ستائر وهميه

البارت الاخير ❤️

فتحت ضوه الموبايل حته اوصل لفراشي
مددت جانب صعدت رجليانتي لفيت ايدي عليهن قرفصت ع نفسي
بقيت صافنه ساعه بالضلمه بالهدوء وحدي
بردانه و تعبانه دموعي تنزل اخاف يطلع صوتي و البره يسمعني
اركان مو اول مره يخذلني و مايصدكني
كل مره يكون عندي امل يتحسن الوضع اشيل السواد الي بكلبه عليه
ارجع ثقته بيه
و اوثق انو مرح يخذلني
الكي روحي بوضع اسوء
صار حته صوتي ممنوع مامسموع
صفيت بالضلمه وحدي

مر الليل شلون مجان
غرفتي الي عشت بيها سنين اول مره احسها مو غرفتي
مو بيتي شفت نفسي غريبه
اركان من دخل حياتي و دخلني حياته و بيته غيرني هوايه
حته الشي القديم الجنت احبه صرت اشوفه غريب مايشبهني
حبيت حياتي الجديده وياه رغم بشاعه التفاصيل و اللحضات الصعبه المرينا بيها

اني وافكر بكل هذا دخلت امي عليه

- ياا صباح الخير ماعبالي كاعده من وكت
ردت اشوف الصوبه مالتج نسيت اترسها نفط بالليل خوما بردتي

- ماعرف بردت او لا ماحسيت بشي

- زينه اعرف بعدج زعلانه مني بس بنتي اني ....

قاطعتها : ماضل شي مهم عندي ماما هذا بيتج وانتي حره حته لو كتيلي روحي اروح و ....