ستائر وهميه

الجزء 1

طلعت من الشركه اضم ورق التقديم بجنطتي
اني و امشي متنرفزه : لغه فرنسي و بريطاني شبي الانكليزي يبزز
لا و خبره 7 سنوات بعد ماتردوها تطير .. صوج المطي اليقدم عدكم

اني و احجي ويه نفسي انركعت بجاهل يبيع جاي
صاح : الجاي خالةةة

- خلخلو عضامك .. بعدين يا جاي هذا الترمز فارغ

- انكسر بعد

- ليش تشتغل الصبح مو المفروض بمدرستك هسه

- اهلي متوفين واني الاصرف على خواتي

- خواتك يدرسن ؟

- اي .. تحقيق هو ؟

- اعوذ بالله مو جهال دواعش
اسفين عيني لتزعل

فتحت جنطتي : عالعموم هاك هالمبلغ اصرف منه هالفتره و اهتم بدراستك
محد يفيدك غير شهادتك

- اني مو مجدي

- اعتبرها فلوس الترمز الي نكسر الزم .. و لتضوج جنت اشاقه وياك عابت هالخشم

ابتسملي كال : شكرا

كملت طريقي طالعه من الصبح جوعانه رحت لكوفي شوب
طلبت كهوه و دونات

كعدت اكل دك موبايلي رديت : الو

اختي : ها لج بشري

اني : الواحد يكول صباح الخير بالاول

اختي : مانمت الليل علمودج احجي

اني و اكل : مصار شي كالعاده الشركات تفيك عاليقدمون
تالي تشتغل الواسطات و يعينون ناس كلمتين متعرف تكتب