دُمـيـة الشـيـطـان❌نـعـمـة تحت قيود الـمـاسـونـي❌

|16|

🔥دُمـيـة الـشـيـطـان🔥
👑نِـعـمة تحت قيود الـمـاسـونـي👑

بأنامل: 🔥رباب نجمة Rabab Najma🔥

                  _16_

نطقات بدهشة والإحمرار كتاسح خدودها المرفوعة حاسة براسها في كابوس ماشي حقيقة....
نعمة: هذا عقد عبودية ماشي عقد عمل، نت بلا شك خصك تداوا........

جلس على الطاولة الزجاجية بجنتلمانية وأناقته كانت ساحرة للدرجة لي ما خفاتش على نعمة وعينيه ماتزحزحوش من على عويناتها المجبدين ناطق بخفوت ويديه كيدوزهوم بحرارة على كتفها العاري كيتحسس نعومته.........
الشيطان: هذا عقد غايربطك بيا العمر كامل...خصك تولفي على هاد الوضع.......

رفعات عينيها من على الورقة وحققات فيه الشوفة، عينيها لي لمعوا ببريق خاص كتنتاقل بنظرها من عينيه لملامحه لي تجمدات فور ما فهم شنو كتحاول دير.......

زير بقبضته على كتفها العاري ولسعة باردة سرات في ذاتها والألم ختارق كتفها......نطق بصوت حاد وعينيه فعينيها كيتحقنو بالظلام ناطق بسخرية........
الشيطان: ماتحاوليش تقطعي الورقة حيت كتبقى مجرد نسخة مترجمة........

ابتسمت بتحدي حاطة يديها على يديه لي فوق كتفها كتمررها بإثارة وعينيها لامعين بنجوم خفية ناطقة بدلال.......
نعمة: إذن خلينا نقطعوا الأصلية أشيطان روحي......

وفجأة زيرات بيديها غارسة أظافرها الطوال في ظهر يديه مخلية قطرات الدم تبان......

انسحبات من أمامه مبعدة عليه متجهة بسرعة للمكتب كتقلب بين الأوراق على الورقة الأصلية....قلبات في گاع المجورة بدون جدوى حتى وصلات للخزنة........ظنا منها أنه مشغول بيدو وألمها.... لكن هو في الحقيقة واقف مقابل معها كيرمقها ببرود ويديه لي كتقطر بالدم جامعها على شكل قبضة قاسية......

حواجبه مقرونة بغضب والشرار كيتطايف من عينيه.......تقدم نحوها وفلحظة حاصرها بيديه ناطق ببحة رجولية وهمس مميز رافع ساروت الخزنة بين يديه......
الشيطان: كتقلبي على هذا أ دمية الشيطان ؟

غرسات سنانها في شفايفها المنفوخة بغل ناطقة بغيض.....
نعمة: أنا ماشي دمية نت لي شيطان......

تعلات على صباع رجليها باغا توصل للساروت لي بين يديه حتى  لامس صدرها صدرو الفولاذي مشكل ذاك التلامس قرب حميمي بيناتهم........

بلعات ريقها فاش حسات يديه على كرشها كيدوزها بجنون وعينيه فعينيها كيتحقنو بأحاسيس دافئة.......

سهات فسحر عينيه وقلبها كيضرب بوتيرة متصاعدة وخدودها حاسة بيهم غادي يطرطقوا من شدة الحر لي حسات بيه فديك اللحظة........

قرب منها مقبلها على خدها الناعم، ونطق بخفوت....
الشيطان: مكايهمش، الأهم عندي أنك ديالي........

#يتبع.... بأنامل: رباب نجمة 🌸💋