🔥دُمـيـة الـشـيـطـان🔥
👑نِـعـمة تحت قيود الـمـاسـونـي👑
بأنامل: 🔥رباب نجمة Rabab Najma🔥
_9_
ليلة هادئة.. شخصيات معقدة.. بقدر مجهول..🔥
وقفات لالة أصيلة بهلع وخوف وهي كتشوف من خلال النافذة لي كتوسط حائط الصالة سيارة سوداء فخمة منطلقة بسرعة مخلية من وراها العجاج وحفيدتها الوحيدة خائرة القوى..
خرجات بسرعة من المنزل مستقبلة حفيدتها لي واقفة بصعوبة كتتنفس بشكل غير منتظم....مخلوعة وخايفة عليها........
_بلسان__نعمة 🖤
الطريق كانت طويلة وهادئة لكن في الداخل ديالي كانت عاصفة قوية وأفكاري مخربقة ومشوشة.... ماعارفاش الوجهة بالضبط حتى بانتلي حومتي عاد رتاحيت......
نزلت من الطموبيل وماكانت غير ثانية حتى غادرات مخلياني موراها....تقدمت بخطوات بطيئة متمهلة ولمعة الشوق في عينيا فاش شفت جداتي الحبيبة....
إبتسمت بحب والضعف تملكني فديك اللحظة ماحسيتش براسي حتى ترميت فحضنها ودموعي كتنزل بغزارة.....
علاش مانبكيش؟ وأنا من لما حليت عينيا فهاد الدنيا وأنا كنعيش غير المرار والصدمات في حياتي أكثر من لحظات السعادة والفرح واش مامنحقيش نهنأ بالقليل من الفرح؟
دخلنا للدار لي توحشتها بلا قياس...سهيت في أركانها وأنا كنتذكر لحظاتي فيها حتى حسيت بيد جداتي على كتفي وسؤالها المفاجئ لي خايفة يتطرح عليا......
أصيلة: بنتي فين كنتي وشهاد التعطيلة ؟ من المفروض تكوني هنا من شحال هادي شنو لي عطلك حتى لهاد الوقيتة من الليل؟ تشوشت عليك بزاف......
بلعت ريقي كنحاول نفكر فشي كذبة بيضة نغطي بيها على سبب غيابي لكن مالقيت أمامي غير كذبة سوداء......
ضرت عندها راسمة إبتسامة مزورة وخديت يديها بين يديا كنطمنها....
نعمة: جداتي الحبيبة راكي عارفة الخدمة مكتساليش واليوم كنت مضطرة نزيد السوايع باش هكا نتخلص مزيان......
تكلمات جداتي غير مقتنعة بالجواب ديالي وعلامات الإستفهام مالية ملامحها....
أصيلة: ولكن أبنتي كان عليك تتاصلي بيا وتعلميني راه خليتيني مهولة عليك.....وديك الطموبيل الكحلة ديالمن ؟
قلبي تقبض عليا والعرق بدات كتصبب على جبيني بخوف.... ابتسمت بصعوبة كنهرب عينيا من عينيها.......
نعمة: الطموبيل....أه هادوك الناس غير سولوني على شي عنوان ماعرفوش فين جا وأنا عاونتهم باش يلقاوه وصافي.....
هزات راسها بالإيجاب واتجهت جداتي للكوزينة بعدما اقتنعت بهضرتي ونطقات من داخل الكوزينة....
أصيلة: بنتي سيري لبيتك غسلي حالتك وبدلي حوايجك وأجي تعشاي راني وجدت على قبلك الحريرة لي كتعجبك......
تنفست الصعداء ومشيت لغرفتي دخلت وسديت الباب ودخلت مباشرة للحمام....خديت دوش وغيرت حوايجي.... بقيت بالرداء الخاص بالحمام وخرجت للبالكون.....
#يتبع.... بأنامل: رباب نجمة 🖤✨🔥
أنت تقرأ
دُمـيـة الشـيـطـان❌نـعـمـة تحت قيود الـمـاسـونـي❌
Romanceبعنوان: 🔥دُمـيـة الـشـيـطـان🔥 الجزء الأول والثاني ❤ 👑نِـعـمـة تحت قيود الـمـاسـونـي👑 بأنامل: 🔥رباب نجمة Rabab Najma🔥 جيتكم كبيداتي بقصة من يديداتي، قصة بطابع مختلف ماتعودتش نستعملو في قصصي....قصة الراوي ديالها هي بطلتها وماشي أنا... قصة غان...
