Take Me ..[Complete]

Ep-10

Uni 🌷

°°°°°°

" သခင်မလေး !"

ဘေးအနားကနေ ဘယ်ကပေါ်လာမှန်း မသိတဲ့
ခပ်တောင့်တောင့် လူတစ်ယောက်ကို
Lotus မှာ အသံတိတ် ကျေးဇူးတင်မိသွားသည်။ မဟုတ်ရင် Alora ဟူသော ထို အမျိုးသမီး ၏ အချစ်စကား ခပ်နုနုတွေကြားမှာ သူ့နှလုံးသားလေးက ခံနိုင်ရည် မရှိပေ

" ကျစ် ဘာလို့ လိုက်လာ ပြန်တာလည်း "

ကားပေါ် မှီနေရာကနေထလို့ Alora ဟာ စိတ်ပျက်သလို ဆိုကာ ပြောတော့
ထိုလူဟာ ခါးကျိုးမတတ် ငုံ့ထားရင်းကနေ

"ဟို သခင်ကြီးက သခင်မလေးကို ခေါ်ခိုင်းလိုက်လို့ပါ "

နှုတ်ခမ်းအနည်းငယ် ဆူသွားသော
Alora အားကြည့်ကာ Lotus က အသာ ပြုံးသည်။ ထို့‌ေနာက် တစ်ဆက်တည်း
အမျိုးသမီးငယ်အား Alora ဟု ခေါ်သည်မှာ သူ(မ)တစ်ယောက်တည်းသာရှိမှန်း သဘောပေါက်ခဲ့သည်။

" Daddy က လည်း ..."

ခပ်ဆူဆူလေး ဆိုသော သူ(မ)ဟာ
လိုချင်တာ မရ၍ စိတ်ကောက်နေသော
ကလေးလေးနှင့်ပင် တူနေသေးသည်။
Lotus ပြုံးကာ သူ(မ)ပုခုံး အသာကိုင်လို့

" သွားလေ Alora မ'လည်း ပြန်တော့မယ်".

"ဟို တောင်းပန်ပါတယ် "

"လိုလို့လား ကားကို ဂရုစိုက်မောင်း"

မျက်နှာငယ်နဲ့ တောင်းပန်နေသော
သူ(မ)ဟာ lotus ရဲ့ အပြုံးတွေ မြင်မှ
ပြုံးကာခေါင်းငြိမ့်ပြရင်း ထွက်သွားတော့သည် ။

Moon အမည်ရှိတဲ့ အိမ်တော် ခပ်ကြီးကြီးဟာ
မသိရင် နန်းတော်နှင့်ပင် အထင်မှားချင်စရာ
ထို့အပြင် မြို့ထဲ တွင်မက နေရာပေါင်းစုံမှာလည်း Moonlight အမည်ရှိ နာမည်ကြီးဘားဆိုင်ခွဲပေါင်း များစွာက လက်ညိုးထိုမလွဲ

" Daddy ကတော့ စိတ်ဓာတ်ဘဲ !"

"ဟက်ဟက် ဒီက အသက်ကြီးနေတဲ့ ဖအေကိုပစ်ထားပြီး ကောင်မလေး ချောချောလေးနဲ့ သာယာနေတဲ့ သမီးတော်က အပြစ်မဟုတ်ဘူးလား ဟမ် "

Alora က အိမ်ထဲ ဝင်ဝင်ခြင်း ဧည့်ခန်းမှာ ထိုင်ကာ wine သောက်နေသော ဖခင်နား ဝင်ထိုင်လို့ wine နီနီအချို့ ငှဲ့ထည့်ရင်း မကျေမချမ်းဆိုတော့ ဖခင်ဆိုသူက တဟားဟားရယ်ရင်း မထိတထိပြန်ပြောသည်။