Secretly Into My Heart 💛

Beautiful Things Happen ...

" මට කොහොමටවත් මේ වගේ ක්‍රියාවක් අනුමත කරන්න බෑ මිස් ජිසෝ . ඔයාට යුතුකමක් සහ වගකීමක් තියෙනවා මාව දැනුවත් කරන්න . මගේ අවසරයක් නැතුව කාටවත්ම ළමයෙක්ව ඉස්කෝලේ ඉවර වෙන්න කලින් එහෙම එළියට එක්කගෙන යන්න බෑ . ඒක ළමයින්ගේ ආරක්ෂාවට තර්ජනයක් . අපිට කාවවත් විශ්වාස කරන්න බෑ දැන් කාලේ .මම මේ මිස් ජිසෝව අවිශ්වාසයි කියනවා නෙමෙයි . මං හිතනවා මිස් ජිසෝට මම කියන දේ තේරෙනවා කියලා . ඒක නිසා මට ඇත්තටම මේ ගැන පියවරක් ගන්න වෙනවා"

ජිසෝ විදුහල්පතිතුමාගෙ කාර්යාලය ඇතුලේ හිටගෙන, විදුහල්පතිතුමාගේ කටින්ම පිටවෙන වචන ටික අහගෙන හිටියේ ඇස් වලින් එලියට පනින්න පොරකන කඳුළු හිර කරගන්න ලොකු සටනක් කරන ගමන් .

" ඇත්තටම මිස් ජිසෝ වගේ ඉතාමත්ම හොඳ ගුරුවරියකට මේ වගේ කතා කරන්න සිද්ධ වුණ එකට මම කොහොමටවත්ම කැමති නෑ . ඒ වුණත් මම ඇත්ත කියන්න එපැයි . මේ වතාවට මම මේක අත ඇරලා දානවා . ස්පෙෂලි , ජංකූක්ගේ ගෙදරින් මට කතා කරලා දැනුම් දුන්නා , jungkookට තත්ත්වෙ බරපතළ වෙන්නේ නැතුව ඉක්මනට හොඳ වෙන්න පුළුවන් වුණේ මිස් ජිසෝ ළමයව ඉක්මනට අරගෙන ගිය නිසා කියලා . අන්න ඒ කාරණාව නිසා මම ඇත්ත වශයෙන්ම මිස් ජිසෝට ස්තුතිවන්ත වෙන්නත් ඕනේ . නමුත් ළමයව අරගෙන ගියාට පස්සේවත් , හැකි ඉක්මනින් මට මේක දැනුම් දුන්නේ නැති එක ගැන මට තියෙන්නෙ ලොකු අපැහැදීමක් . මට ඒ ගැන හරිම කණගාටුයි .මම හිතනවා ඉස්සරහට මේ වගේ දේවල් සිද්ධ වෙන එකක් නෑ කියලා . මිස් ජිසෝට දැන් යන්න පුළුවන් . "

....................................

ජිසෝ principle ගෙ ඔෆිස් එකෙන් එළියට ආවේ හොඳටම රිදුන හිතක් සහ කඳුළු හංගගන්න පොරකන ඇස් දෙකක් එක්ක . ඒ වෙලාවෙ තමන් කරේ වෙලාවෙ හැටියට කරන්න තිබුන හොඳම දේ කියලා ජිසෝ දැනගෙන හිටියා . ඒක නිසා ඒ දේ කරපු එක ගැන ජිසෝ පොඩ්ඩක්වත් පසුතැවුනෙ නම් නෑ . නමුත් විදුහල්පතිතුමාගේ හිතේ තමන් ගැන ඇති උනයි කියපු අපැහැදීම ගැන නං ජිසෝගෙ හිතට දැනුනේ කියාගන්න බැරි තරම් දුකක් .