#លេខាម៉ាហ្វៀ [រដូវកាលទី ៣]
ថេយ៉ុង ម៉ូដេនវឺស X ខាសស្ទេលឡា ហ្គេរ៉េនសុី
#ផ្តើមរឿង + ភាគ ១.
ស្នេហាដែលកើតមាននៅលើពិភពលោកនាពេលបច្ចុប្បន្ននេះ គេលែងគិតពីកត្តាអវិជ្ជមានផ្សេងៗហើយៗ ដូចជាការស្រលាញ់ភេទដូចគ្នា វណ្ណៈខុសគ្នា ពណ៍សម្បុរ ឬក៏រូបរាងយ៉ាងម៉េចគឺគេលែងប្រកាន់អស់ទៅហើយអ្វីដែលសំខាន់បំផុតនោះគឺទំហំចិត្តស្រលាញ់ចំពោះគ្នា! ចុះបើនិយាយពីស្នេហារវាងមនុស្សដែលមានអាយុខុសគ្នាសឹងតែ 1 ខ្សែទៅវិញ? ទៅរួចទេ? ប្រាកដច្បាស់ណាស់!
- 20 ឆ្នាំកន្លងផុតទៅ
ទឹបៗៗ
សម្លេងបោះជំហានដោយស្បែកជើងប៊ូប្រណីត ធ្វើដំណើរចុះពីលើឡាន នាំខ្លួនចូលទៅក្នុងក្រុមហ៊ុនស្កឹមស្កៃដែលមានផ្លាក ម៉ូដេនវឺស ធំសំចាងលាតយ៉ាងស្រស់ស្អាតនិងមានអំណាចជាទីបំផុត បង្ហាញពីភាពអស្ចារ្យនិងការឈានមុខនៃក្រុមហ៊ុន កូរ៉េ-អង់គ្លេសនេះ។
« ស្វាគមន៍ការត្រឡប់មកវិញលោកប្រុសធំ! » រ៉ូបីនដែលជាជំនិតផ្តាច់មុខរបស់រាងក្រាស់ខាងនេះ ក៏និយាយឡើងបន្ទាប់ពីខានបានឃើញចៅហ្វាយស្រស់សង្ហារម្នាក់នេះជាយូរណាស់ទៅហើយ គេនៅតែសង្ហារខាបព្រលឹងដដែល។
« យើងត្រូវការលេខាថ្មី! មិនបាច់រកទេ! យើងដឹងថាត្រូវយកអ្នកណាហើយ » ថេយ៉ុងបោះសម្តីវឹបៗមិនរញ៉េរញ៉ៃច្រើន ស្នាមញញឹមស្រស់សង្ហារក៏ស្រាប់តែលេចឡើង កាលបើគេបាននឹកឃើញពីវត្តមានមនុស្សម្នាក់ដែលគេប៉ងប្រាថ្នាចង់ជួបជាយូរណាស់មកហើយតែជួបមិនបាន បានត្រឹមតែតាមដានគណនីបណ្តាញសង្គមរបស់នាង ហើយពេលនេះគេក៏នឹងទៅរកនាងភ្លាមៗដូចគ្នា។
⟨ ថេយ៉ុង ម៉ូដេនវឺស កំលោះសង្ហាវ័យ 30 ក្រាស់ទៅហើយតែសម្រស់គេសង្ហារមិនខុសពីមុនអីបន្តិចសោះ ស្រីៗឃើញហើយក៏បាក់ស្រឹប សឹងតែគិតថាគេនៅអាយុ 18 ផងក៏មិនដឹង។ គេទើបតែមកពីអង់គ្លេសវិញ បន្ទាប់ពីសម្ងំខ្លួនហ្វឹកហាត់ការងារសង្គមងងឹតនៅទីនោះជាយូរ ពេលនេះគេក៏ត្រឡប់មកគ្រប់គ្រងក្រុមហ៊ុនវិញ។ ⟩
-វិមានហ្គេរ៉េនសុី
« ប៉ា!!!! » សម្រែកស្រែកសឹងបែកផ្ទះពីស្រីស្រស់ដែលស្លៀកសំលៀកបំពាក់និស្សិតយ៉ាងស្រស់ស្អាត នាងពាក់វែនតាជាប់ផងបង្ហាញថានាងទើបតែចេញពីរៀន , រាងស្តើងចុះពីលើបន្ទប់មកដោយមិនទាន់ផ្លាស់សម្លៀកបំពាក់ចេញនៅឡើយ នាងដើរមករកឪពុករបស់នាងដែលនៅបន្ទប់ទទួលភ្ញៀវនេះ។
« ខ្ញុំមិនប្រលងទៀតទេ! សាលានេះគួរអោយធុញណាស់! ខ្ញុំប្រលងយកសញ្ញាប័ត្រហើយៗ អាចធ្វើការបានហើយខ្ញុំមិនប្រលងម្តងទៀតទេ! វាបោកយកលុយទេប៉ា! » ខាសស្ទេលស្រែកញ៉ែតៗសឹងបែកភូមិគ្រឹះ បង្ហាញពីភាពខឹងសម្បារ កាយវិការរឹកពាររបស់នាងនេះមិនបានធ្វើអោយជីមីនខឹង តែក៏ធ្វើអោយគេសើចទៅវិញព្រោះនាងពិតជាដូចខាសសុីខ្លាំងណាស់!
⟨ ដូចដែលបានដឹងហើយថា ខាសស្ទេលឡា ហ្គេរ៉េនសុី ម្នាក់នេះជាគ្រាប់ពជ្រមួយគ្រាប់គត់របស់ជីមីននិងខាសសុី ហើយឆ្នាំនេះនាងមានអាយុ 22 ឆ្នាំហើយ សម្រស់ស្អាតមិនចាញ់ខាសសុីទេ នាងស្អាតខ្លាំងពិតមែនក៏ព្រោះតែឪពុកក៏សង្ហារ ម្តាយក៏ស្អាត នាងមិនស្អាតទើបចម្លែក រីឯចរិតរឹកពាររបស់នាងវិញមិនបាច់និយាយក៏ដឹងថានាងកាត់ទៅម្តាយសឹងតែ 90% ទៅហើយដែរ។ ⟩
« ប៉ាតាមតែកូនទេ! ធ្វើអីធ្វើទៅអោយតែកូនប៉ាសប្បាយចិត្ត » ជីមីននិយាយឡើង ដោយងាកទៅញញឹមឌឺដងដាក់ប្រពន្ធដែលអង្គុយក្បែរនោះបន្តិច ខាសសុីនាងចង់អោយខាសស្ទេលប្រលងម្តងទៀតក្រែងលោបានពិន្ទុល្អជាងនេះ តែពេលនេះលោកប្តីរបស់នាងក៏កាត់មុខកាត់មាត់នាងបាត់។
« យ៉េ ស្រលាញ់ប៉ាណាស់ ប៉ាចិត្តល្អ! មិនដូចម៉ាក់ទេ ចិត្តអាក្រក់ហើយពូកែជេរទៀត ហឹស ខ្ញុំទៅរៀននៅក្រៅហើយ! »
« នែ នាងក្មេងឆ្កួត! ឯងថាអ្នកណាពូកែជេរ? »
« ខ្ញុំថា ខាសសុី ខាស្ទីឡូ ណាម៉ាក់! »
...
ព្រូស
ដោយដើររវល់តែមើលសៀវភៅហើយក៏គិតថាជាផ្ទះរបស់នាងគ្មានអ្នកណាមកនោះ ខាសស្ទេលក៏បានបុកនឹងមនុស្សម្នាក់ទៀតជាហេតុធ្វើអោយនាងដួលអុកគូទទៅលើកៅអីនៅតុរៀនមុខផ្ទះតែម្តង។
« អូយយ អ្នកណាយកដើមឈើមកដាក់នៅទីនេះ? »
« នេះ? អូយយ វាថីហ្នឹង? ដើរចូលផ្ទះគេហើយបុកគេទៀ...
« ខានជួបគ្នាយូរហើយស្អាតម្ល៉េះ? មានសង្សារឬនៅស្រីក្មេង? »
To be continued...
ងាប់ហៃ មើលក្បួនប្រុសចាស់ស្វាគមន៍ក្មេង😔😔
YOU ARE READING
~លេខាម៉ាហ្វៀ~ Season 3
Random" ពូជាអ្នកចូលមកក្នុងជីវិតខ្ញុំ ពូក៏ជាអ្នកដោះស្រាយគ្រប់បញ្ហាដែលកើតមានរវាងពួកយើងដូចគ្នា! លោកប៉ាទុកចិត្តពូ សង្ឃឹមថាពូនឹងស្រលាញ់ខ្ញុំដូចកាលពី 20 ឆ្នាំមុន!
