سكر الخمسيني 💜مكتملة 💜

🍫27🍫

💋 سكر الخمسيني💋
👑oumaima mega 👑
🍫27🍫

ايوا صبح الصباح ...كانت ابتسام متكية على ختها مريم ديرين راس على راس و ناعسين في قاعة الانتظاار و تافمهم بيض بجوع .... البارح مكلاو والووو ....تاجات سعيدة فيقتهم ...و سيفطت مريم تتسخر تجيب ليهم الخبز و الحليب من برااا ...و ابتسام و سعيدة مشاو لشومبر ...لي ناعسة فيه الحاجة باقا تحت تاثير البنج ...دخلوو ساكتيين كيشوفو فيها ...و بدنهم كيقشعر كااانوو غيفقدوووهااااا لبارح...ابتسام كتشوفها ناعسة بديك الحالة قلبها تيتقطع عليها ...اصلا بسبابهم وقع هادشي كيكالميو ليها مرضها غا بالدوااا تسيدة كانت غتمشي فيهااا ...تا جات ختها مريم و جلسو بعيد شوية فطرووو .... و بقاو جالسين ممحيدينش من حداهاااا تاااقربت توصل ل11 و دارت عندها سعيدة

سعيدة : ابتسام مغتمشيش عند دوك ناس لي خدامة عندهم
ابتسام تفكرتهم بصح نيت ممشاتش عندهم يومين هادي : خاصني نمشي عندهم و ليني خفت على مي الحاجة
سعيدة : انا حاضياها ا بنتي غا سيري تخدمي ناس دارو معانا الخير و متخدميش عليهم ....دورتها ابتسام في راسها فعلا خاصها تمشي خدمتها الثانية باش ما تفقدهاااش ...و تنهدت و ناضت وقفت : واخا امي غير هو باشمااا كان علميني و طمنيني من جيهة الحاجة
سعيدة : كوني هانية ابنتي غا سيري ....تبسمت عليها سلمت على مها و على ختها و قربت من الحاجة بانت ليها باقا مفاقتش باستها غا بشوية و خرجت من تما كتقاد شالها فوق راسها تخرجت من السبيطار ...و تما قلبت على بلاكة الطوبيس ...و مشات ديريكت للفيلا لي خدامة فيها ...غير دخلت من الباب لورانيي ...مشات نيشان عند لالة وسيمة لي كانت جالسة باناقة كيف ديما و كتهدر في التليفون ....وصلت عندها ابتسام ووقفت ضامة يديها ...دارت ليها وسيمة دقيقة بصبعها حيت كتهدر دابا مغتوقفش هدرتها على ود خدامة

وسيمة كانت مصدومة : انا مقدرتش نجيي حيت كانت عندي خدمة كملي شنو دارت احلام ديك الساعة
سامية : والو بقينا كنتفرجو فيها مي احلام كتقول بايلا غير شي مرافقة واخا انا بانت ليا في شكل عرفتي كيف كانت كتلاح على مسيو فجر في الحفلة كانت غتاكلو بعينيها
وسيمة : ناريي فحال هادو كيكونو كيموتو على شي حاجة سميتها الفلوووس كون كنت انا في بلاصة احلام تباث متصبح هادشي بدا كيخرج على سيطرة خاص احلام ترجع لراجلها
سامية : قلتها ليها و لكن نتي عارفة احلام راسها قاااصح انا لي خايفة منو تكون ديك ختنا بصح معاه ديك الساعة غيتكشف سرنااا و غيمشي فيها راجليي و خووك لي داخلين في كدبة ديال ان مسيو فجر مكيولدش دابا ندمت تاقلت لراجلي يدخل في هادشي ماشي غير غتدمر مهنتو كانه دكتور و صمعتووو فجر عندووو النفووود يقدر يمحي ليهم الاثار في شي حبس
وسيمة قادت الجلسة : و خويا تهو داخل في هادشي ياربي شنو غندييرووو نقول لخويا يعيط ليه ويقوليه بايلا احلام لي مكتولدش ماشي هو و غير غلطووو ...ابتسام غير تتسمع فيها و تتشوفيها من تحت العين فهمت بايلا خوها الطبيب داخل فشي مصيبة و كادبين على شي حد بايلا مكيولدش و هي مرتو لي مكتولدش ناريي على عالم عندهم شحال معقد ...هاهما عندهم الفلوس و تاحاجة ممهنياهم

سامية : واش حماقيتي واش كتفكري بعقلك من بعد هاد السنوات كاااملة نقولو لمسيو فجر غير كدبنااا كتعرفي شنو غيدير لينا و زيدون منقدرش نغدر احلام
وسيمة : و شنو غنديرو في هادشيي و لا كانت معاه شي وحدة اخرى
سامية : حنا نثيقو في احلام و زيدون حنا كاملين كنعرفو بلي فجر كيبغي احلام بزاف و غيرجعها و هادشي غا وسواس لي كنحسوو بيه ... وسيمة صراحة متهناتش من هاد القضية قطعت تليفون و بدات تتفكر

ابتسام : لالة
وسيمة : نعام شنو باغا ....ابتسام : غير كنت باغا نقوليك مجيتش البارح على ود
وسيمة : صافي ماشي مشكييل سيري دابا ....و دارت ابتسام كتشوف هاد الناس لي في شكااال كيفاش يقدرو على شي حد و يحرموووه من الولاد ...شنو فيها الى قالت ليه مكتولدش ...و تخلي ليه الاختيار ...يمكن مبغاتوش يتخلى عليها ...و لكن شوف دابا هاهوما تفارقووو و جات بنت اخرى ...لا حملت غتكون مصيبة هههه ...صراحة جابو ليها الضحكة ...غيمشيو فيها كامليين بدون استثناء هههه ايوا الله يدير شي تاويلت لخير و صافيي ....مشات عند لالة الكبيرة تقابلها كيف العادة تخرجها دورها الجردة تبدل ليها تغسل ليهااا ...توصلت ديك الربعة العشية كانت كتغدا مع الخدمات في كوزينة مكتهدر معاهم ماوالووو ...غا تتاكل معاهم ...حيت كتبان فيها شالونطية منها ماكان ...ماشي ديال العشرة و ليني المضاهر خداعة كيف تيقولووو ...توصلت ديك الربعة و صونا ليها التليفون قفزت شداتو و جوبت عند بالها جداها

مدام نعيمة : ابتسام
ابتسام سكتت هاد الحمارة مفيهاش رحمة كتفكر غا في مصلاحتها : نعام شنو
مدام نعيمة : عندك خدمة عند مسيو فجر لا مشيتي حتى مجيتيش ليوم غا رحميي على راسك راك ابنتي مكتعرفيش شكون هي نعيمة
ابتسام قلبت عينيها اصلا هي غدير اية خدمة لمسيو فجر حيت والله كون ما كان هو لي عتقها لبارح ...تخلي هاد نعيمة التقلاا في بلاااصتها ...تدخل الحبس كاع اعلى ما في خيلها تركبووو و هي تنطق : صافي انا شوية و غنجي
نعيمة : مزيان هاكاك بغيتك ديري عقلك ...و طفات عليها ...تنهدت ابتسام و دورت تليفون لمها و طمنتها على الحاجة ...باقا تحت تاثير البنج و ليني الطبيب قاليهم معندهم مناش يخافووو ...تطمنت على جداها و قالت ليها ان ليوم عندها خدمة في السبيطار بليل مغتجيش بليل ...و طفات تليفونها