سمعنا باب الشارع تندك حيل
و صار ركع قوي ركع ركع ركع
جفلنا امي خافت تفتح كتلها اوكفي
رحت صحت منو يكول اني
فتحت !!!
غانم صديق رجل امي الي شافني بيوم الحنه
سكران و منتجي عالباب
حجيت بعصبيه : اكو واحد يدك الباب هيج ؟ شتكول العالم علينا
احجي وهو منتجي صافن عليه
غانم : تخبلين
- نعم ؟
- يعني .. اريد قصدي حميد وينه؟
- يجوز بمكتبه طالع شمعرفني وين
داسد الباب حط رجله بالنص فتحها بايده مره ثانيه
خنزرت عليه
- شدعوه حلوه هلكد انتي
- باوع لتنرفزني تالي الليل روح منا
- سمعي
- روووح
دفعت رجله برجلي و ركعت الباب بوجهه
بليل رجع رجل امي : سكران كوه يمشي يكلها لامي حطيلي عشه
كتله : معناها اجاك غانم سكرتو سوه
رجل امي : اي شمعرفج ههههه
يضحك باستهزاء سكران
- هالشكولات تسهر وياهم بره البيت مو يدكون الباب علينا بنص الليل بله تهجم لو تعصب علينا لو قتلنا ترتاح جنابك ساعتها؟
أنت تقرأ
ستائر وهميه
Romanceقصة عراقية حقيقية 💯 لبنيه تمردت على واقعها المرفوض بواقع جديد رسمته لنفسها .. شكد حياثر عليها هالشي و شنو ثمنه ؟ تابعو ويايه الاحداث 💙 القصه دراميه مثيره جريئه ببعض البارتات صارت بالسنوات الاخيره و عبره لبنات جيلها ❤️
