سكر الخمسيني 💜مكتملة 💜

🍫36🍫

💋 سكر الخمسيني 💋
👑oumaima mega 👑
🍫36🍫

كانت مكتهزش فيه العين و لا كتشوف في جيهتو ...غير حانية راسها و كتلعب بصبعان يديها ...كتحاول كتحاول ترجع ابتسام و تصرف معاه كزبوون عادي من زبانئهم ...بعدا فهمت ان طليقتو مرجعتش ليه داكشي باش لجأ ليها كوسيلة باش ترجع ليه لخرى  ..مكانش كيكلمها ابدااا نظراتو اقتاصرت عليها لثواني قبل ما يرجع يشوف في الشرجم ... كيشرب عادي كأن حتى شي حاجة مواقعة ... حتى بدات كطير الطيارة و هي تشهق شهقة عالية  و شدت من جناب الفوطوي ...فجر دور فيها غا جزء من عينوو ...كانت مخرجة عينيها تتشوف في جنابها ...تستقررت طيارة في السما ...عاد تهدنت هو رجع عينو عادي لشرجم ...هادا هو مسيو فجر ... مكانش الوقت ديال السفر طويل بزاااف غير شي دقايق قلااال ...كانت فيهم ابتسام هادئة معارفاش لا فين غتمشي لا فين غتجي ...ترجعت شدت مرة اخرى من جناب الفوطوي حتى نزلت في مطار أكادير ....ووقفت الطيارة ...كانت تما في انتظااارووو طموبيلتوو الخاصة و بعض من رجالو لي سبقووه لاستقبالو ....تما نزلت الطائرة ...و تفتح الباب خرج هو تيدير نضاضر في عينوو ...و نازل عاقدهم و هي من موراها غير كتستكشف بعويناتها بعدا من الراية عرفت راسها باقا في المغرب ...تنهدت بالحمدالله  ...و نزلت بشوية من موراه ... غير نزل عطاوه لي كارد كونطاك ديال لوطو ...غيسوق بنفسو ماشي بسائق ...ابتسام وقفت من موراه مباشرة كتبان صغيرة و سيكسيي بزاااف ...و جات في يدوو ناااضية ... دار بنص دورة يتأكد انها من موراه ...قبل ميرجع راسو لقدام و يتمشا لطموبيلتو لي تفتح ليه بابها ...ابتسام معرفت في تزيد واش تبعو و لا تبقا ...حتى تحل لباب الثاني حداه ...عاد طارت مشات دخلت جلست حداه و كتهبط شوية السايا على ركباتها حيت طلعت ليها و تسد عليها الباب ....فجر مدارش كيشوف في جيهتها و لا عطاها نظرة منو ...و كسيرا بلوووطووو ...طريق كاملة هما ساكتين ...كيانة ديك الحساسية طالعة بخصوص ديك ليلة ...سيغتو من جيهة ابتسااام ... حتى وصلوو لاوطييل سانك ايطوااال  كيطل عى بحر نيشان و على داك الجبيل لي فيه( الله الوطن  ا الملك  ) ديجا كانت  غيزغفي لمسيو فجر ...بمجرد تحطت طموبيلتو تما تسابقو الموضفيين باش يفتحو ليه الباب ...خرج هو ...و دار كيشوف في ابتسام لي كتخرج مبهوضة في كل مرة كتجي فيها معاااه ...تمشا لييها و حط يدو على ضهرهااا ترتعشت مرة الثانية في يدو ...بلاما يدور شوف فيها مرة اخرى ...و زيدها معاااه و غادي بيهم المندجر ديال اوطيل بنفسووو ....و مع ديك الدخلة ديالو  كتشوفي الدريااات ...سوا روسيات سوا عاديااات لي كينين داخل في اوطيل ...راميين عينيهم لهاد الجيهة .. فيها شوكر دادي ا الاخوااان ...اللعاقة باااااينة فيه و الشبعة حاضرة ....كلااوه بعينيهم بدون مراعاة لهادييك لي فيدوو ...و ابتسام مع كانت محرجة و كتبعد عينيها ماامكن عليه قشعتهم وحدة وحدة ... و ماهما جوج ماهما ثلاتة العرارم بهاد المعنى كين منهااا بزااااف ...يطلق ابتسام يجيب عشرة اخرين حسن منها ....اللعاقة دايرا الاخوان راه ماشي زعمة باقا صغيرة راه غيموت على ثراب ديال رجليها ...راه غا لي قدها منهم عداااااد ....و هي عارفة انه بديك الجادبية راه تهيا مسلمتش منوو في لول طاحت فيه ... تطلعوو لسانسور لفوق و يدو مزال على ضهرها ...كتحس بالحرارة طالعة معاها ...تطلعو لغرف الملكية ...تمااا كانت جناح ريزرفي ...و غا سمية جناح ...فاش تفتح الباب و دخلووو ...كان قدااااش ولااا فحال شي ابارطوموووو ...بالاثات و داكشيي فوووق الزاز ...و المنظر كيطل على ديك الله الوطن ا الملك ...دخل فجر و معاه هي ...و مندجر داوطيل كان كيرحب بمسيو فجر ...و ابتتسام غير حالة فمها في هادشي ...قبل ما تصرفق بلاتي بلاتيي ...جابها لهما غا هو و ياها يكما ناويي يرد منها عاهرة دارت مخرجة فيه عينيها بصدمة ...قبل ما ينساحب المندجر و يبقاو راس في الراس ...عاد طلق من ضهرها و دار شاف فيها محيد النضادر و جلس في الفوطوووي