🔥دُمـيـة الـشـيـطـان🔥
👑نِـعـمة تحت قيود الـمـاسـونـي👑
بأنامل: 🔥رباب نجمة Rabab Najma🔥
_19_
في حي شعبي "هادئ"...معقول يكون "هادئ" أكيد لا بل بالعكس تماما، حي فيه الرواج والحركة من طرف سكانه لي كيختالفوا على بعضياتهم من شخص لأخر، كاين لي غادي حادر راسو ماباغي يتكلم مع حد وكاين لي شاد الجماعة شحال من ساعة كيضيع في الوقت بلا نفع، وكاين لي مريح في راس الدرب حاضي الغادي والراجل بلا ملل ولا كلل والنهار هاهو دايز بلا حتى شغل......
لكن الحال كان مختلف عند السيدة أصيلة لي كانت مشوشة على حفيدتها نعمة وقلبها مامطمنهاش رغم المكالمة لي استقبلاتها من طرفها كطمنها عليها وكتخبرها أنها عند صديقتها، لكن قلب السيدة الحنون مكانش مرتاح لشنو واقع حيت نعمة ماشي من النوع لي عندو الأصدقاء بل بالعكس نعمة من النوع دالفتيات لي ماكيثيق فحتى شي شخص لا فصديقات ولا في عائلة كثيق في راسها وفي جدتها بعد الله طبعا، نعمة عايشة بمبدأ الشك وهادشي لي كيخليها ماشي بحال باقي الفتيات بل وحيدة كالقمر،......
داز الوقت بزاف وهي جالسة في مكانها المعتاد فوق سجادتها المخصصة للصلاة كتسبح وكذكر الله حفيدتها تبدلات عليها بزاف في الثلاث أيام الأخيرة كأن شي حاجة واقعة ليها وماقادراش تصارحها........
لعنات الشيطان أو وقفات غادية ناحية المطبخ طفات على المقراج لي كانت دايرة فوق البوطة، عمرات سطل صغير بالماء ودفاتو بماء بارد من الروبيني واتجهات للحمام كتجدد الوضوء رغم أنها مزالة على وضوء........
قررات تخرج رغم توصيات حفيدتها باش ماتخرجش من الدار ولكن كيف ماكان الحال كتبقى إنسان كيقطن ولا قنطة تحت رحمة الله....... لبسات جلابتها وقادات درتها وخرجات سادة الباب من وراها.......
تمشات على طول الحي لي كتسكن فيه وهو نفس الحي الشعبي لي كيختالفوا فيه الأشخاص اللي متواجدين فيه.....مرات من حدى بعض النساء لي شادين جموع في لي غادي وجاي حتى استوقفات إحدى النساء لالة أصيلة......
نطقات ديك المرأة حاطة يديها على خصرها كتمضع المسكة وكتعوج مطلعة حاجبها بغرور وكترمق لالة أصيلة بنظرات متفحصة لشنو لابسة وفضولية.....
المرأة: وأنا كنقول أشنو غريب في الدرب لالة أصيلة كلها فيه وحنا مافراسناش عند بالنا واش رحلتي ولا متي بوحدك فديك الدار......
ضحكوا العيالات لي ناشرين رجليهم حداها بسخرية وتكلمات لالة أصيلة بعدم إهتمام.....
لالة أصيلة: شكون نتي بعدا لي موقفاني ومضيعة ليا وقتي إلا كنتي نتي مسالية قبك ماعندك هم أنا ماشي بحالك وقتى عامر......
كملات لالة أصيلة طريقها بلاما تلتافت لجيهتهم مخلية المرأة كتقلى في سمها وتمشات بإتجاه الصيدلية خدات الدواء لي خاصها ورجعات بحالها لدارها وقلبها كيحرقها........
في طريقها ماقدراتش تصبر على الألم لي استوطن قلبها وتكات بيديها على الحائط حاسة بالألم حتى شد فيديها شاب في عقده الثلاثين ذو هيأة أنيقة وتكلم بقلق....
الشاب: مي أصيلة ياك لاباس أشنو عندك ؟
شافت فيه لالة أصيلة وتكلمات بعدما خدات أنفاسها ناطقة...
لالة أصيلة: لا أولدي شي باس ما كان غير قلبي ضرني شوية ولكن دبا يفوتني الحال غير نشرب الدواء......
رفعات يديها كتوريه الدواء لي شرات وتكلمات مكملة كلامها....
لالة أصيلة: هادشي وقعليا حيت تعطلت ماشربت الدواء الله يرضي عليك أولدي هشام.....
تكلم هشام ببشاشة.....
هشام: علاش نعمة نسات ماشراتو ليك ؟ العجب مولفة ديما هي لي كتمشي تجيبو.....
تكلمات لالة أصيلة بهدوء مكملة طريقها....
لالة أصيلة: الساعة لله أولدي هشام البنت تشغلات بقرايتها معذورة......الله يهنيك هاد الساعة.....
دخلات لالة أصيلة لدارها وخلات هشام كيفكر في نعمة وسبب غيابها.....
#يتبع..... بأنامل: رباب نجمة 🔥 رأيك ألغزالة ؟👠
أنت تقرأ
دُمـيـة الشـيـطـان❌نـعـمـة تحت قيود الـمـاسـونـي❌
Romanceبعنوان: 🔥دُمـيـة الـشـيـطـان🔥 الجزء الأول والثاني ❤ 👑نِـعـمـة تحت قيود الـمـاسـونـي👑 بأنامل: 🔥رباب نجمة Rabab Najma🔥 جيتكم كبيداتي بقصة من يديداتي، قصة بطابع مختلف ماتعودتش نستعملو في قصصي....قصة الراوي ديالها هي بطلتها وماشي أنا... قصة غان...
