Unicode
"ဒီလိုလုပ် "
"ဘယ်လိုလဲ "
"ငါတို့အကြောင်းကိုလူကြီးတွေမသိအောင်လျှို့ဝှက်ထားရမယ် ကျောင်းကလူတွေလဲမသိရဘူး ဘယ်သူမှကိုမသိစေနဲ့ကွာ "
"Jimin နဲ့ Jungkook သိသွားပြီလေ "
" အဲ့ဒါက .. "
သိသိသာသာကိုတိုးကျသွားတဲ့သူ့အသံလေးကိုကြားရတာ Kim V စိတ်မချမ်းသာဖြစ်ရသည်
စတွဲမည်မကြံသေးဘူး သူ့ကြောင့် Jung Hoseok အကြပ်ရိုက်သွားပြီလားဟူသည့်စိုးရိမ်စိတ်ကဝင်လာသည်
*နေပါအုံး Kim V ဆိုတဲ့ငါကဘယ်အချိန်ကတည်းကအခုလိုတခြားလူအတွက်ဝင်ပြီးစိုးရိမ်ပေးတတ်သွားတာလဲ ကျွန်တော်တော့ခင်ဗျားကိုအတော်လေးသဘောကျမိနေပြီထင်တယ် *
"သိပ်စိတ်ပူမနေပါနဲ့ သူတို့ကိုကျွန်တော်ပြော
လိုက်ပါ့မယ် "
"တကယ်ကို Kim V ကအကောင်းဆုံးပဲ "
ချွဲသည်ဟုမမည်သော်လဲချွဲလိုက်သည့်အသံမျိုးနှင့်ပြောလိုက်သည့်အခါမှာ သူ့ဘက်ကအူယားရပြန်သည်
ကားမောင်းနေတဲ့သူ့အာရုံတွေအကုန်လုံးကိုဘေးက stepbrother လေးကသိမ်းယူပစ်လိုက်သည်
မီးပွိုင့်စိမ်းနေမှန်းသူမသိလိုက်တာကြောင့် နောက်ကစိတ်တိုနေတဲ့ကားတန်းရှည်ကြီးရဲ့ဟွန်းတီးသံတွေစည်ညံစွာထွက်ပေါ်လာတော့သည်
"ဒါနဲ့ကျွန်တော်တို့ကအခုတရားဝင်လူသိမခံတွဲနေကြပြီဆိုတော့လေ ခင်ဗျားလေးကကျွန်တော့ကိုဘယ်လိုခေါ်မှာလဲ "
"ဘာလဲ တရားဝင်ဆိုတရားဝင်ပေါ့လူသိမခံကြီးကဘာလဲ "
"ဟုတ်တယ်လေ ခင်ဗျားပဲလူသိမခံချင်ဘူးဆို "
"ထားလိုက်ပါတော့ကွာ "
"ဘာကိုထားရမှာလဲ လူသိခံရမှာလား "
"အာ မဟုတ်ဘူးလေ တရားဝင်ပဲပြောပြော လူသိမခံပါထည့်ပြောချင်ပြော ရတယ်လို့ပြောတာ"
"ဟားဟား သိပါတယ်ဗျာ ကျွန်တော်နောက်တာပါ အဲ့လောက်လန့်မနေပါနဲ့ "
မျက်စောင်းစူးစူးကသူ့ဆီတည့်တည့်ရောက်လာတော့သည်
သူကလဲရေဒီယိုကလာတဲ့သီချင်းသံကိုသံယောင်လိုက်ပြီး ပြန်ချော့သည့်အလားနှုတ်ခမ်းထော်ထော်နဲ့ဆိုပြလိုက်တော့သည်
