سكر الخمسيني 💜مكتملة 💜

🍫64🍫

💋 سكر الخمسيني 💋
👑oumaima mega 👑
🍫64🍫

سعيدة : وراعي لراسك ابنيتي راك حاملة و مزااال خاصك تبقاي بصحتك تربية راه ماشي ساهلة
ابتسام : متخافيش اماما عليا يلاه تصبحي على خير
سعيدة : تصبحي على خير ....و مشات تبدل حويجها لبست بيجامتها و تخشااات في فراشها عاطية بلحيط ...حطت يدهااا على كرشهاااا لي كتكبر بشوية بشوية ...تبسمت كتحس بيه كيتحرك في كرشهااا ... بقات كتلمس فيين و كتسناه بفااارغ الصبر يتزاااد و تشوفو كيلعب و يضحك قدامهااا ...واخا متخوفة شوية تكون أم بلا راجل ...غتحاول متسوقش و تفادى اسئلة الناس و هدرتهم عليها و على ولدها ....غمضت عينيها كتفكر في عرض داك السي مجيد ....فكرها في الايام لي كانت مع فجر ...اااه فجر كان حلم كبيييير بالنسبة لييها حلم فااقت منوووو حلم زوييين عاشتوووو معاااه ....رغم كلشي لي وقع هي اختارت تحتافظ غا بدكريااات الزوييينة ...و دابا فاقت من داك الحلم و ليني خرجت بقطعة صغيييرة منو في كرشها ...غتقولوو عليها حمقة ...ايه فعلا حمقهااا الحب ...و ليني منساتش واقعها و فين عايشة ...راه بكثرت العار و الحشمة ...كانت بغات تنتاااحر و ليني مقدرتش ماشي شجاعة لديك الدراجة ...حيت الانتحار خاصك ليه شجاعة كبييييرة و تفكريي في الف حاجة ...و هي مسخاتش بروحهاا....بقا ليها حل وحيييد هي تقولها لعائلتها ...حيت للحم لخناااز كيهزوه مااليييه ...هي باش مشات لعندهم و بكات و قالت ليهم بايللا حاملة ...سعيدة جدبت عليها ندبت حناكها ضربتهااا نتفتهااا ...غا الحاجة لي فكتها و حضناتهاااا .... مريم تهيااا تصدمت في ختهااا ...و ديك ساعة قررو يرحلو من تم قبل ماتبان لفضيحة فكرشهااا ...متخلاوش على بنتهم حيت غاديي غير يلوحها للدياااب ...و زيدون راه كانت طريقها لوحيدة باش تعتقهم ...يعني راه تهما مسؤوليين معاها ....و دري لي في كرشهااا خلااوه ليهاااا بغاتووو معندو تا دنب يموووت ... وليني دارو ليها في بالها بايلا خاصها تكون مرااا و قادااا راه تربية دري صغير ماشيي ساهلة و هما راه معاها الا لا قبض الله روحهم لي غتعتامد على نفسهااا ...من بعد بااااعت سعيدة البراكة ...و رحلو من تم جاو لهاد البلاصة تا حد معارفهم شكون هما ولا اش اصلهم لي كيصولوه على ابتسام كيقولو ليه راها مطلقة .... ابتسام المدة لولة كانت غا تتبكيي بليلها بنهارهااا و ليني من بعد نشفووو دموعها خاصها تشمر على دراعهاااا ...و تنوووض تجمع الفلوس على ود ولدهااا ....راه خاصو تسجلوو في حالة المدانية خاصهااا بزاااف ديال المصاريييف ... و الولد نهار تولدو راه دغيا يكبر لببززز ولا دغيا تيطلع 

ايوا صبح الصباااح ....ناضت بسومة ...فطرت معاهم دغيا دغيا زرب زرب ....لبست لباسها ديك القبية و سروال دجييين ...عندهااا خدمة اخرى ....خرجت من الباب و مشااات لوحد القهوى قريبة شوية شعبية ....كيشربو فيها الرجال القهوة ....كتخدم سربايا في قهوة بنهار و سربايا في ليل في البااار ....كتحل لقهوة مع العشرة كيسيقووها كيجيو الرجال تمااا كيعاملوهااا مزيان ....تهيا كتدوز كتضحك  ليهم كيعطوهم فلوووس بالزااايد ... كتدوز على طلبة تما تيحفظو في القهوة تدعي معاهم .... و هاكدا تستمر الحياااة