🔥دُمـيـة الـشـيـطـان🔥
👑نِـعـمة تحت قيود الـمـاسـونـي👑
بأنامل: 🔥رباب نجمة Rabab Najma🔥
_20_
🌺عند_____نعمة🍷🔥
جالسة على حجرو كتشوف فيه وهو بدورو كيشوف فيها من ملامحها ظاهر أنها غير مرتاحة لهاد الوضع بل متضايقة وجالسة بزز منها........
نطق أخيرا ببحته الرجولية تلك لي كتخلي نبضات قلبها تتسارع والفراشات يلعبوا داخل بطنها.....
الشيطان: غادي تولفي أ الغزالة على هاد الوضع......تيقي بيا غايعجبك الحال معيا بزاف.....
ضحكات نعمة بصوت مسموع وفور ماتوقفات على الضحك كتشوف فيه بنظرات جريئة ومثيرة مبتاسمة ليه ابتسامتها الساخرة.....
نعمة: كتحلم مستحيل نستمر معك على هاد الوضع.....
وسع إبتسامته وخداها بين يديه حاطها على السرير واخد خصلة من شعرها مستنشق عبيرها بعمق ونطق قبل ما يخرج.....
الشيطان: غادي نستامروا بجوج لديما.......
غير خرج ابتاسمات نعمة بإرتياح وطمأنينة...متكية على السرير كتكسل وحاسة براسها غادي طير من الفرحة لي اجتاحتها....
تكلمات بخفوت موسعة ابتسامتها..
❣️نعمة: أخيرا غانتهنا من هاد المهزلة...
رجعات عبسات ملامحها كتفكر فاللحظات لي عاشتها معاه في الأيام الأخيرة وفي الأوقات الغريبة لي جمعاتها بيه..... تمادات بتفكيرها وبحركاتها رافعة يديها لشفايفها كتفكر في قبلاتوا لي كانوا حنانين وأطيب من العسل... حيدات يديها أو وقفات على رجيلاتها الحافية ناطقة بهدوء مزيف مسكتة قلبها لي ضرب فور ماتفكرات لحظاتها معاه.. وهزات كتيفاتها بلا مبالاة..
نعمة: هاد الحياة ماشي ديالي... ما مفروضش عليا نعيشها مع واحد كنعرف عليه غير سميتو، فكرة انني نكون الدمية ديالو مانقدرش نستحملها،...مايمكنش نبقى هنا مزال... هادي هي الفرصة فين خصني نقلب على ديك الورقة ونهرب من هنا قبل ما نزيد نوحل هنا.. أكيد هو جابها معاه لهاد الشقة....
خرجات من ديك الغرفة وقلبها كيضرب بوتيرة متصاعدة، خرجات بإتجاه أي غرفة بانت أمامها دخلات لواحد الغرفة لي اتضح أنها مكتب خاص بيه..... دخلات وبدات كتقلب في المجورة وأي بلاصة ممكن تقلب فيها........ لكن مالقات والو......
تكلمات بإحباط مخاطبة نفسها....
نعمة: اوف على زهر، أكيد ماجابهاش لهنا بقات في ديك البلاصة لي كنا فيها علاش سخفت علاش كون راني عرفت ديك البلاصة لي كنا فيها..... ماعنديش حل أخر من غير أنني نهرب من هنا ونمشي بزربة للدار ونرحل أنا وجداتي لشي دار أخرى، مستحيل نخليه يتزوج بيا مستحيل......
خرجات نعمة من الشقة.. ولكن لقات راسها في حي خارج المدينة سولات راسها فين موجودة هي لي قدامها مجرد خلاء، لقات راسها كتمشى فالخلا والشجر ضاير بيها من كل مكان....
نعمة: الله يا ربي واش راني واحلة وسط غابة...خصني ضروري نلقى الطريق لي غايديني للمدينة..
تمشات بين الشجر وقلبها كيضرب خايفة تخرجليها شي مصيبة كحلة توحل معها...
نعمة: الله يا ربي فين جايبنا هذا...شيطان خبيث كنكرهو....
كملات طريقها كتقلب بعينيها على سبيل النجاة...ونطقات بعصبية....
نعمة: شيطان كفاش قدر يفكر يجيبني لبلاصة بحال هادي معلوم نتوقع منو أي حاجة شيطان وأفكاره شيطانية بحاله.......
#يتبع..بأنامل: رباب نجمة 🔥🖤
أنت تقرأ
دُمـيـة الشـيـطـان❌نـعـمـة تحت قيود الـمـاسـونـي❌
Romanceبعنوان: 🔥دُمـيـة الـشـيـطـان🔥 الجزء الأول والثاني ❤ 👑نِـعـمـة تحت قيود الـمـاسـونـي👑 بأنامل: 🔥رباب نجمة Rabab Najma🔥 جيتكم كبيداتي بقصة من يديداتي، قصة بطابع مختلف ماتعودتش نستعملو في قصصي....قصة الراوي ديالها هي بطلتها وماشي أنا... قصة غان...
