Secretly Into My Heart 💛

Kim and Kang ...

" මැඩම් . ගෙස්ට්ස් ලා ඇවිල්ලා ඉන්නෙ.ඇතුලට එවන්නද ? "

ජෙනීගෙ අම්මගෙන් එහෙම ඇහුවේ ජෙනීගෙ ගෙදර වැඩ කරන එක සේවිකාවක් .

" හරි එවන්න . ගිහිල්ලා මගේ හස්බන්ඩ්ටයි දුවලා දෙන්නටයි පල්ලෙහාට එන්න කියන්න " එයා කිව්වේ තවත් සේවිකාවකට .

තවත් ටික වෙලාවකින් ඇවිල්ලා හිටපු අමුත්තෝ , ඒ කියන්නේ ජෙනීගෙ තාත්තගේ කොරියන් ෆුඩ් කම්පැනි එකත් එක්ක අලුතින්ම කොලැබොරේෂන් එකක් කරන්න ලෑස්ති වෙලා ඉන්න තවත් ව්‍යාපාරිකයෙක් සහ එයාගේ පවුලේ කට්ටිය ජෙනීලගෙ තරු පහේ හෝටලයක් වගේ ලස්සන ලොකු ගෙදර විසිත්ත කාමරයට ඇතුල් වුණා . ජෙනීගෙ අම්මයි තාත්තයි දෙන්නා අමුත්තො කට්ටියත් එක්ක ලොකු කතාබහක ඉන්න වෙලාවෙ තමයි ජෙනීගෙ අක්කා ටිෆනි එතැනට ආවේ . නිකන් නම් නෙවෙයි, බොහොම සුඛෝපභෝගී විදිහට ඇඳලා පැළඳලා. හරියට මේ එයා ඉන්නේ එයාගෙම ගෙදර නෙවෙයි වගේ .

" සෝ මිස්ටර් ඇන්ඩ් මිසිස් කන්ග් , මින්හ්‍යුක් , මේ ඉන්නෙ මගේ බියුටිෆුල් රෝස් ටිෆනි . ෂී ඊස් සෝ ටැලන්ටඩ් ඉන් බිස්නස් ෆීල්ඩ් ජස්ට් ලයික් හ (ර් ) ඩැඩ් "

ජෙනීගෙ අම්මා ටිෆනිව ඒ විදිහට අඳුන්වලා දෙද්දි , හැමෝම ඒකට පිළිතුරු දුන්නේ හරිම ලස්සන ඒත් හදවතින්ම එන හිනාවක්ද කියලා සැක හිතෙන විදිහෙ  හිනාවකින්. මින්හ්‍යුක්, ඒ කියන්නෙ කන්ග් යුවලගෙ පුතා ඇරෙන්න .

ඒ එක්කම කතා කරේ මිසිස් කන්ග්.

" අම්මත් ඉතිං රෝස් ෆ්ලව (ර් ) එක වගේ ඉන්න හින්දනෙ දුවලත් ඒ වගේ ලස්සනට ඉන්නෙ . ආ ඒක නෙමෙයි . මට අහන්න ලැබුණු විදිහට නං ඔයාලට තව ඩෝටර් කෙනෙක් ඉන්නව නේද ? "