#خلف_الجدران 🖇️
#صفية_نݣات ✨
#الجزء_01
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
بكيت و هل بكاء قلبي يجدي ؟
فراق احبتي و حنين وجدي !
فما معنى الحياة اذا افترقنا ؟
و هل يجدي النحيب فلست ادري !
فلا التذكار يرحمني فأنسى
و لا الاشواق تتركني لنومي
فراق احبتي كم هز وجدي
و حتى لقائهم سأظل أبكي
تعبت أكتم قهر حبي ....
#اقتباس
•
•
•
وسط بيت مظلم و على سرير كبير ، ناعسة و متاخدة وضعية الجنين ، ضامة لصدرها التلفون و مزيرة عليه ، العيا نال منها و النعاس زارها و اخيرا ، ماشي حيت هانية و لكن مهدودة ما تلاش عندها فين تزيد ، مرة مرة كاتخرج شهقة من صدرها كاتكسر الصمت لي عام المكان ...
***
#قبل_عشر_سنوات ..
2011/11/12
بظفيرات طوال واصلين لخصرها و بوزرة مسدودة من فوق منها مونطو مخلياه مفتوح ، المحفظة على كتيفاتها ، راجعة من الثانوية و لي شافتو فطريقها و هي داخلة للحي فين ساكنة كاتلقي عليه السلام ، بحكم كلشي كايعرفها و كايعرف اسرتها ... الابتسامة على شفايفها ما مفارقاهاش ... و الحيوية من عينيها كاتشع ، وصلات لإقامتهم و جبدات السوارت من جيبها ، فتحات الباب و طلعات و هي كاتسمع الهضرة فالدروج ، قدرات تفرز صوت من بين المتحدثين ، كان باباها و لكن ما فهماتش علاش كايهضر معصب !
حنات راسها و لقات السلام و دخلات بلا ما تتلفت ، عارفة باها صعيب و ايلا وقفات حداه يقدر يخبطها خصوصا كاين معاه الغريب ...
حيدات سباطها و علقات طابليتها فبلاصتها ...
... : (بمرح) ماما ! هاني جيييت
... : (قلدات نبرتها بطريقة ساخرة باش تخيي امالها) ما كايناش !
نطق صوت مغاير على لي كانت كاتسناه ، تبسمات واخا هكاك و طللات عليها ..
... : مرمورتي هاني جيت
ميرا : على سلامتك ! غسلي يديك و اجي عاونيني ، ديري شلاضة قبل ما يدخل بابا
.... : فين مشات ماما ؟
ميرا : اينايا باركة من الاسئلة .. اجي سربي
اينايا : و ما تعرفيش تخدمي و تهضري !
غسلات يديها و دورات على نصها فوطة ديال الجلايل عطاتها بالظهر مقابلة مع البوطاجي كاتنقي الخيار و هي تسمعها كاتهضر ..
ميرا : ماما مشات لعند خالتي شوية و تكون هنا
اينايا : ياك لاباس ؟
ميرا : والو باس غير شي سخرة وصلاتها داتها ليها
اينايا : همم .. من الخير و بابا مالو ؟
ميرا : دخل للاقامة كاري جديد ..
اينايا : اهاه و من بعد ؟ علاش غادي يتعصب
ميرا : باقي صغير ، تقريبا عمرو ستة و عشرين هكاك
اينايا : همم كبر مني بعشر سنين
ميرا : عشرة و لا ثمانين نتي اش دخلك فيه
اينايا : غا كانحسب و كان ! بابا مالو معاه دابا
ميرا : و حيت زوفري ما بغاهش يسكن ..
اينايا : صافي فهمت ..
ميرا : و لكن طاح الفاس فالراس دابا .. و هو سنا مع مول الدار الكونطرا
اينايا : و بابا لاش كايضيع الحجرة معاه ؟
ميرا : لا والو غير كايقولو كيفاش يتصرف و صافي .. باش يبقاو خوت و حباب
اينايا : (تبسمات) ايلا كان غير بديك الطريقة هاديك باينة المحبة
ميرا : (حنحنات) باباتي جيتي .. (باست ليه يديه) نحطو الغذا
أنت تقرأ
خلف الجدران (بالدارجة المغربية)
Short Story2021/12/02 📍#ممنوع_النشر 🔐 ماذا أقولُ له لو جاء يسألُنـــــي إنْ كنتُ أكرهُهُ ... أو كنتُ أهواهُ ؟ ماذا أقولُ , إذا رَاحَتْ أصابعـــهُ تُلَمْلِمُ الليلَ عن شَعْرِي و تَرْعَاهُ ؟ و كيفَ أسمحُ أن يدنُو بمقعـدِهِ؟ و أن تنامَ على خَصْري ذ...
