بسم الله الرحمن الرحيم
"إن الله وملائكته يصلون على النبي يأيها الذين آمنوا صلوا عليه وسلموا تسليما"
صدق الله العظيم
سأبقى بإنتظار يوم جميل صنعته بمخيلتي
الرواية الثانية لسلسه كفاحي قدري
الكاتبة أسماء العمري
الفصل الحادي عشر
جلست تتأمل الخبر بالجريدة غير مصدقة لما يحدث الأن، بحياتها لاتصدق أن فتاة كهذه في إستطاعتها أن تفعل كل ذلك
جلست واجمة لاتنبس ببنت كلمة تحدق في صورتها بدون أي نطق أي حرف
حتى لم تشعر بمن تستشعر صدمتها
لم تنتبه إلا على صوتها
.... سالي! مالك يابنتي؟ قاعدة مصدومة كدا ليه؟ في حاجة في الجورنال صدمتك للدرجادي؟
سالي... شروق، فاكرة البنت اللي ساعدتك يوم لما ماسمعتيش كلامي وطلعتي الكورنيش؟
... اه ايوة افتكرتها، أم وش سمح دي؟انما مالها، دي مش كانت عندنا من أسبوعين ووعدتني هتزورني تاني، وكانت عازماني على فرحها، بس انتي عارفه مابحبش اختلط في الأفراح وكده
سالي... مقبوض عليها ياخالتي بتهمة الشروع في قتل، ومحاولة الجمع بين زوجين
حاولت الضحك من سخرية الموقف
... ايه اللي بتقوليه دا يابنتي؟ مش معقول يعني؟ شروق مش وش كدا
سالي... بس دا اللي السوشيال ميديا اقصد النت والجرايد كاتبه عنه من امبارح ان الشرطة خدتها امبارح كان هيبقى فرحها
... أكيد دي مؤامرة معموله ضدها
سالي... حاسه بكدا خاصة انها كانت هتتجوز واحد من الشخصيات المهمة في البلد من عيلة ناصف
إختنقت السيدة لمجرد سماع الإسم
... لو سمحتي ياسالي بلاش تهزري، ملقتش الا العيلة السو دي؟
سالي... بحزن... انا عارفه إنتي بتفكري في إيه دلوقتي ياخالتي إنتصار
إنتصار... بتذكر... هي دي العيلة اللي سرقتلي إبني.
سالي... للحق ياخااه إبنك اللي اتخلى عننا عشانهم
إنتصار... يتنهد... يمكن، يلا الله يسامحه، يارب تطلعي بريئة ياشروق ومتقعيش ضحيتهم
سالي... خالتي
إنتصار... مال وشك اتغير كدا ليه؟ كاتبين ايه تاني في الجورنال؟
سالي..... "" ""
إنتصار... ماتنطقي ياسالي، البت جرالها حاجه؟
سالي... اه
إنتصار... ايه حصل؟
سالي.... بصراحه اللي اتهم شروق بالإتهامات دي كلها يبقى ماهر
إنتصار... بصدمة... مش جديدة عليه طالما دخل عيلة ناصف، بس معلش ياسالي قلتلك كذا مرة ان ابني ماهر مات من سنين، دا واحد شبهه وماسمعتيش قال اسمه ايه؟ عامر الجبالي
سالي... معلش ياخالتي هو السبب وطالما هو اللي اتهم شروق يبقى عمل كدا لغرض وان هو كداب، اتنسيش ياخالتي هو عمل فيا ايه زمان؟
إنتصار... عارفه، قتلك جوزك اللي هو اخوه من لحمه ودمه وكل ده عشان يبقى غني ويكبر كان شايف عيلته ماتستحقوش عشان فقرا
سالي... خالتي احنا لازم نقف جنب شروق، ايه رأيك؟
إنتصار... ايوة حتى لو مش في إيدينا حاجه نواسيها حتى هي وامها لازم اللي نقدر عليه نعمله
سالي... هخش أغير هدومي وأحصلك
إذا عامر الجبالي بجبروته ووقاحته تبرأ من عائلته ومن أجل ماذا؟ المال والشهرة وشهوته ولكن ماذا كان المقابل، عقَقه لوالديه وقتل أخاه وتسبب في موت أبيه شئ محزن للأسف عائلتك والداك من ربوك صغيرا، والدتك من حملتك وربتك وجعلت منك إنسانا وحرمت نفسها هي والأب من أجل تعليمه رغم فقر الحال
هذا وحده يكفي بأن تكون عاقل لوالديك؟حتما المال والشهرة الذين تركت من ربوك من أجلهم لن يكونان نعمه بل سيكونان نقمه وسيتحولو الي لعنه ستظل تعاني من هذه اللعنه طوال حياتك وان تنعم بها في أخرتك
بسم الله الرحمن الرحيم
"وقل ربي إرحمهما كما ربياني صغيرا"
صدق الله العظيم
