أنت بتحب؟
عاصم... مالك يابت؟ ايه اللي بتقوليه ده؟
صفا... دا انت مكنتش تعرف يعني ايه كلمة حب، دلوقتي بتوصفه؟ مايقولش الكلام ده، وميطلعش إلا من واحد عنده مشاعر
عاصم... هو عشان اتكلمت عنه شويه يبقى بحب؟
صفا... حبيبي ماهو مش معقول مرة واحدة واحد مايعرفش الألف من كوز الدرة في الحب وييجي دلوقتي ويتكلم عنه واعديها عادي الا إذا وقعت يابرنس ومحدش سمي عليك قوللي هي مين؟
عاصم... بألم حقيقي.... إنسى ياصفا مستحيل..
صفا.... مستحيل أي قوللي؟ أنا أختك ياعاصم، قوللي ماتخبيش عليا
عاصم... البنت دي حلم بعيد أووي أوووي، مستحيل أقدر أوصلها بعيده جدا عني
صفا... ليه هي مين وبنت مين؟
عاصم.... شفتي أول حاجة سألتي عنها قولتي هي بنت مين؟ لكن ياصفا البنت دي عادية مش بنت عيلة ولا حاجة.
صفا... قصدك إيه؟
عاصم... فاكره البنت بتاعت الصبح؟
صفا... تقصد مين؟ أي بنت؟ أنا قابلت بنات كتيير الصبح
عاصم... بحب وهيام... البنت بتاعت الفل، فاكراها؟
صفا.... بصدمة... إنت بتهزر، إوعي تقوللي إنك بتحب دي؟ لا ياعاصم مستحيل ، وبعدين يابني هو انت شفتها غير الصبح؟ إلا إذا إنت تعرفها؟
عاصم... مالك ياصفا ؟لو مش عارف إنك أخر حاجة بتفكري فيها الشكليات مكنتش حكتلك، مالك النهاردة، اه ياستي بحب دي، وقلبي مختارش إلا دي، أنا مش بس بحبها دا أنا بعشقها
صفا... تعرفها منين ياعاصم؟
عاصم.....ياه من تقريبا أكتر من سنة ونصف
صفا... بصدمة... سنة ونصف؟، أنا مش فاهمة حاجة
عاصم... بحب مخلوط بالحزن.... أما بعشقها وأوي أوووي ياصفا، تعرفي لو اتجوزت حد غيري أنا أموت
صفا... بشفقة... اسفه اسفه بجد اني فسرت نظراتك الصبح ليها بتفكير غلط وأنا عارفه إنك مش كدا، بس عيني غلطت وفسرت غلط، انا اسفه اووي
عاصم... بحزن... مفكراني اني عامل زي جوزك؟
انتي تعرفي عني كدا ياصفا؟
صفا... مقصدش والله ياحبيبي بس بصراحه مكنتش لاقيه مبرر لنظراتك غير كدا والله لإنك عمرك ماحبيت ولا تعرف الحب فقلت انك مش ممكن تحب
بس متقلقش ان كنت بتحبها بجد فأنا هساعدك ،رغم ان مستواها صعب اووي بس البنت تستاهل وانا اسفه اني كلمتها بقلة ادب الصبح و...
عاصم... بإنهيار... أنا عمري ماعيطت في حياتي إلا لما حبيتها وعارف انها صعبة أوووي أرجوكي ياصفا انتي اللي خليتيني فتحت الموضوع، وحيات أغلى حاجة عندك تساعديني أنا عارف إن جدو مش هيوافق، كفاية إنه كان هيقتل عمتو زمان لإنها إتجوزت موظف عنده، أنا خايف أوي، لإن جدو هو اللي قتله ويتم الطفلة اللي منعرفش مكانها فين، يعني من الأخر قتله هو، يعني ممكن يئذيلي شروق أنا خايف أوي قصتنا متكملش وخايف تكمل وجدو يئذيها
، أنا بعشقها أوووي أووووي ياصفا
صفا... إهدي بس ياعاصم وبلاش عياط، دموعك بتقتلني والله ياحبيبي صدقني بتقتلني أوي، والله هقف جنبك واساعدك، وعلفكرة البنت دخلت قلبي، عارف ليه ؟
عاصم.. ليه ؟دا إنتي لسه مهزقاها الصبح
صفا... البنت عفيفة وكمان باين عليها متدينة، لما طلعت فيها دموعها كانت واقفه على تكة وأنا واثقه إنها مشيت تعيط في مكان مفيهوش حد، أنا واثقه، انا خبيرة نفسية، وعارفه كمان ان واحدة اخدت موقف منك بالشكل دا مستحيل تكون النوع اللي انا اتكلمت عنه
عاصم... فيه سؤال كدا بعيد عن أي حاجة، انتي خبيرة نفسية تمام برغم انك عارفه شخصية جوزك ليه ما.... اسف
صفا... مانا قلتلك لإني بحبه بتغاضي عن أفعاله، رغم إني فاهمة انه مش بيحبني وبيحب صنف البنات، المهم فكك إنت وقوللي بالتفصيل حبيت شروق مرات أخويا المستقبلية إزاي؟
عاصم.... بهيام... من أول يوم لمحتها خطفت قلبي، كانت قاعدة على الكورنيش بترتاح، فاكرة اليوم اللي كنت فيه مسافر ألمانيا لما جدو عمل حادثة، وطلبني عنده؟ وقتها لغيت تذاكر السفر وانا في طريقي للمطار وانتوا استغربتوا وانا اتحججت
بسببها شفتها قاعدة وإبتسامتها مزينة وشها رغم ان باين عليها الإجهاد وكنا بعد الضهر، طبعا انا وقتها كنت متضايق من كرما بنت طنط وفاء اللي بعد خطوبتنا بإسبوع تخونني ومع البيه جوزك
