#خلف_الجدران 🖇️
#صفية_نݣات✨
#الجزء_08
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
حلات عينيها مع الربعة ديال الصبح ، شافت جنبها كانت التفاحة محطوطة ، هزاتها و عظامها ضارينها ، جلسات كاتاكل فيها و مخها مبلوكي .. ما قادراش تفكر فشي حاجة ...
كملات و رجعات تكات كاتشوف فالسقف ، كاتسنى ايمتا يطلع الضو و تشوف والديها .
••
فاقت على صوت التقرقيب لي جاي من الكوزينة ... مشات بتتاقل ناحيتها لقات اشراق واقفة كاتقاد فالفطور ..
ميرا : صباح الخير
اشراق : (شافت فيها و هوما يدمعو عينيها ) صباح النور
ميرا : هانا على الناس فايقين يوجدو لبناتهم الفطور
اشراق : كي بقيتي ؟
ميرا : (تنهدات) ما عرفتش ! ما فهمتش ! مخربقة
اشراق : الله يفاجيها عليك . شنو ما درتي حنا غاديين نبقاو معاك و غادي نسندوك (طبطبات على ظهرها)
ميرا : أمين .. (شدات فيديها باستها) ان شاء الله
اشراق : ياله اجي تفطري .. باش نمشيو عند ختك نشوفوها
ميرا : غ غادي تسمح ليا ؟
اشراق : فين عمر اينايا شدات فخاطرها و لا تقلقات من شي حد مننا ؟
ميرا : هاد المرة غير
اشراق : واخا ، انا متيقنة اينايا ما غاديش تهز فخاطرها من جيهتك
ميرا : و نتي ؟
اشراق : (تنهدات) و شنو ندير و شنو نقول ؟ طاح الفاس فالراس و حتى انا غالطة ، ما كانش عليا نتعامل معاها على اساس نسخة منك و نتسنى منها تتبعني .. و تجي لعندي برجليها كان خاصني نشد فيديها (بلعات ريقها و البكية مزيراها) و موصيبة و اشمن موصيبة طاحت على راسنا ، ما لحقنا نهزو رجلينا من حفرة طحنا فماغرق ..
ميرا : ربي يدير شي مسلك ديال الخير و يهز علينا هاد الغمة (هزات يديها للفوق) انا ما بقيت عرفت والو . انيايا طلعات صبارة
صونا تلفونها و هي تقطعو بعصبية و عاقدة حجبانها ...
اشراق : احح الله يسمح لي منها
ميرا : الله يسمح لينا كاملين ..
اشراق : جلسي دابا .. نفطرو و يكون خير ..
دخل عندهم حسين بتتاقل صبح عليهم و جلس حدا بنتو ...
حسين : فين خليفة ؟
ميرا : (بلعات ريقها) مشا ! نزل للدار
حسين : ما موالفاش ليه يخليك بوحدك !
ميرا : عندو شي شغال .. و انا غادي نبقا هنا مطولة داكشي علاش
حسين : هممم من الخير
حطات اشراق الطبسيل ديال المسمن و نطقات مقاطعاه ..
اشراق : سميو الله و سربيو .
ميرا : (تبسمات بذبول) سربيو راها موحشة كبدتها ...
•••
دق فالباب و دخل لعندها ، و اول حاجة جات عليها عينيه التفاحة لي كلاتها ، زادت وساعت تبسيمتو و مشا ناحيتها .. جلس فوق الكرسي بجنبها ..
خليل : صباح الخير .. اليوم 12/11 دازت شهر بالظبط و نتي فهاد الكلينيك واش ما مليتيش ؟ فيقي ؟
أنت تقرأ
خلف الجدران (بالدارجة المغربية)
Short Story2021/12/02 📍#ممنوع_النشر 🔐 ماذا أقولُ له لو جاء يسألُنـــــي إنْ كنتُ أكرهُهُ ... أو كنتُ أهواهُ ؟ ماذا أقولُ , إذا رَاحَتْ أصابعـــهُ تُلَمْلِمُ الليلَ عن شَعْرِي و تَرْعَاهُ ؟ و كيفَ أسمحُ أن يدنُو بمقعـدِهِ؟ و أن تنامَ على خَصْري ذ...
