بعنوان: 🔥دُمـيـة الـشـيـطـان🔥 الجزء الأول والثاني ❤
👑نِـعـمـة تحت قيود الـمـاسـونـي👑
بأنامل: 🔥رباب نجمة Rabab Najma🔥
جيتكم كبيداتي بقصة من يديداتي، قصة بطابع مختلف ماتعودتش نستعملو في قصصي....قصة الراوي ديالها هي بطلتها وماشي أنا... قصة غان...
🔥دُمـيَـة الـشّـيـطـان🔥 👑نـعـمـة تحت قيود الـمـاسـونـي👑
بأنامل:🔥رباب نجمة Rabab Najma🔥
__1__
في غرفة مظلمة يسودها السكون والهدوء، تسللات أشعة الشمس باش ضوي المكان وتخليه يولي مشرق ومنعم بالحياة....
فتحات عويناتها الخضراء ذات لون الطبيعة، بنت جميلة ذات سحر لا يقاوم وكيف لا وهي ولدت أنثى متفجرة.....
رفعات أناملها باش ترحع خصلات شعرها الأسود كسواد الليل للوراء وأفكارها كتخبط فبعضياتها كأنها ملاك منهك وخائر القوى....
وقفات من على السرير باش يبان قوامها الممشوق وكرشها العارية والمسطحة وأرداف مغرية وقربات بخطواتها بإتجاه المرآة كتمشى بالمهل، باش تتقابل مع المرآة وتسرح في إنعكاس صورها بتفكير مشغول......
🦋_______بلسان نعمة________🦋
أنا "نعمة" سماتني جداتي الحبيبة، حيت كنت النعمة لي وهبها ليها الله بعدما تخلاو علينا واليديا ومشاو، مشاو بلاما يتلفتوا وراهم أو يفكروا بلي خلاو قطعة منهم كتبكي بألم لفراقهم...... خلاوني أنا وجداتي بوحدنا لا حنين لا رحيم كأننا غرباء مكتربطهم بينا حتى علاقة أو صلة، هما عايشين مفطحين، كينعموا بالثراء فأوروبا وأنا وجداتي عايشين مكرفصين والحياة صعبة بالنسبة لجوج نساء من الطبقة الفقيرة..... الحمد لله حيت قدرت نلقا خدمة ونواكب الجامعة لي كندرس فيها بحيث أنني لتاحقت بالجامعة السنة الماضية وختاريت شعبة القانون باللغة الفرنسية حيت من صغري وأنا كنحلم نكمل قرايتي في فرنسا ونكون محامية مشهورة......
كبرت ودرت تسعة عشر سنة وزيانيت وطواليت وجسدي ولا متفجر بمعنى الكلمة....كانت كل حاجة فيا كتقول بلي هادي أنثى متفجرة....والكل كان طامع في نظرة مني ولكن أنا كنت من النوع لي مكيعجبنيش ندخل في علاقات عابرة لا أساس لها من الصحة.......
الأهم عندي هي جداتي نوفر ليها جميع متطلباتها وها أنا كنحاول نواكب الحياة وصعوبتها.......
دخلت للحمام وغسلت وجهي وسرحت مرة أخرى في المرآة كنشوف في جسدي ذو الصدر الكبير والمؤخرة المستديرة..... متأكدة ان حتى اليوم غانواجه مشاكل بسببهم وغانتلقى كلمات الغزل اللعينة......
خرجت من الغرفة ديالي بعدما خديت الهاتف وشفت التوقيت وتاريخ اليوم كان يوم الإثنين بمعنى بداية جديدة لأسبوع حافل بالأحداث لي صعب نتوقع شنو ممكن يوقع فيها..... كانت الساعة كتشير للسابعة صباحا...تفكرت بلي عندي ساعتين ومن الضروري نغيب الساعة الثانية باش نقدر نلتاحق بالكافيتيريا الخاصة بالكلية لي أنا كنقرى فيها ألا وهي كلية الحقوق ونشرع في المهمة ديالي ومايخفاش عليكم أنني كنخدم نادلة تما.......
وصلت للصالة ديال الدار لي كانت بأثاث بلدي كأي صالة مغربية.... شفت بلي جداتي كتصلي ومايمكنش نقاطعها على داكشي جلست في كرسي كنتسناها تكمل على راحتها.....
