت كمان تنسي لان دة ماضي والماضي خلاص شئ وانتهى ومالهوش قيمة
احمد: انتي غلطانة يا ريتاچ الانسان من غير ماضي كأنه واحد تايه ف مكان مايعرفوش تخيلى تصحى ف يوم ماتبقيش عارفة انتي مين ولا مين اهلك هيبقي شعورك اى وقتها
ريتاچ: اكيد هحس بالضياع ومش هبقي مبسوطة بس هحاول اتأقلم واتعايش مع الوضع الجديد مش هوقف حياتي اكيد لان ايا كان اللى حصل ف الماضي مش هيفرق معايا لانه حصل وخلاص اهم حاجة الحاضر والمستقبل
احمد: محدش يعرف يغلبك ف الفلسفة أبداً
ريتاچ: يمكن تبان فلسفة بالنسبالك فعلا بس لو فكرت ف الكلام هتلاقي انه صح ومنطقي جدا مافيش حد حياته بتقف على حاجة عدت وخلصت
احمد بأبتسامة: يمكن يكون عندك حق بس لو الشخص كمل حياته طبيعي هيحس دايما ان في حاجة نقصاه
أنت تقرأ
فتاتى المسترجلة
Randomهو شاب وسيم ولطيف وذو جسد رياضى اى لا يشوبه شائبه اكمل دراسته فى الخارج وعمل بجد واجتهاد حتى اصبح رجل اعمال ناجح ومشهور رغم صغر سنه.لا توجد فتاه لا تتمنى ان تصبح زوجته ف هو شاب لا يعوض اما هو لا يقبل الا بفتاة واحدة اختارها قلبه ترى من هى؟! هى فتاة...
