بعنوان: 🔥دُمـيـة الـشـيـطـان🔥 الجزء الأول والثاني ❤
👑نِـعـمـة تحت قيود الـمـاسـونـي👑
بأنامل: 🔥رباب نجمة Rabab Najma🔥
جيتكم كبيداتي بقصة من يديداتي، قصة بطابع مختلف ماتعودتش نستعملو في قصصي....قصة الراوي ديالها هي بطلتها وماشي أنا... قصة غان...
🔥دُمـيـة الـشـيـطـان🔥 👑نِـعـمة تحت قيود الـمـاسـونـي👑
بأنامل: 🔥رباب نجمة Rabab Najma🔥
_15_
نعمة قطبات حاجبيها بتخنزيرة وبسرعة انقضات عليه ملوية يديها على عنقو في قبضة قوية ناطقة بغضب....... نعمة: ماتذكرش سمية جداتي على فمك، وماتبقاش تهددني بيها......
ابتسم بهدوء حركتها تلك ماحركات فيه حتى ساكن...هي ضعيفة على أنها تخنق واحد بالهيأة الجسمانية لي كيمتالك......هو تدرب بزاف ومارس رياضات كثيرة واعتنى بجسمو وصحتو بزاف حتى ولا سيد برجولة طاغية فكيف ممكن لكتلة أنثوية رقيقة وناعمة تخنق شخص بحالو...... مغاينكرش بلي تأثيرها قوي عليه...... ديك النظرات الموبخة وملامحها الملائكية شفايفها المنفوخة حد اللعنة...... أنوثتها لطيفة لطف خالص ماسبقش ليه صادفه في حياته.........
كانت أنفاسها كتضارب وقلبها كيضرب بقوة فحين هو سارح في تفاصيلها وفجمالها لي لا يقارن بغيره......رفع يديه ليديها واخدها بين يديه بسهولة الشيء لي عصبها وخلاها فدوامة غضب لا متناهية......
الإبتسامة ديالو كانت أرخص حاجة قابلاتها في حياتها كانت كتعصبها وكتخلي دمها يغلي.... كيفاش هي معصبة أو واصلة بيها للعظم وهو كيبتاسم مرتاح....... نطق عاض على شفته السفلية بإغراء...... الشيطان: معجب بهاد الجرأة والتمرد لي كيحضر في شخصيتك من وقت لأخر...... شخصيتك مزيج بين الشجاعة والخوف.... وهادشي لي جذبني فيك.....
زاد زير على يديها حتى تألمات وكمل كلامو..... الشيطان: ولكن نتي بهاد الحركات كتماداي وكتخلي الشيطان يتعصب وإلا تعصبت مغانرحمكش أنعمة....
قرب منها مقبلها على جبينها ويديه كيزيروا على يديها حتى تأوهات نعمة بألم....... الشيطان: من الأحسن تكوني مطيعة وتجنبي غضبي وتلتازمي بداكشي لي موجود في العقد متافقين أحياتي.........
ماحسات غير بنفسها تقلبات بالكامل دايرة دورة بجسدها باش يحط يديه على رقبتها من الأمام وهي عاطياه بالخلف وزاد زير على رقبتها مخليها تألم بصوت مرتفع....... الشيطان: ماتختابريش صبري أ نعمة ولتازمي بالبنوذ لي بيناتنا.... من الأحسن تكوني دمية مطيعة.......
دور وجها عندو وقرب منها عاض على شفتها السفلية غارس أسنانه فيها ناطق بحدة..... الشيطان: مفهوم!
وقفات بصعوبة كتنين بألم تاركة دموعها تنزل بغزارة....كيفما كان الحال نعمة ضعيفة ماتقدرش تتحمل القسوة هادي طبيعتها كأنثى.........
جرها بقسوة من يديها مجلسها على الكنابي بالجهالة وجلس أمامها حاط بين يديها ورقة ونطق بأمر..... الشيطان: قراي.....
هزات راسها كتشوف فيه بتساؤل وفضول فحين هو كمل كلامو بهدوء...... الشيطان: الورقة لي وقعتي عليها مترجمة.... باش تعرفي حدودك من هنا لقدام أ الغزالة.......
بلعات ريقها مرجعة راسها للأمام وأصابعها كيرجفوا على ديك الورقة......حركات شفايفها بصعوبة باغية تقرى وشعرها لصق على وجها إثر قطرات العرق.... نعمة: عقد عمل بين السيد العالمي والسيدة نعمة بن الحفيظ،.....عقد مضمونه خدمة السيدة نعمة بن الحفيظ للسيد العالمي ومرافقته خلال كل أعماله ومن تم وجب عليها تنفيذ أوامره وعدم التدخل في حياته الشخصية والعملية........،وإذا خالفت البنوذ أعلاه فإنها ستعاقب بتركها للدولة القاطنة بها حاليا وتسديدها لمليار درهم للسيد العالمي وإرغامها على قطع صلتها بجدتها أصيلة العيساوي.......عقد عمل "دمية الشيطان"..........
نطقات بدهشة والإحمرار كتاسح خدودها المرفوعة حاسة براسها في كابوس ماشي حقيقة..... نعمة: هذا عقد عبودية ماشي عقد عمل، نت بلا شك خصك تداوا........
#يتبع... بأنامل رباب نجمة🔥 كبيدات هادوا أجزاء الليلة بغيتكم تكثروا من جادوغ وتخليو أراؤكم وتوقعاتكم ومرحبا حتى بإنتقاداتكم ماتنساوش بغيت إشهارات يهزوا القصة 😊😘
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
