ကြည်လင်သောမြစ် ဆွဲငင်သောပင်လယ်

ကြည်လင်သောမြစ်  ⛱️ ⛱️ ⛱️ ⛱️ ⛱️

🏖️ 🏖️ 🏖️ 🏖️ 🏖️ စွဲငင်သောပင်လယ် ( EP. 7)

ဆေးရုံရဲ့ အရေးပေါ်ကုတင်ပေါ်မှာ  အကျီချွတ်မှောက်ရက်နဲ့ လှဲပြီး ဆေးလိမ်းခံနေတဲ့ Type ကို
Sam စိုးရိမ်တကြီး ကြည့်နေမိတယ် .. .

Chef ထိခိုက်သွားလို့ လာကြည့်ပါအုန်း ဆိုပြီး
ဝန်ထမ်းတယောက် လာပြောတာနဲ့ Sam အမြန်ပဲမီးဖို‌‌ချောင်ထဲ ရောက်သွားရတယ် .. 

ဆီပူတွေ ထိမှန်နေတဲ့ Type ကို ခေါ်ပြီး သူ
အမြန်ဆုံးပဲ ဆေးရုံ ထွက်လာခဲ့လိုက်တယ် ..

" ဆရာ အနာတွေ ဖြစ်နိုင်လားခင်ဗျ "

" အရေကြည်ဖုတွေကိုတော့ မဖောက်နဲ့ဗျ ..

ယားလို့ ကုတ်လိုက်ရင် လက်သည်းကနေ
ပိုးဝင်သွားနိုင်တယ်  ..
အဲလိုဖြစ်ရင်တော့ အနာဖြစ်လာနိုင်တယ် ..
လူနာက ဘာအလုပ်များလုပ်လည်း "

" Chef ပါ ကျတော့်ညီလေးပါ ဆရာ "

" လက်ကို အဓိကထား လုပ်ရတဲ့အလုပ်ပဲ
ဒါပေမယ့် ဒီရက်ထဲ လက်ကို အနားပေးထား
စေချင်တယ် .. 
ဒီအဖုလေးတွေကို အဝတ်မထိစေချင်ဘူး . 
တော်ကြာ ပွတ်မိရင် ပေါက် ဗြဲကုန်မှာ  .. "

" သားငယ်  ထ နိုင်ရဲ့လား "

ဆေးလိမ်းပြီး ကုတင်ပေါ်ကနေ ထလိုက်တဲ့
Typeကို Sam  ကူပေးလိုက်တယ် ..

" ဟုတ် ရပ်ပါတယ် ဆီပူစင်သွားတဲ့
နေရာတွေပဲပူနေတာ လူက ဘာမဖြစ်ပါဘူး "

ဆရာဝန်မှာ‌တာတွေ နားထောင် ဆေးဘာညာ
ယူပြီး Samနဲ့ Type တို့ ဆေးရုံက ပြန်လာခဲ့တယ် .

" အိမ်ပဲပြန်ကြမယ်  "

ကားမောင်းလာရင်း Sam ဆိုင်ကို ဖုန်းခေါ်
လိုက်တယ် .. 

" Hello  အန်တီပန့်  "

" ဟုတ်  ပြီးပြီ အပူလောင်သွားရုံပါ .
Type အလုပ်တော့ လုပ်လို့မရသေးဘူး ..

အဲဒါ  ကိုသူကို မီးဖိုချောင် တာဝန်ယူ
ခိုင်းလိုက်ပါ ..
ကျတော် Type ကို အိမ်လိုက်ပို့ပြီးမှ
ဆိုင်လာခဲ့မယ်.. "

" ကိုသူ တစ်ယောက်ထဲ
အဆင်ပြေပါ့မလား P'Sam "

ကိုသူဆိုတာ Type လက်ထောက်စားဖိုမှုး
သူ့ဘာသာ ဟင်းပွဲတွေ လုပ်နိုင်ပေမယ့်
Type လက်အောက်မှာ ပညာသင်နေဆဲ Chef .