الله لإله إلا هو الحي القيوم واتوب اليه
سأبقي بإنتظار يوم جميل صنعته بمخيلتي
الكاتبة الصغيرة.... أسماء العمرى
الفصل السادس
دخلت شروق الي البيت بعد عناء يوم طويل فتحت هاتفها وإذا تري الساعه قاربت العاشرة ليلا
دخلت سلمت علي والدتها ومنها لغرفتها ثم قامت توضأت وصلت العشاء وتلت جزئين من القرأن
وأخذت تدعو ان يوفقها الله وأيضا يعجل شفاء هذا المجهول
أخذت تفكر أين عائلته؟ ومن فعل به هذا؟ ومالذي حدث له؟ وأين هاتفه لكي تستطيع أن تتواصل مع أي شخص يوصلها لعائلته
قطعت شرودها ودخلت لتطمئن عليه وتراه عسي أن تعرفه فلم تره عندما أتت به الي هنا، لأنها لم تستطع التعرف عليه حينها
إنه هو نعم إنها تعرفه جيدا، هل هذا الشبه معقول بينهم؟ أم أنه هو نفس الشخص؟
لايعقل أن يكون هو؟ ولكن لماذا فالشبه نفسه كيف إذا ألا يكون هو؟ ولكن إذا كان هو لماذا ساقه القدر في طريقها مرة أخرى؟
لاتدرى مالذي تريد أن تفعله في تلك اللحظة فيكفي ماحدث بسببه من الماضي والذي بسببه لم تستطع أن تنساه نهائيا أو تتجاوز ماحدث
شروق.... مكنتش متوقعه إني هشوفك هنا من تاني، لا وأنا اللي أنقذك من الموت، تخيل؟ إنت دمرتني ودمرت مستقبلي، بس عارف لو أعرف إنك إنت اللي كنت مرمي قدامي وجسمك مليان طعنات؟ مكنتش هتردد إني أساعدك عارف ليه؟ عشان من وجهة نظرى وعلي حسب ماتعلمت ماقدرش أشوف بني أدم بيتألم قدامي ويمكن في إيديا أنقذ حياته
حسبنا الله ونعم الوكيل، يمكن رميتك في الشارع دي جزء من أفعالك ويمكن ربنا بيردهالك
فلاش باااااك
كانت شروق تعمل منهكة في هذا اليوم، كانت تعمل في شركة تابعه لشركات عائلة ناصف التجارية
حتي آتي مديرها عامر الجبالي وقد كانت منهكة جدا بعد يوم ضغط طويل
عامر... ها ياشروق خلصتي ولا لسه، علفكرة انتي مضغوطة النهاردة تعالي أوصلك وكفاية عليكي النهاردة
شروق... بأدب... باقي ليا حاجات بسيطة هخلصها وهمشي علطول
عامر.... طيب بس يلا أنا هوصلك
شروق... شكرا ياعامر بيه
عامر... شكر علي واجب، ممكن أسألك سؤال؟
شروق... إتفضل
عامر... هو إزاي قدرتي تثبتي كفائتك في الشركة وشركة عالمية زي دي رغم إن أسف ممعكيش كلية أو أي خبرة في سوق العمل ومعندكيش واسطة؟
شروق... بإبتسامة... بإرادة ربنا، شوف سبحان الله رغم إن كل اللي هنا معاهم شهادات عالية وخبرة علي عكسي أنا بس تقدر تقول توفيق ربنا ليا، ربنا بياخد مننا حاجة وبيعوضنا بأفضل منها والواحد مش واخد باله، يعني مثلا إذا ربنا أخد من البني أدم نعمة كالبصر مثلا نعمة ظاهرة خالص اهي فيه ناس بتقول إنه نقمه بس دا ابتلاء ومابيبقاش واخد باله إن ربنا إداله نعمة تانيه أفضل منها ومش موجودة عند بشر كتيير وبيعوضه بحاجات أفضل منها
عامر.... سبحان الله أنا شايفك متمسكة أووي بمبدأ، بس دا شئ كويس، ماشاء الله، إنسانه جميلة وممتازة في شغلك شكلك قريب هاتترقي
