سكر الخمسيني 💜مكتملة 💜

🍫28🍫

💋 سكر الخمسيني 💋
👑oumaima mega 👑
🍫28🍫

غير سلات خدمتها ...خرجت من تمااا شدت ليها طوبييس نيشااان لعند مدام نعيييمة ...دازت على فيدور لي واقفيين تمااا غمزوها ...شحال معندهاااش معاااهم مكيدوزوووش ليهااا و مكيعجبوووهاااش ....دخلت تمااا لقااات عويتقة بارك يغوت على شي بنااات جداد ...هاد الخانز هادااا متتحملوووش هو يدور لعندهااا

عويتقة : ابتسام جيتيي سيري سيري لشومبر لخرى بلاما دوزي لفيستيير راه داك مسيوووك (و غمزها ) سيفط ليك متلبسيي يكما عطيتيه الحلوة ههههه
ابتسام مغتجوبوش حيت لجوباتو غااا تعير مو و مافيها لي يدابز هاد الساعة تمشي تدير خدمتها و تمشي فحالها حسن ليها دارت منخلاااه و مشاااات لشووومبر و هو تبعهااا ولد الحرام لاصقها ....دخلت لشومبر لقات بزاااف ديال ساشياااات و بيناتهم بوط طويييلة مشات ليهم كتقلب فيهم شنوو هماااا

و عويتقة متكي على طرف الباب : و مهليي فيك هاد خونا
ابتسام بلاما دور عندو : خاصني نبدل باش نمشي هي لا قلبتي عليا هاد الساعة
عويتقة : حاسة براسك ابنت الكاريان يخ تفووو على كنس ...و خرج و سد من وراه الباب ...ابتسام مدتهاش لي اصل مووو ..جبدت من ساشيااات صندوق حلاتو كان فيه سباط طالوون بالكحل باينة فييه ماركة نييت ...جبدت تاني بواط مجوهرااات الماسية ...هي طبعا معرفاش قيمتهم و لكن كانو كيلمعووو بزاااف لدرجة انهم خطفووو عينيها ... تتشوفيهم باعجاب ...و كانت اخر خطوة هي داك الصندوووق لاخييير ....فتحاتوووو بشوية و حلت عينيها كانت ليها كسوة بالحمرررررر ....كسوة زوينة بزاف دوزتها على يديها باينة غااالية و جديدة ...ناضت و طلقتها على طولها كانت قصيرة شوية حد ركبة و معرية من الضهر و من الصدر ...تبسمت كتواعد نفسها ان غدييير ما في جهدهاااا باش تكووون زوينة بزااااف و تخلي طليقة المسيووو تغييير مدااام هادشي لي مطلوووب منها فتقدر تديييرهااا على اقل ترجع غا شوية من وقفتووو معاهاااا

في القصر ديال مسيوو فجر ....في وحد الصالة عريضة و دايريين بيها لي فووطوووي ... البيفي كين بعييد ديال ماكلة واقفين عليه خدم ... و كانو تما خمسة ديال الرجال جالسين ...معاهم سعد الدين ....و أحلام كانت لابسة لبسة حمراا سواغي انيقة بزاااف و مقادها راسها باحسن حلة و جلسة برجل على رجل و مشبكة يديها مع يد خطيبها سمير و مرة مرة كترجع شعرها عاجبة جمالها و دابا هي فرحااانة حيت فعلا تأكدت بلي ديك ختنا ديال البارح غيير مرافقة لا اقل و لا اكثر ...كان جالس قدامها مباشرة مسيو فجر ..وجهوو كان مقصحووو مكيشوفش لجيهتها آبدااا و لكن غير القرمة ديال حجبانوو باينة فيه معصب من هادشي لي كيشووف و معجبوش الحال ...واخا كيبان بااارد و خاتر و جالس جلستو المعاتدة ديال النخوة مكانش عاجبو ابدا يشوف أحلام في دارووو و مع وحد اخر و لابسة لون لي كيعجبووو ...كان مكتفي كيحرك غير الفنجان القهوة لي في يدووو و كيرشف منو رشفات .... و البقية كانو وكيهدرو بيناتهم ...أحلام كانت مستمتعة بهادشي عارفاه دابا غادي ينفاجر في أية لحظة ...هادشي كامل كان في جهة ...و سعد الدين صاحب فجر في جيهة اخرى ...كيفكر في البنت لي خصها تجي شافها مكيناش و بغا يسول فجر عليها و لكن ملقاش كيف يدير ...دخل المندجر ديال فجر ...و جا قال ليه شي حاجة في ودنو ...فجر حرك ليه غير راسو و دار حركة بيدو ... و انساحب المندجر ديالو من تمااا ...احلام مكتحيدش عينها عليهم و هي دور عند سمير