بعنوان: 🔥دُمـيـة الـشـيـطـان🔥 الجزء الأول والثاني ❤
👑نِـعـمـة تحت قيود الـمـاسـونـي👑
بأنامل: 🔥رباب نجمة Rabab Najma🔥
جيتكم كبيداتي بقصة من يديداتي، قصة بطابع مختلف ماتعودتش نستعملو في قصصي....قصة الراوي ديالها هي بطلتها وماشي أنا... قصة غان...
🔥دُمـيـة الـشـيـطـان🔥 👑نِـعـمة تحت قيود الـمـاسـونـي👑
بأنامل: 🔥رباب نجمة Rabab Najma🔥
_28_
بقات مدة من الوقت تما حتى بدات أذانها كتلتقط صوت الخطوات كيقرب من المكان لي هي فيه.....قلبها تهز فاش سمعات صوت الفاز تخبط مع الأرض....... جمعات رجليها عندها وغمضات عينيها بخوف كطلب الله في الداخل ديالها.... كطرح مجموعة من التساؤلات....
شكون هادوا؟ وعلاش جاو للشقة لي هي فيها وشنو بغاو عندها بالضبط؟ واش هادشي عندو علاقة بداكشي لي ضار بين الشيطان ودوك الناس في الصباح......
بلعات ريقها وتنفسها أبدا مابقاش منتاظم.... ماحسات غير بالباب الخفي تحل عليها ولقاوها.....
ابتسم داك الرجل وهو كيشوفها مكمشة في راسها ميتة بالخلعة.....ونطق بهمس خبيث.... الرجل الآسيوي: خسرتي لقيتك.... الغزالة مكتعرفش تخبا مزيان......
عطا إشارة لرجالوا وجروها بعنف وهي كتركل خرجوها للصالة ودفعوها بقسوة حتى تضربات جبهتها مع الحرف ديال الطبلة..... علات عينيها بالشوية فيهم وزادت وسعاتهم فاش لاحظات بلي هازين السلاح فوجها......
نطق الرجل بخبث..... الرجل: بغينا جسدك ألغزالة.....
علات عينيها بالشوية فاش لاحظات دخول الشيطان....داخلها فرح وهي كتشوفوا داخل باش ينقذها.... هو سبيل نجاتها وهو بطلها في هاد اللحظة....مابغاتش تكون هادي هي نهاية لقاؤهم بجوج في هاد الحياة......
بدات كتتراجع للوراء كتقرب بخطواتها ناحية الشرفة وعينيها معلقة بعينيه الزرقاويتين..... كان خايف عليها بزاف هاز فيديه السلاح مصوبو مباشرة بإتجاههم هما لي أخيرا ردو ليه البال....
نطق بصوت قوي بحال الرعد..... الشيطان: نزلوا سلاحكم حسنليكم وإلا الشاف ديالكم غايموت.... إلا تقاست شعرة وحدة منها كنقسم ليكم بلي غانخليكم شياطة للكلاب لي بحالكم... نزلوووا سلاااحكم قلت......
ابتسم الرجل نفس الإبتسامة وعينيه على نعمة ناطق.... الرجل: ماكنتش متوقع أن الشيطان غادي يبغي من جديد بنت غزالة بحال هادي.... ولكن مغاننكرش بلي ذوقك زوين بزاف كيليق بالشيطان..... ولكن مع الأسف هاد الحب ديالكم مغاكملش غير ودعها وحيت أنا ظريف غانخليك تلحق عليها.......
شافت فيه راسمة إبتسامة عذبة ونطقات بعبوس ودموعها مغرقة عينيها....... نعمة: أنا فرحانة بزاااف حيت عشت مغامرة بحال هادي مع شخص غامض بحالك... نت خليتيني نعرف بلي الحياة ماشي كيف كيحسابلي بل كتستحق المغامرة......يمكن نقدر نقول بلي من ديما كنت نعمة ولكن دبا أنا....
وبحركة سريعة رجعات بالوراء باش طيح من الشرفة.......كانت نعمة كتحلق في السماء مودعة هاد الحياة وعينيها لامعين ببريق جميل وحزين في نفس الوقت.....سعيدة حيت تعرفات عليه وكان أخر شخص غاتشوفوا.......
#يتبع... بأنامل: رباب نجمة 🔥مشهد إنتحار🖤
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
