سكر الخمسيني 💜مكتملة 💜

🍫40🍫

ف💋 سكر الخمسيني 💋
👑oumaima mega 👑
🍫40🍫

حتى صبح الصباااح فاقت ابتسام على سونيت ديال تليفونها ...كانت مها هدرت معاها سقساتها على حالها واش كلشي مزيان بخير ..خارطة كتهدر و كتسد في بينوار ديال لغوب ... غا شافت فجر جالس بلباس رياضي تيشرت و سروال كيطمة كيبااات هاااي كلاس و فوق راسو كاسكيط و كيشرب قهوى و محطوط قدامو فطور كامل ديال فندق خمس نجوم ...هز فيها عينو من تحت الكاسكيط ...لقاها شادة تليفون كتشوفيه

ابتسام : نخليك دبا ا ماما عندي خدمة (و طفات عليها و مشات جلست حداه ) صباح الخير سي فجر
فجر : مزيان دابا ؟
ابتسام تبسمت ليه : اه ا مسيو و حتى جدة لي عملتي ليها العملية ديك المرة ولات مزيان شكرا بزاف
فجر حرك ليها راسو بالايجاب : مزيان ؟ دابا وجدي راسك غنمشيو للكولف
ابتسام : كولف ؟

في الساحة ديال الكووولف رياضة محبوووبة الكبااار عشق الملعقين هاد رياضة ميمكنش شي مغريبي لباااااس علييه مكيلعبش ليك الكولف بالاخص البابوات عنوان الرقي و هاي كلاس عندهم .... كانت تماا احلام سمير و شي صحابو... مكانش سعد الدين في ديك اللحظة ... كانو غا هما و كينة توسيمة و كينة سامية ...قبل مايجي فجر هو و سكرتو لي لابسة ملابس رياضية ساية قصيرة و تيشرت ميني بوط و كاسكيط ...و جالسة في العربة ديال كولف ....و ابتسام غا تدور راسها في هاد الخضورة و تتهدر مع فجر و شادة من دراعوو

ابتسام : عمرنييي جيت لكولف في خطرة
فجر كيسوق وداير سيجار في فموو و كيهدر و هو تيسوق : رياضة زوينة كتعجبني
ابتسام بابتسامة كطير كتنقز و هي حداه : بصصصح ؟ هي مفضلة عندك (حرك ليها راسو ايجابا) كنت انا تنشوفها غير في الافلااام ....هو يوقف العربة
سمير : ها فجر جا ... و دارو لجيهتو نازل و هي معاه ....كانت شوية محرجة من الموضوع و لكن تمالكت نفسها و مشات بجرية شدت ليه من يدووو و خشات صباعها الصغار وسط صباعو ...غتهدن و غتصرف عادي عادي عاديي ا ابتسام...هزت عينيها شافت وسيمة و احلام كيطلعوها و كينزلوها ...دابا هي مبقاتش خدامة عند وسيمة تنفست الصعداء و تبسمت ليهم حتى وقفو عليهم

احلام قلبت وجهها جا الوقت لي تبين فيه حنت يدها لهاد البرهوشة ديال القوادس لي عاودت ليها وسيمة فين ساكنة ووضعيتها كيف ديرا ...هزت العصا ديال كولف : انا غنبدا لولة ...و لاحت شعرها من موراها ..و شدت الكورة و لاحتها مطوعاها بمهااارة ....خلات كلشي تيصفق ليها وتتاخد انظارهم
سمير دار عند فجر : شنو بان ليك نلعبو شي طرح ؟
فجر صحح ليه السؤال : شنو بان ليك تخسر ؟
احلام دارت عندو : يلاه ا فجر تفضل نشوفو واش باقي كيفما نتا في كولف ...بدات كتدير وسائلها باش تردو زعمة
فجر رفع فيها حاجبو و سيجار بين شفايفو حيت طريقتها استفزازية طلق من يد ابتسام خلاها واقفة تماا و مشا كيتمشا هز العصا و ضرب الكورة ...جات في حفرتها و دار بنص عين عند احلام و كيهدر بدخان : دورك دابا ...هزت تاني كتلعب بمهارة متعودة هي وياه يمارسو هاد اللعبة من زمااان ...و بقات ابتسام للور واقفة و ضامة يديها كتشوف فيهم كيف منساجميين في لعبة كانو فحال الزوجين تماما ...و جاو مع بعضياتهم بزاااف ...معرفتش ولكن فحالا بدا ميعجبهاش الحااال انها تشوف مع بعضهم ....فحالا حست بالغيرة شوية ...ماشي من احلام انمااا على فجرى ....
حتى جا عندها سمير فيقهاا من غيرتها و داير لعصا فوق كتفوو و قرب ليها : علاش مكتلعبيش ؟