🔥دُمـيـة الـشـيـطـان🔥
👑نِـعـمة تحت قيود الـمـاسـونـي👑
بأنامل: 🔥رباب نجمة Rabab Najma🔥
___6___
ضرت عندو بسرعة وشديت من قميجتو وعينيا مغرقين بالدموع الشيئ لي خلا شعري يلصق على خدودي الوردية.....
خرجات شهقة رقيقة من ثغري باش تخرج من موراها كلماتي المتوسلة......
نعمة: نت فاهم الموضوع غلط اقسم بالله مكنعرفك أخويا هانتا تأكد ماخاسر والو هئ هئ والله ما أنا البنت لي كتظن... أنا غير نعمة بنت مي أصيلة والله العظيم ما أنا البنت لي كتهضر عليها أصلا أول مرة نشوف واحد بحالك والله عمرني شفت بحالك فحياتي.........
سكت كنتاظر يحن قلبو فيا ويتفهمني حتى هز حاجبو مستغرب من كلماتي ونطق بقسوة وعينيه رجعات جغمة من الدم.....
الذيب: مستحيل تعاودي ديريها بيا....عيونك البريئة مغاتشفعليكش هاد المرة...... قلتليك حيدي حوايجك سربي......
فتحت فوهة فمي بصدمة وبديت كنرجف من الخلعة كفاش حيدي حوايجك واش جاتو ساهلة أنا الحمام وماعمرني مشيتلو غير باش مانحيدش حوايجي وهو كيقولي حيديهم ببساطة....... رفعت عينيا فيه كنحاول نتوسلوا بنظراتي لكن هو كان كيرمقني بقسوة.......
مانقدرش نحيدهم مستحيل شنو غاندير دبا......دورت عينيا في الغرفة باش تبانلي نافذة متوسطة ومفتوحة... كانت بمثابة نافذة أمل بالنسبة ليا....... مشيت كنجري بإتجاهها باغا نقز اللهم نخسر حياتي ولا شرفي......
يلاه غانقز وهو يجرني بعنف حتى غوت لله لي خلقني بألم فضيع خاصة أنه خشا أصابعه في شعري ورماني فوق النموسية........
زير على فكي بيديه ونطق بغل وعينيه حمرين بحال جغمة ديال الدم.....
الذيب: مستحيل نخليك تخسري حياتك طول مانتي ديالي مستحيل...... منين مابغيتيش تحيدي حوايجك بوحدك إذن خليني نعاونك وتحملي العواقب غاتندمي على خيانتك ليا أ كارمن غانخليك تموتي ألف مرة في النهار.........
خشا وجهو في رقبتي وبدا كيقبل فيها بقوة وعنف مخلي علاماته عليها وأنا غير كنبكي وندفع فيه لكن كان أقوى مني....
الأنثى مهما كانت ضعيفة وذات شخصية هادئة ولطيفة في لحظات من حياتها كتخرج شخصية أخرى مكتعبرش عليها من الخارج ولكن كتعبر على أحاسيس دفينة في الداخل ديالها......شخصية نرجسية، متمردة، قوية، صلبة، مكترضاش بالهزيمة أو الذل.......والذل هو هاد الأخير لي كتعرضليه نعمة.....
وسعات عينيها في سقف الغرفة كتحس بمشاعر حارقة داخلها ماهي إلا مشاعر الغضب والثوران..... نعمة كتقسم بالإله الخالق أنه مستحيل تخلي شي شخص يلوث جسدها وخا ماعرفت شكون يكون....بصح جسدها ممكن مايكونش طاهر وقلبها مايكونش نقي ولكن مادامها عذراء ومبادئها شريفة فمستحيل تخلي شي واحد يلوثها.......
رفعات أناملها ذات الأظافر الطويلة لبرهة كتشوف فيهم قبل ماتتمرد وتغرسهم في رقبته البيضاء مخلي قطرات الدم الثائر يوسخ بياض بشرة رقبته......
والقوة لي امتلكاتها في ديك اللحظة كانت قوة ممنوحة من عند الخالق هكذا ظنات نعمة.... خلاتها ديك القوة تدفعوا بكل جهد امتلكوا جسدها وبدون تفكير تاخد الكأس بين يديها ضارباه مع الحائط حتى تشتت الزاج..... واخدة ديك القطعة الزجاجية الحادة بين يديها مستعدة تشوه جلده إلا قرب منها........
قرب منها بهدوء والإبتسامة الخبيثة على شفتيه وملامحه كانت قاسية وحادة..... دوز أنامله على لحيته ناطق بمشاكسة.....
الذيب: الظاهر أنك وليتي شرسة...أشنو هاد التغير الجدري أ كارمن ؟
رفعات القطعة بين يديها كتهددو من الإقتراب ليها ناطقة بغل وبصوت أعلى وصدرها كيطلع وينزل بإغراء......
نعمة: نعمة نعمــةة هادي لي قدامك إسمها نعمة ماشي كارمن....لعنة الله عليك وعليها......أنا مستحيل نشبه لهاد كارمن لي كتدوي عليها أنا نعمة مكنشبه لحتى وحدة كيف ما بغات تكون........أنا إستثنائية🔥
#يتبع.........
أنت تقرأ
دُمـيـة الشـيـطـان❌نـعـمـة تحت قيود الـمـاسـونـي❌
Romanceبعنوان: 🔥دُمـيـة الـشـيـطـان🔥 الجزء الأول والثاني ❤ 👑نِـعـمـة تحت قيود الـمـاسـونـي👑 بأنامل: 🔥رباب نجمة Rabab Najma🔥 جيتكم كبيداتي بقصة من يديداتي، قصة بطابع مختلف ماتعودتش نستعملو في قصصي....قصة الراوي ديالها هي بطلتها وماشي أنا... قصة غان...
