#خلف_الجدران 🖇️
#صفية_نݣات✨
#الجزء_09
🔏
#🅂🄰🄵🄸🅈🄰_🄽🄰🄶🄰🅃
#𝓘𝓻𝓲𝓼
وقفات قدامو و هو يتبسم ليها ، طلعها من راسها تال رجليها ، جابت ليه الضحكة منين شافها لابسة باربودوز مصوف بحال الدراري الصغار ..
خليل : ياله نطلعو للطموبيل لا يضربك البرد
اينايا : اهاه واخا
فتح ليها الباب و منين طلعات سد الباب وراها عاد مشا طلع حداها من الناحية لوخرا ...
اينايا :(نطقات بتساءل) بغيتيني فشي حاجة ؟
شاف فيها متوتر و مد يديه للكوسان اللور هز منها السلة و عطاها ليها ، كانت عامرة تفاح و وحدة من بيناتهم ملوي عليها شريط احمر على شكل وردة .. تبسمات ليه و شافت فيه بعدم فهم ..
اينايا : مقدرة تقديرك ليا و لحبي للتفاح ، و لكن شنو المناسبة .. ؟
خليل : (نعت ليها فالتفاحة المدورة بالشريط) كولي هادي .. و غادي تفهمي الموضوع ..
اينايا : (هزاتها دايرة ليه خاطرو) اهاه واخا !
شاف قدامو متفادي الشوفة فعينيها باش ما يتوترش و نطق ..
خليل : عارف بلي الوضع خاصو يكون اكثر رومانسية و كدا و لكن جاتني سفرية على غفلة و غذا غادي لفرنسا .. بغيت نمشي و انا يا هاني من واحد الناحية (حط يديه على قلبو و دار شاف فيها لقاها مخرجة عينيها) و لا مقصح !
حبسات المضيغ و هي فاهمة لاش كايرمي .. و فنفس الوقت لمحات شي حاجة كاتلمع وسط التفاحة .. بلعات ريقها بصعوبة و نطقات ..
اينايا : خليل ، شوف نتا راجل مزيان ، ولد الناس محترم و ما تستاهل غير الخير .. و لكن malheureusement الخير ما غاديش تلقاه معاي ، ما كاينش نصيب ..
خليل : ما كانعجبكش و لو شوية ؟
اينايا : (نزلات عينيها فالارض ما قادراش تنكر) اي وحدة غادي توقف معاها و دير غا الربع فلي درتيه معاي غادي طيح فرجولتك و شهامتك ..
خليل : (قاطعها بلباقة) يعني عطينا فرصة .. (حك على قلبو و نطقو بصوت خااتر) عجبتيني من اول نهار تلاقينا و بغيتك .. منين عاود شفتك من بعد هاد الغيبة عاودو حياو نفس الاحاسيس فقلبي .. و دابا ما نقدرش بلا بيك ..
شد فيديها و على شفايفو ابتسامة خفيفة نطق جملتو الاخيرة و عينيه عليها مترقب جوابها ...
خليل : تقبلي تزوجي بيا ؟
سلتات يديها من يديه و هي كاترعد و دلات شفتها السفلية ، ما تنكرش اعجابها و لكن كايبقا ماضيها عقبة فوجهها ما عندها عليها لاين ..
اينايا : سمحلي ا خليل و لكن نتا تستاهل ما حسن ..
خليل : فعيني نتي الاحسن !
اينايا : و لكن نتا ما عارف والو .. و انا ما غادي نقدر نقول والو ..
خليل : و يمكن نسيتي نهار قلت ليك انا فجنبك و معاك واخا يوقع لي وقع .. قلتها و عنيتها ..
اينايا : (حركات راسها يمين و شمال كاتنفي) ما كانظنش ..
خليل : (رد راسو اللور و تنهد) ما كتتش باغي نهضر و لكن انا عارف علاش ؟
أنت تقرأ
خلف الجدران (بالدارجة المغربية)
Historia Corta2021/12/02 📍#ممنوع_النشر 🔐 ماذا أقولُ له لو جاء يسألُنـــــي إنْ كنتُ أكرهُهُ ... أو كنتُ أهواهُ ؟ ماذا أقولُ , إذا رَاحَتْ أصابعـــهُ تُلَمْلِمُ الليلَ عن شَعْرِي و تَرْعَاهُ ؟ و كيفَ أسمحُ أن يدنُو بمقعـدِهِ؟ و أن تنامَ على خَصْري ذ...
